இது ரஜினி தீபாவளி… ‘கெட் ரெடி ஃபோக்ஸ்!’

சின்னத்திரையில் இந்த ஆண்டும் ‘ரஜினி தீபாவளி’!

பெரிய திரையோ சின்னத் திரையோ… ரஜினி தோன்றினால் அது எந்த நாளும் தீபாவளிதான் என்பது நடைமுறை உண்மை.

1995-ம் ஆண்டு…. ‘தூர்தர்ஷனில் தலைவர் ரஜினியின் பேட்டி’ என்ற தகவல் ஜஸ்ட் வாய்மொழியாகத்தான் பரவியது. ஆனால் பேட்டி ஒளிபரப்பான தினம், குறிப்பாக அந்த ஒருமணிநேரம், அறிவிக்கப்படாத பந்த் போல, நகரெங்கும் அத்தனை அமைதி!

அதன் பிறகு, இதே போன்றதொரு அனுபவம் கிடைத்தது ரஜினியின்’ ஆக்ஷன் கிளாஸிக்’ பாட்ஷா சன் டிவியில் ஒளிபரப்பான போது!

சந்திரமுகியை தொலைக்காட்சியில் ஒளிபரப்பியபோது, பட்டாசு வெடிச் சத்தமே அடியோடு குறைந்துபோனதாக சிஃபியில் ஸ்ரீதர் பிள்ளை குறிப்பிட்டிருந்தார்!

இதோ… மீண்டும் தீபாவளி… இதுவும் ரஜினி தீபாவளிதான்.

தொலைக்காட்சியுலகின் முக்கிய சேனல்களான சன் மற்றும் கலைஞர் இரண்டிலும் ரஜினி ஸ்பெஷல்தான். ரசிகர்களை வேறு சேனல் பக்கமே திரும்பவிடாத அளவுக்கு ரஜினி ஸ்பெஷலாக அதிரடி நிகழ்ச்சிகள் மற்றும் படத்தை இந்த சேனல்கள் ஒளிபரப்புகின்றன.

சன் டிவியில் ‘மேக்கிங் ஆப் எந்திரன்’ என்ற சிறப்பு நிகழ்ச்சி வெள்ளிக்கிழமை மாலை 6 மணிக்கு ஒளிபரப்புகிறது. எந்திரன் திரைப்படம் உருவான விதம், அதில் ரஜினி ரோபோவாக எப்படி நடித்தார், அதில் உபயோகிக்கப்பட்ட அனிமேட்ரானிக்ஸ் மற்றும் ரோபோடிக்ஸ் தொழில்நுட்பங்கள் ஆகியவற்றை காட்டப் போகிறார்கள்.

குறிப்பாக ரயில் சண்டைக் காட்சியில் பயன்படுத்தப்பட்டது டூப் இல்லை, தண்டவாளத்தின் மீதும், ரயில் வண்டியின் மீதும் ஒடுவது, சண்டை போடுவது எல்லாமே வேறு ஸ்டன்ட் நடிகர் அல்ல, ரஜினியே என்பதை விவரமாகக் காட்டப் போகிறார்கள்.


இந்த நிகழ்ச்சிக்குப் போட்டியாக மாலை 5.30 மணிக்கே கலைஞர் டிவியில் ரஜினியின் சூப்பர் டூப்பர் ஹிட் படமான சிவாஜி – தி பாஸ் படத்தை ஒளிபரப்புகிறார்கள்.

உலக அளவில் இந்தியப் படங்களின் மார்க்கெட்டை புதுப்பித்துக் கொடுத்த பெருமை சிவாஜிக்கே உண்டு. மிகச் சிறந்த பொழுதுபோக்குப் படம் என்று பாராட்டப்பட்டது. தேசிய விருதுகள் உள்ளிட்ட பல விருதுகளைக் குவித்தது. ரஜினிக்கு பிரதமர் கையால் விருது வாங்கிக் கொடுத்த படம்.

இயக்குநர்கள் சங்க 40-ம் ஆண்டு விழாவில் கேபிக்கு தலைவர் கொடுத்த கலக்கலான பேட்டி எப்போது வெளியாகும் என்பதை சன் டிவி இன்னும் அறிவிக்கவில்லை.

இந்த நிகழ்ச்சிகளுக்கு முன்னும் பின்னும் மற்ற சேனல்களும் ரஜினி பற்றிய நிகழ்ச்சிகள் மற்றும் திரைப்படங்களை ஒளிபரப்புகிறார்கள்.

Advance Happy Deepavali… Get ready folks!

எங்க பெரிய தல