நிலா வரைந்த நிலாக்கள்

by **மு.வித்யாசன்** Mon Nov 01, 2010 9:16 pm

வெள்ளைத் தாளில் விளையாட்டாய்
வைத்தாய் புள்ளியாய்...

தலை சீவி, கூந்தல் சிரிக்க
கோர்த்தாய் பூவாய்...

தேகம் தீண்டி மோகம் கொள்ள கழுத்தில்
சூட்டினாய் பாசி மணியாய்...

தென்றல் அமர்ந்து ஊஞ்சலாட செவியில்
மாட்டினாய் தோடாய்...

உரசி, உரசி ஓவியமாக கைகளில்
பூட்டினாய் வளையலாய்...

தூங்கும் போதும் கதை பேச
அணிந்தாய் பாத கொழுசாய்...

பணி செய்யும் போதெல்லாம்
வடித்தாய் வியர்வை பனியாய்...

அப்பொழுதெல்லாம் எனக்கு
புரியவில்லை...

நிமிர்ந்து வானம் பார்த்தேன்
வெண்ணிலா தென்படவில்லை...

என்னவள்
அருகில் வந்து பார்த்தேன்...

அவள்...
தேய்த்து சுட்டு கொண்டிருந்தாள் வெண்ணிலவை !

அன்பு மலர்

(சப்பாத்தி,தோசை,இட்லி -இதுல எதுவாகவும்) அன்பு மலர்

பின்புதான் அறிந்தேன்

உனை தொட்டதெல்லாம்
நிலா வரைந்த நிலாக்களாக மாறுமென்று !!

என்னிடம்...
ஏக்கத்தோடு கேட்டது
வானம்-வெண்ணிலவை
எப்போது விடுதலை செய்வாள் என்று !!!

by வினுப்ரியா Mon Nov 01, 2010 9:33 pm

கற்பனையும் கவிதையும் மிகவும் அருமை
ஆனால் சில இடங்களில் அர்த்தங்களும் சொல்ல வந்ததை சொல்லாமல் நிற்கிறது,எழுத்துபிழைகளும் உள்ளது .சரி செய்தால்
இன்னும் நல்லா இருக்கும் விதயா

வித்யாவின் வித்யாசனமான சிந்தனை
வீட்டில் தோசை சுடும் வரைக்கும் நிலவை
இழுத்து சென்று விட்டது..அருமை..நண்பா..

by **மு.வித்யாசன்** Mon Nov 01, 2010 9:39 pm

வினுப்ரியா wrote:கற்பனையும் கவிதையும் மிகவும் அருமை
ஆனால் சில இடங்களில் அர்த்தங்களும் சொல்ல வந்ததை சொல்லாமல் நிற்கிறது,எழுத்துபிழைகளும் உள்ளது .சரி செய்தால்
இன்னும் நல்லா இருக்கும் விதயா

ஆமாம்.. வாசித்த பிறகு எனக்கும் புரிந்தது. ஆதலால் சற்று மாற்றி அமைத்துள்ளேன். உங்கள் கருத்துக்கு நன்றி

தற்போது புன்னகை