எலும்புகளின் பயன்கள் - தீக்குச்சி' தோன்றியது எப்படி? - சுதந்திரதேவி சிலை!

எலும்புகளின் பயன்கள்

எலும்புகள் இருப்பதினால் தான் நாம் நிற்கிறோம், நடக்கிறோம், கை, கால்களை நீட்டுகிறோம். முக்கியமா உருவ அமைப்பைப் பெறுவதற்கு இந்த எலும்புகள் ரொம்ப உதவி செய்யுது. இல்லைன்னா வெறும் சதைக்குவியலா ஒரே இடத்துல தான் கிடப்போம். நம்ம உடம்புல வலுவான பகுதியா இருப்பதும் இந்த எலும்பு தான்.

நம்ம உடம்புல இருக்குற கால்சியத்துல 99 சதவீதமும், பாஸ்பரஸ்ல 88 சதவீதமும் இந்த எலும்புகள்ல தான் இருக்குதாம். மனிதனோட உடல்ல இருக்குற மிகப்பெரிய எலும்பு, அவனோட தொடை எலும்பு. இது வீடு கட்டப் பயன்படும் கான்கிரீட் கலவையைவிட பலமா இருக்குமாம். நம்முடைய உயரத்துல 25 சதவீத அளவுக்கு, அதாவது கால் பங்கு உயர அளவுக்கு இந்தத் தொடை எலும்பு காணப்படும்.

குழந்தை பிறக்கும்போது மொத்தம் 300 எலும்புகள் இருக்கும். ஆனால், வளர்ந்ததும் 206 எலும்புகள் மட்டுமே இருக்கும். வளரும்போது சில எலும்புகள் ஒன்று சேர்ந்து விடுவதே அதற்குக் காரணம். காதின் நடுவுல இருக்குற எலும்பு தான், மனித உடல்ல இருக்குற மிகச்சிறிய எலும்பு. இது ஒரு அரிசியோட பாதி அளவு தான் இருக்குமாம். எலும்புகள் பலமாக இருக்க, கால்சியம் சத்து அவசியம். இது பாலில் அதிகமாக இருக்கு.

***

தீக்குச்சி' தோன்றியது எப்படி?

1825-ம் வருடம். ஜான் வாக்கர் அப்படிங்கிற வேதியியல் ஆராய்ச்சியாளர், தீவிரமான ஆராய்ச்சியில ஈடுபட்டிருந்தாரு. அப்போது ஆன்டிமனி சல்பைடும், பொட்டாசியம் குளோரேட்டும் கலந்த கலவையில, சிக்கிமுக்கி கல் மற்றும் இரும்பு சேர்த்து எரிïட்டும் கலவையைக் கண்டுபிடிக்க முயற்சி பண்ணிக்கிட்டிருந்தாரு.


அந்தக்கலவையை அவர் எதார்த்தமா அடுப்புக் கல்லுல தேய்க்கப் போக, அது உடனே பற்றி எரிய ஆரம்பிச்சது. அந்தக்கலவையை உப்புத்தாள்ல தேய்ச்சு, எரியும் குச்சியை அவர் தயாரிச்சாரு. ஆனா, அதுக்கான காப்புரிமையை அவர் வாங்கவில்லை. அதனால 1828-ம் ஆண்டு சாமுவேல் ஜோன்ஸ் என்பவர், அதைத் தன்னுடைய கண்டுபிடிப்பா பதிவு செஞ்சு பிரபலமாக்கினாரு.

1829-ம் ஆண்டு தான் சர் ஐசக் ஹோல்டன் என்பவர், பாஸ்பரஸ் மற்றும் கந்தகம் கலந்த தீக்குச்சிகளை உருவாக்கினாரு. இந்தக் குச்சிதான் எல்லாரிடமும் எளிதில் பிரபலமானது.

சுதந்திரதேவி சிலை

அமெரிக்கா என்றதுமே முதலில் நினைவுக்கு வருவது, மிக உயரமாக இருக்கும் சுதந்திரதேவி சிலை தான். தற்போதைய நவீனத் தொழில்நுட்பம் இல்லாத காலகட்டத்துல இந்தச்சிலை வடிவமைக்கப்பட்டதுன்னு சொல்றாங்க. ஒரு கையில் ஏந்திய தீபத்துடனும், மறு கையில் புத்தகத்தை அணைத்தபடியும் உள்ள இந்தச்சிலை, பிரான்சு நாட்டால் அமெரிக்காவுக்கு வழங்கப்பட்டதாம். அதாவது, அமெரிக்கா விடுதலையடைந்த நூறாவது ஆண்டை முன்னிட்டு இந்தச்சிலையை பரிசளித்தது பிரான்ஸ்.

தலைசிறந்த கட்டுமான நிபுணரான கசுடாவ்வு ஈபில் என்பவர், இந்தச்சிலையை வடிவமைச்சாரு. இதை உருவாக்குவதற்கு பல ஆண்டுகள் ஆனதாம். கடைசியில 1884-ம் ஆண்டு பிரான்சு நாட்டோட அமெரிக்கத் தூதுவர்கிட்ட இந்தச்சிலை ஒப்படைக்கப்பட்டது. 151 அடி உயரமுடைய இந்தச்சிலையை, 214 பெட்டிகள்ல அடைச்சி, கப்பல் மூலமா 1885-ம் ஆண்டு அமெரிக்கா கொண்டு வந்தாங்க.

1886-ம் ஆண்டு ஜுலை மாதம் 4-ந் தேதி சுதந்திரதேவி சிலை நிறுவப்பட்டது. இரும்பால் செய்யப்பட்ட இந்தச்சிலை, நூறாண்டுகளுக்கு மேலாகியும் துருப்பிடிக்காமல் காலங்கடந்து விளங்குகிறது. அமெரிக்காவிற்கு வரும் வெளிநாட்டு சுற்றுலாப் பயணிகளைக் கவருவதில் முன்னணியில் உள்ளதாம் இந்தச்சிலை.

***

தங்கமலர்

பயனுள்ளதோர் தகவல்களுக்கு மிக்க நன்றி சிவா அண்ணா

எனக்கு எலும்பு கொஞ்சம் வீக்கு

எனக்கு எலும்பு கொஞ்சம் வீக்கு