Latest topics

தமிழ் கிராமசேவகர் மீது போலீஸ்காரர் தாக்குதல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

தமிழ் கிராமசேவகர் மீது போலீஸ்காரர் தாக்குதல்

Post by நிசாந்தன் Mon Nov 01, 2010 11:43 pm

மட்டக்களப்பு மாவட்டம் ஏறாவூர் போலீஸ் பிர்வுக்கு உட்பட்ட போலீஸ்காரர்கள் தமிழ் கிராம சேவகர் மீது தாக்குதல் நடத்தியுள்ளனர். பொதுமக்கள் போன்று உடையணிந்து வந்த போலீஸ்காரர்களே, தங்களது இரு கையாட்களுடன் வந்து ஜெகநாதன் என்னும் கிராம சேவகரை சனிக்கிழமை மாலையில் தாக்கியுள்ளனர். தமிழ் மக்களுக்குச் சொந்தமான நிலத்தை முஸ்லிம்கள் அத்துமீறி நுழைந்ததற்கு எதிராக தகுந்த ஆவணங்களுடன் தலவாய் போலீஸ் நிலையத்தில் முறையிட வந்தபோதே ஜெகநாதனை இவ்வாறு தாக்கியுள்ளனர்.

செங்கலடி கிராம அலுவலர் பிரிவுக்குட்பட்ட ஏறாவூர் பட்டிலுள்ள தலவாய் தமிழர்கள் தமது நிலங்களை முஸ்லிம்கள் ஆக்கிரமிப்பதாக ஜெகநாதனிடம் முறையிட்டதைத் தொடர்ந்தே அவர் போலீஸ் நிலையத்தில் இதுகுறித்துப் புகாரளிக்கச் சென்றதாகத் தெரியவந்துள்ளது. அவர் சமர்ப்பித்த ஆவணங்கள் ஏற்றுக்கொள்ளக் கூடியவையாகவும் இருந்துள்ளன.

இந்நிலையிலேயே ஆக்கிரமித்த முஸ்லிம்கள் போலீஸ்காரர்களையும், கையாட்களையும் ஏற்பாடு செய்து ஜெகநாதன்மீது தாக்குதல் நடத்தி மேற்படி ஆவணங்களை இல்லாதொழிக்க முயற்சித்துள்ளனர். இத்தாக்குதல் குறித்து ஜெகநாதன் ஏறாவூர் பிரதேச செயலகத்திலும் போலீஸ் நிலையத்திலும் முறைப்பாடு செய்துள்ளார்.

நிசாந்தன்: இளையநிலா; பதிவுகள் : 957
இணைந்தது : 24/07/2010