போதை..!

**சிவா** · **சிவா** Tue Nov 02, 2010 7:48 pm

இளம் தலைமுறையினர் புத்தாண்டு மற்றும் பண்டிகை, திருவிழாக்களில் மதுவைத் தான் பெரும்பாலும் நாடுகின்றனர். இதனால் வன்முறை, மோதல்கள் ஏற்படுகின்றன. தீய சேர்க்கையால் வளரும் இளம் பருவத்தினர் 13 வயதிலேயே மது உள்ளிட்ட போதைப் பழக்கங்களுக்கு அறிமுகமாவதாக சமீபத்திய புள்ளி விவரங்கள் தெரிவிக்கின்றன. மனதுக்குள் விருந்தாளி போல் நுழையும் போதை, நாளடைவில் மோசமான எஜமான் போல் பழகுபவரையும் அவரது குடும்பத்தையும் நாசமாக்கி விடுகிறது. நோய்க் கிருமிகளைவிட மிகவும் வேகமாக போதை கலாசாரம் பரவி வருகிறது.

`குடிப்பழக்கம் ஒரு நோய்' என உலக சுகாதார நிறுவனம் திட்டவட்டமாக அறிவித்துள்ளது. கூலித் தொழிலாளர்கள் தாம் சம்பாதிக்கும் வருமானத்தின் பெரும்பகுதியை மதுவுக்காக செலவழித்துவிட்டு, குடும்பத்தை நடுத்தெருவில் தத்தளிக்க விடுகின்றனர். இதனால் குழந்தைகளுக்கு தேவையான சத்துணவு, படிப்பு, உடை என அடிப்படைத் தேவைகள் தரப்படுவதில்லை. திருமணமான ஆண்களின் போதைப் பழக்கத்தால், அவர்களின் குடும்பம் முடங்கிப் போய், வறுமையில் திண்டாடுகிறது.

தற்போது ஏற்படும் விபத்து மரணங்களில், 72 சதவீதம் குடித்து விட்டு போதையில் வாகனங்களை ஓட்டுவதால் ஏற்படுகிறது. 40 சதவீதம் இளைஞர்கள் போதையின் தாக்கத்தால் மனப் பதற்ற நோய்க்கு ஆளாகியிருக்கிறார்கள். மேலும் கணவன்-மனைவிக்குள் சண்டை ஏற்பட பெரும்பாலும் போதை தான் காரணியாக அமைகிறது.

கலைவேந்தன் · கலைவேந்தன் Tue Nov 02, 2010 10:02 pm

மதுவை அறவே தவிர்ப்போம்..!

- குடிக்காத கலை

போதை..!

போதை..!

Re: போதை..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக