தமிழக மீனவர்களின் ஏழு சடலங்களும் யாழ்ப்பாணத்தில் தகனம்

kirupairajah · kirupairajah Wed Aug 12, 2009 8:23 am

தமிழகத்தின் இராமேஸ்வரம் மற்றும் தனுஸ்கோடி ஆகிய பகுதிகளில் இருந்து கடற்தொழில் நிமித்தம் கடந்த மாதம் 14ஆம் 15ஆம் திகதிகளில் இரண்டு படகுகளில் வந்தபோது, படகு கவிழ்ந்து கடலில் மூழ்கி மரணமடைந்த 8 பேரில் ஏழு பேரின் சடலங்கள் யாழ் தீவகப் பகுதி கரைகளில் ஒதுங்கியிருந்தன.
இதில் ஒருவரது சடலம் தென்னிந்தியக் கரையில் ஒதுங்கியிருந்தது. யாழ். தீவகப் பகுதியில் கரை ஒதுங்கிய ஏழு சடலங்களின் இறுதிக் கிரியைகள் ஞாயிற்றுக்கிழமை யாழ். கோம்பயன்மணல் இந்து மயானத்தில் நடைபெற்றன.

கடலில் உயிரிழந்தவர்களின் இறுதிக் கிரியைகளைச் செய்வதற்காக அவர்களது உறவினர்கள், நிரபராதி மீனவர்களின் விடுதலைக்கான கூட்டமைப்பின் தமிழகப் பிரதிநிதியான யூ. அருளானந்தம் தலைமையில் இவர்கள் யாழ்ப்பாணத்திற்கு அழைத்து வரப்பட்டிருந்தனர்.

இந்நிகழ்வில் ஈழமக்கள் ஜனநாயகக் கட்சியின் செயலாளர் நாயகமும் சமூக சேவைகள் மற்றும் சமூக நலத்துறை அமைச்சருமான டக்ளஸ் தேவானந்தா கலந்து கொண்டு, உறவுகளை இழந்தவர்களுக்குத் தனது அனுதாபங்களை நேரில் தெரிவித்தார்.

இறந்த கடற்தொழிலாளர்களின் உறவினர்கள் இந்தியக் கடற்படையினரிடம் இருந்து பொறுப்பேற்கப்பட்டே அழைத்து வரப்பட்டனர். சடலங்களை யாழ். போதனா வைத்தியசாலையில் இருந்து பொறுப்பேற்று மயானத்திற்குக் கொண்டு சென்றது முதல், இறுதிக்கிரியைகள் வரை அனைத்து விடயங்களையும் கடற்படையினர் மேற்கொண்டிருந்தார்கள்.

தமிழகத்தில் இருந்து யாழ்ப்பாணத்திற்கு வந்திருந்த உறவினர்களுக்குத் தேவையான ஏனைய உதவிகளை யாழ். மாவட்ட கடற்தொழிலாளர் கூட்டுறவுச் சங்கங்களின் சம்மேளனம் மேற்கொண்டிருந்தது.

தமிழக மீனவர்களின் ஏழு சடலங்களும் யாழ்ப்பாணத்தில் தகனம் 09_08_09_jaffna_01

தமிழக மீனவர்களின் ஏழு சடலங்களும் யாழ்ப்பாணத்தில் தகனம் 09_08_09_jaffna_01

தமிழக மீனவர்களின் ஏழு சடலங்களும் யாழ்ப்பாணத்தில் தகனம் 09_08_09_jaffna_02

தமிழக மீனவர்களின் ஏழு சடலங்களும் யாழ்ப்பாணத்தில் தகனம்

தமிழக மீனவர்களின் ஏழு சடலங்களும் யாழ்ப்பாணத்தில் தகனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக