70 சட்டலைட் டெலிபோன் உடலில்: பெண் கைது !

நிசாந்தன் · நிசாந்தன் Mon Nov 01, 2010 12:22 am

கொழும்பில் இருந்து சென்னைக்கு சென்ற இலங்கை பெண்ணொருவர் தனது உடலில் கையடக்க தொலைபேசிகளை மறைத்து கடத்த முற்பட்ட போது இந்திய சுங்க பிரிவு அதிகாரிகளினால் கைது செய்யபட்டுள்ளார்

சமீப காலமாக இலங்கையிலிருந்து சென்னைக்கு விமானக்கடத்தல்கள் அதிகரித்துள்ளதன் காரணமாக சென்னை மீனம்பாக்கம் விமான நிலையத்திற்கு கொழும்பில் இருந்து வரும் விமானப் பயணிகளை இந்திய சுங்க பிரிவு அதிகாரிகள் தினமும் சோதனை செய்கின்றனர். நேற்றைய சோதனையின் போது இலங்கையை சேர்ந்த ரீஸ்வியா (வயது 20) என்ற பெண்ணின் உடைகள் சந்தேகப்படும்படியாக இருந்ததால் அவரை இந்திய சுங்க பிரிவு பெண் அதிகாரிகள் தனியறைக்கு அழைத்து சென்று சோதனை நடத்தினர்.

அப்போது உடல் முழுவதும் கையடக்க தொலைபேசிகளை வைத்து செலோ டேப் மூலம் ஒட்டி வந்ததை அதிகாரிகள் கண்டுபிடித்தனர். அவரது உடலில் இருந்த 70 கையடக்க தொலைபேசிகளை அதிகாரிகள் கைப்பற்றியுள்ளனர். மேலதிக சோதனையின் போது அவருடைய பொதியில் இருந்து உயர்ரக 3 செய்மதி கையடக்க தொலைபேசிகளையும் பறிமுதல் செய்தனர்.

இது தொடர்பில் இந்திய விமான நிலைய சுங்கப்பிரிவு அதிகாரி விபரிக்கையில்,

இலங்கை பெண் 3 செய்மதி கையடக்க தொலைபேசிகளை கடத்தி வந்து உள்ளார். இது தீவிரவாதிகள் பயன்படுத்துவதாகும். இந்த கையடக்க தொலைபேசிகளை யாருக்காக கடத்தி வரப்பட்டது. இதன் பின்னணியில் உள்ளவர்கள் பற்றி விசாரணை நடத்த தனிப்படைகள் அமைக்கப்பட்டு உள்ளன. கடந்த 27 ஆம் திகதி புறநகர் பொலிசார் ரூபாய் 2 கோடி இந்திய மதிப்புள்ள நவரத்தின கற்களை கடத்தலின் போது பிடித்தாக கூறி எங்களிடம் ஒப்படைத்தனர். இந்த கற்களின் உண்மையான மதிப்பு ரூபாய் 49 லட்சம் இந்திய ரூபாய்தான் என்பது தெரிய வந்துள்ளததாக அவர் தெவித்தார்.

70 சட்டலைட் டெலிபோன் உடலில்: பெண் கைது !

70 சட்டலைட் டெலிபோன் உடலில்: பெண் கைது !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக