அமெரிக்காவை தகர்க்க வெடிகுண்டுகளை அனுப்பியது ஏமன் நாட்டை சேர்ந்த மருத்துவ கல்லூரி மாணவி

நிசாந்தன் · நிசாந்தன் Wed Nov 03, 2010 1:23 am

அமெரிக்காவில் சிகாகோ நகரில் உள்ள யூதக் கோவில்களை தகர்ப்பதற்காக சரக்கு விமானங்களில் 2 வெடிகுண்டுகளை அனுப்பியது ஏமன் நாட்டை சேர்ந்த மருத்துவ கல்லூரி மாணவி என்பது தெரியவந்தது. அவரை காவலர்கள் கைது செய்தனர். அவரது தாயாரும் கைதானார்.

சவுதி அரேபியா எச்சரிக்கை

ஆப்பிரிக்காவில் உள்ள ஏமன் நாட்டில் இருந்து அமெரிக்காவுக்கு புறப்பட்ட 2 சரக்கு விமானங்களில் வெடிகுண்டுகள் அனுப்பப்பட்டன. அமெரிக்காவில் சிகாகோ நகரில் உள்ள 2 யூதக் கோவில்களின் முகவரிக்கு அந்த வெடிகுண்டுகள் அனுப்பப்பட்டு இருந்தன. அந்த கோவில்களை தகர்ப்பதற்காக இந்த வெடிகுண்டுகள் அனுப்பப்பட்டன. இது பற்றிய தகவல் சவுதி அரேபிய உளவுத்துறைக்கு கிடைத்தது. இதைத் தொடர்ந்து அந்த நாடு, அமெரிக்காவை எச்சரித்தது.

இதையடுத்து அந்த நாட்டுக்கு செல்லும் அனைத்து விமானங்களும் சோதனைக்கு உட்படுத்தப்பட்டன. துபாயில் நடந்த சோதனையில் ஒரு வெடிகுண்டு கைப்பற்றப்பட்டது. அதுபோல இன்னொரு விமானத்தில் இலண்டனில் நடந்த சோதனையில் மேலும் ஒரு குண்டு கண்டுபிடிக்கப்பட்டது.

20 வயது மாணவி கைது

இதைத் தொடர்ந்து குண்டு வைத்தவரை கண்டுபிடிப்பதற்காக ஏமன் நாடு காவல்துறையை முடுக்கிவிட்டது. அவர்கள் விசாரணை நடத்தினார்கள். சரக்கு விமானத்தில் அந்த வெடிகுண்டு பார்சல்களை யார் அனுப்பியது என்பது குறித்து அதிகாரிகள் விமான கம்பெனியில் விசாரித்தார்கள். அப்போதுதான் அவற்றை ஒரு பெண் அனுப்பி இருக்கிறார் என்பது தெரியவந்தது. அவர் விமான கம்பெனி அலுவலகத்தில் கொடுத்த தொலைப்பேசி எண்ணை வைத்து அவரது முகவரியை காவல்துறையினர் கண்டு பிடித்தனர்.

ஏமன் நாட்டின் தலைநகர் சானாவின் மேற்கு பகுதியில் ஏழைகள் வசிக்கும் பகுதியில் அவர் வசிப்பது தெரியவந்தது. அந்த வீட்டுக்கு காவல்துறையினர் சென்று அவரை கைது செய்தனர். அவர் மருத்துவ கல்லூரி மாணவி ஆவார். அவர் சானா பல்கலைகழகத்தில் மருத்துவ பாடத்தில் பட்டப்படிப்பு படித்து வருகிறார். அவருக்கு 20 வயது ஆகிறது.

தாயாரும் கைது

அந்த வீட்டில் அவருடன் அவரது தாயார் மட்டும் வசித்து வந்தார். அவரையும் காவல்துறையினர் கைது செய்தனர்.

அக்கம்பக்கத்தில் வசிப்பவர்கள் அந்த மாணவியைப் பற்றி கூறும்போது, அவர் மிகவும் அமைதியானவர் என்றும், அவர் எந்த மத குழுவிலும் அல்லது அரசியல் குழுவிலும் தொடர்பு கொண்டிருந்தாரா என்பது எங்களுக்கு தெரியாது என்றும் தெரிவித்தனர்.

பலிகடா

இது தொடர்பாக அந்த மாணவியின் வழக்குறைஞர் அப்துல் ரகிமான் பர்மன் கூறுகையில், அவர் இந்த விடயத்தில் பலிகடா ஆக்கப்பட்டு இருக்கிறார் என்று நினைக்கிறேன். இவ்வளவு பெரிய விபரீதமான செயலை செய்யப்போகிறொம் என்று தெரிந்து இருந்தால் அவர் தன் அடையாள அட்டையையும், தொலைப்பேசி எண்ணையும் விமான அலுவலகத்தில் கொடுத்து இருப்பாரா என்று கேள்வி எழுப்பினார்.

அல்கொய்தா இயக்கத்துடன் அந்த மாணவிக்கு தொடர்பு இருக்கலாம் என்று அந்த நாட்டு காவல்துறையினர் சந்தேகிக்கின்றனர். இந்த சம்பவத்தில் மேலும் பலரையும் காவல்துறையினர் தேடி வருகிறார்கள். ஏமன் நாட்டு அதிபர் அலி அப்துல்லா சலே நிருபர்களிடம் கூறுகையில் அமெரிக்காவும், ஐக்கிய அரேபிய எமிரேட்சு நாடும் கொடுத்த தகவல்களை தொடர்ந்து தான் அந்த பெண்ணை எங்களால் கைது செய்ய முடிந்தது என்று குறிப்பிட்டார்.

பார்சல் அனுப்ப தடை

இதற்கிடையில் இக்கிலாந்து பிரதமர் கேமரூன் நிருபர்களிடம் கூறுகையில், இலண்டனில் கைப்பற்றப்பட்ட குண்டு விமானத்தையே தகர்க்கக்கூடிய அளவுக்கு வடிவமைப்பட்டு இருந்தது என்று தெரிவித்தார். அதோடு ஏமன் நாட்டில் இருந்து இங்கிலாந்து நாட்டுக்கோ அல்லது இந்த நாட்டு வழியாகவோ பார்சல்களை அனுப்புவதற்கு அதிகாரிகள் தடை விதித்து இருப்பதாக அவர் கூறினார்.

அமெரிக்காவை தகர்க்க வெடிகுண்டுகளை அனுப்பியது ஏமன் நாட்டை சேர்ந்த மருத்துவ கல்லூரி மாணவி

அமெரிக்காவை தகர்க்க வெடிகுண்டுகளை அனுப்பியது ஏமன் நாட்டை சேர்ந்த மருத்துவ கல்லூரி மாணவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக