சிறுத்தைக்காக ரிஸ்க் எடுத்த கார்த்தி!

'பருத்தி வீரன்', 'நான் மகான் அல்ல' ஆகிய படங்களின் வரிசையில் மூன்றாவதாக ஸ்டுடியோ க்ரீன் நிறுவனத்தின் தயாரிப்பில் கார்த்தி நடிக்கும் படம் 'சிறுத்தை'. இதில் முதன் முறையாக இரண்டு வேடத்தில் நடிக்கும் கார்த்தி பிக்பாக்கெட் மற்றும் படித்த இளைஞன் என இரண்டு வேடத்திலும் வித்தியாசத்தைக் காட்டி அசத்தியிருக்கிறாராம். ஒரு சாதாரண இளைஞனுக்கு அசாதாரண கடமையை முடிக்க வேண்டிய சூழலின் நிர்ப்பந்தம் ஏற்படுகிறது. அதை எப்படி முடித்துக் காட்டுகிறான் என்பதே இப்படத்தின் ஒன்லைன் ஸ்டோரி. "பகலில் வேட்டையாடும் ஒரே விலங்கு சிறுத்தைதான். பயமில்லாததும் எதிரியை நேருக்கு நேர் மோதுவதும் சிறுத்தைதான். அதன் வேகம் இணையில்லாதது. இப்படத்தின் நாயகனின் கதாபாத்திரமும் இதே குணம் கொண்டதுதான், அதனால்தான் இந்தப் பெயரை படத்தின் தலைப்பாக வைத்தேன்" என்று தலைப்பின் காரணத்தை கூறிய இயக்குநர் சிவா, நடிகர் பாலாவின் சகோதரர். பிரபல ஒளிப்பதிவாளரான இவர் தெலுங்கில் 'சௌர்யம்', 'சங்கம்' ஆகிய இரண்டு வெற்றிப் படங்களை இயக்கியிருக்கிறார். 'சிறுத்தை' இவர் இயக்கும் முதல் தமிழ் படமாகும். கார்த்தியுடன் இரண்டாவதாக ஜோடி போட்டிருக்கும் தமன்னா, சந்தானம், கார்த்தியுடன் இணைந்து காமெடியெல்லாம் செய்திருக்கிறாராம். இப்படத்தின் நகைச்சுவைப் பகுதிகள், ரசிகர்களின் வயிறுகளைப் புண்ணாக்கும் வகையில் உருவாக்கப்படவுள்ளதாம். இந்த மூவரின் காமெடியும் களைகட்டும் விதத்தில் அமைந்திருக்க, அதே சமயம் படம் முழுக்க தொடரும் சஸ்பென்ஸ் திரைக்கதையின் விறுவிறுப்பை கூட்டுமாம். முன்னணி நாயகனாக வேகமாக வளர்ந்து வரும் 'கார்த்தி', புதிய முயற்சிகளில் ஈடுபட இதுவே சரியான தருணம் என உணர்ந்துள்ளார். இப்படத்தின் சண்டைக்காட்சியில் 150 அடி உயரத்திலிருந்து குதித்து படப்பிடிப்புக் குழுவை திகைக்க வைத்தாராம். கமல்ஹாசன், விக்ரம், சூர்யா போன்றோரின் சோதனை முயற்சிகள் சில நேரங்களில் பாக்ஸ் ஆபிஸில் பலனளிக்கத் தவறினாலும், பெரும்பாலும் வெற்றியையே பெற்று தந்திருக்கிறது. கார்த்தி தற்பொழுது சிறப்பானதொரு இடத்தில் உள்ள போதிலும், சோதனை முயற்சிகளில் ஈடுபட முடிவெடுத்திருக்கிறார். ஆனால் முழுப் படத்திலும் அவ்வாறு ஈடுபட கார்த்தி விரும்பவில்லை, முதற்கட்டமாக ஒரு பாடலில் மட்டும் 9 வேடங்களில் கார்த்தி தோன்றவுள்ளார். ஒளிப்பதிவாளரும், இயக்குநருமான சிவா 9 வேடங்களில் நடிக்கும்படி கார்த்திக்கு ஆலோசனை வழங்கியுள்ளார். சிவாவின் ஆலோசனையை ஏற்றுக்கொண்ட கார்த்தி, அவர் விருப்பம் போல நடந்து கொள்ளத் தயாராகிவிட்டார். கார்த்தியின் வழக்கமான படங்களைப் போல 'சிறுத்தை' படமும் மசாலா அம்சங்கள் நிறைந்ததாக உருவாகவுள்ளது. 'சிறுத்தை'யின் எழுபது சதவீத படப்பிடிப்பு முடிவடைந்துவிட்டது. வேகமாக வளர்ந்து வரும் இப்படம் டிசம்பரில் வெளியாக இருக்கிறது.

///"பகலில் வேட்டையாடும் ஒரே விலங்கு சிறுத்தைதான். பயமில்லாததும் எதிரியை நேருக்கு நேர் மோதுவதும் சிறுத்தைதான்.///

இப்படி மோதி மோதி எதைச் சாத்துள்ளீர்கள்! விளையாட்டுப் போட்டியில் இந்தியாவிற்கு குத்துச் சண்டையில் உங்களால் ஒரு தங்கம் வாங்கித் தர முடியுமா?

எனக்கு அவர்களே உண்மையான கதாநாயகர்கள்!