ஆசிரியரை அறைந்த ஆசிரியை

திருச்சி: மாணவர்கள் முன்னிலையில் இடைநிலை ஆசிரியை ஒருவர், முதுகலை ஆசிரியரை கன்னத்தில் அறைந்த விவகாரம் பெரும் பரபரப்பை ஏற்படுத்தியுள்ளது. திருச்சி மாவட்ட அரசு தலைமை மருத்துவமனை பின்புறம் உள்ள கீழவண்ணாரப்பேட்டையில், சி.இ., என்ற பெயரில் அரசு உதவிபெறும் மேல்நிலைப்பள்ளி உள்ளது.

நேற்று காலை ஒன்றாம் வகுப்பு முதல் ப்ளஸ் 2 மாணவர்கள் வரை பங்கேற்கும், இறைவணக்கக் கூட்டம் பள்ளி மைதானத்தில் நடந்தது. கூட்டம் முடிந்து மாணவர்கள் வரிசையாக தங்களின் வகுப்புகளுக்கு திரும்பிக் கொண்டிருந்தனர். அப்போது ப்ளஸ் 2 மாணவர்கள் வகுப்பறைக்குச் செல்லும் போது கத்திக் கொண்டே சென்றனர். இதை அங்கு நின்றிருந்த இடைநிலை ஆசிரியை ஸ்டெல்லா (40), மாணவர்களுடன் சென்று கொண்டிருந்த முதுநிலை ஆசிரியர் லேமக்ஸை (53) பார்த்து, "மாணவர்கள் சத்தம் போட்டு செல்கின்றனர். அதைக் கண்டிக்கக்கூடாதா?' என்று கோபமாக கேட்டுள்ளார்.

அதற்கு, "கொஞ்சம் மரியாதையாக பேசுங்கள்' என்று முதுநிலை ஆசிரியர் லேமக்ஸ் கூறியுள்ளார். இவ்வாறு துவங்கிய வாக்குவாதம் கடும் வார்த்தைகளை பயன்படுத்தும் அளவுக்கு வளர்ந்தது. அப்போது யாரும் எதிர்பாராத வகையில் ஆசிரியர் லேமக்ஸ் கன்னத்தில், ஆசிரியை ஸ்டெல்லா, "பளார்' என்று அறைந்துவிட்டார். சற்றும் எதிர்பாராத லேமக்ஸ் அதிர்ச்சியில் உறைந்தார். அப்போது உடனிருந்த தமிழாசிரியர் பன்னீர்செல்வம், ஸ்டெல்லாவை தட்டிக் கேட்டுள்ளார். அவரையும் தகாத வார்த்தைகளால் திட்டி கீழே தள்ளிவிட்டுள்ளார் ஆசிரியை ஸ்டெல்லா.

ஆசிரியை மீது நடவடிக்கை எடுக்கக்கோரி கலெக்டரிடம் மனு கொடுக்க, அடி மற்றும் திட்டு வாங்கிய ஆசிரியர்களுடன் மாணவர்கள்,ஊர்வலமாக புறப்பட்டனர். போலீசார் சமாதானம் பேசி மாணவர்களை பள்ளிக்கு திரும்பி அனுப்பிவைத்தனர். இச் சம்பவம் குறித்து போலீசில் ஆசிரியர்கள் இருவரும் புகார் செய்தனர். ஆசிரியை ஸ்டெல்லாவும் ஆசிரியர்கள் லேமக்ஸ், பன்னீர்செல்வம் ஆகியோர் தன்னை கிண்டல் செய்ததாக புகார் செய்துள்ளார்.ஆசிரியை ஸ்டெல்லாவை பள்ளி நிர்வாகம் சஸ்பெண்ட் செய்து உத்தரவு பிறப்பித்துள்ளது.

என்ன தான் இருந்தாலும் அறைந்தது கொஞ்சம் ஓவரா தான் இருக்கு

இது போல் ஆசிரியை இருந்தால் , மாணவர்களின் கதி என்ன?
ஆசிரியை முன்மாதிரியாக இருக்கவேண்டும்.

Photo please...