ஸ்வைன் மேலும் பயங்கர விளைவுகளை ஏற்படுத்தும்

by **சிவா** Wed Aug 12, 2009 2:08 am

ஸ்வைன் மேலும் பயங்கர விளைவுகளை ஏற்படுத்தும் - அமெரிக்க நிபுணர்கள்

வாஷிங்டன்: பன்றிக் காய்ச்சல் அடுத்த சுற்று தாக்குதலுக்கு தயாராகி வருகிறது. இம்முறை உலக நாடுகளைச் சேர்ந்த பல லட்சம் பேரை அது பாதிக்கும் என்று அமெரிக்க சுகாதாரத் துறை நிபுணர்கள் எச்சரித்துள்ளனர்.

உலக நாடுகளை பன்றிக் காய்ச்சலை பெரும் அச்சுறுத்தலுக்கு ஆளாக்கியுள்ளது. இந்தியாவில் தற்போது பன்றிக் காய்ச்சல் படு வேகமாக பரவி வருகிறது.

இந்த நிலையில் வரும் நாட்களில் பன்றிக் காய்ச்சல் உலக நாடுகளில் பல லட்சம் பேரை பாதிக்கும், கடும் விளைவுகளை அது ஏற்படுத்தும் என அமெரிக்க சுகாதார நிபுணர்கள் எச்சரித்துள்ளனர்.

இதுகுறித்து வென்டர்பில்ட் பல்கலைக்கழகத்தைச் சேர்ந்த டாக்டர் வில்லியம் ஷாப்னர் கூறுகையில், பன்றிக் காய்ச்சல் வைரஸ் இன்னும் அழியவில்லை. அது உலக நாடுகளை வரும் நாட்களில் மிக மோசமாக பாதிக்கும் அபாயம் உள்ளது.

2வது சுற்று பாதிப்புக்கு அது தயாராகி வருகிறது. இதை எதிர்கொள்ள உலக நாடுகள் மிகவும் விழிப்புணர்வுடன் இருக்க வேண்டியது அவசியம். பல லட்சம் பேரை அது பாதிக்கும் அபாயம் உள்ளது. மிகப் பெரிய அளவில் உயிர்ச் சேதம் ஏற்படும் அபாயமும் உள்ளது என்றார்.

இதற்கிடையே, வட அமெரிக்க தலைவர்கள் மெக்சிகோவில் கூடி பன்றிக் காய்ச்சல் பரவலைத் தடுப்பது தொடர்பாக ஆலோசித்து வருகின்றனர். வட அமெரிக்க கண்டத்தில் 2வது சுற்று பன்றிக் காய்ச்சல் பரவல் ஏற்படும் வாய்ப்புகள் அதிகரித்துள்ளதைத் தொடர்ந்து இந்தக் கூட்டத்திற்கு ஏற்பாடு செய்யப்பட்டுள்ளது.

by **சிவா** Wed Aug 12, 2009 2:12 am

1200 பள்ளிகளை மூட மகாராஷ்டிர அரசு உத்தரவு

மும்பை : 1200 அரசுப் பள்ளிகளை 8 நாட்களுக்கு மூட மகாராஷ்டிர அரசு உத்தரவிட்டுள்ளது. பன்றிக் காய்ச்சல் நோய் பரவுவதை தடுக்க இந்த அதிரடி நடவடிக்கை மேற்கொள்ளப்பட்டிருப்பதாக தெரிவிக்கப்பட்டுள்ளது.

by **சிவா** Wed Aug 12, 2009 2:13 am

மதுரை, கோவை, நெல்லையில் பன்றி காய்ச்சல் பரிசோதனை மையங்கள் : முதல்வர் த‌லைமையில் நடந்த கூட்டத்தில் முடிவு

சென்‌ன : மதுரை, கோவை மற்றும் ‌நெல்லையில் பன்றி காய்ச்சல் பரிசோதனை மையங்கள் அமைக்கப்படும் என்று தமிழக முதல்வர் கருணாநிதி இன்று தெரிவித்தார். பன்றி காய்ச்சல் நோய்க்கு நேற்று சென்னையை ‌சேர்ந்த சஞ்சய் என்ற சிறுவன் பலியானதை தொடர்ந்து, இன்று முதல்வர் கருணாநிதி தலைமையில் பன்றி காய்ச்சல் நோய் தடுப்பு நடவடிக்கை குறித்து உயர்மட்ட ஆலோசனை கூட்டம் நடந்தது. அந்த கூட்டத்தில் இந்த முடிவு எடுக்கப்பட்டது.

by **சிவா** Wed Aug 12, 2009 2:13 am

ஐதராபாத் வந்த ம‌லேஷிய பேட்மிட்டன் குழு பயிற்சியாளருக்கு பன்றி காய்ச்சலா ? ஆஸ்பத்திரியில் அனுமதி

ஐதராபாத் : இந்தியா முழுவதும் இப்போது பன்றி காய்ச்சல் வேகமாக பரவி வருவதாக செய்திகள் வந்தவண்ணம் இருக்கிறது. ஐதராபாத்தில் நடக்க இருக்கும் உலக பேட்மிட்டன் சேம்பியன்ஷிப் போட்டியாளர்களும் அதில் தப்பவில்லை. மலேஷியாவில் இருந்து வந்த பேட்மிட்டன் குழுவினரின் பயிற்சியாளர் மிஷ்பன் சிடக்கிற்கு பன்றி காய்ச்சலுக்கான அறிகுறி இருப்பது தெரிய வரவே அவர் உடனடியாக அரசு ஆஸ்பத்திரியில் சேர்க்கப்பட்டார். அவரது ரத்த மாதிரி எடுக்கப்பட்டு சோதனைக்காக அனுப்பப்பட்டிருக்கிறது. அதன் முடிவு வர இன்னும் ஒரு வாரம் ஆகும் என்று தெரிகிறது. அதன்பின்னரே அவருக்கு பன்றி காய்ச்சல் இருக்கிறதா இல்லையா என்பது தெரிய வரும் என்று சொல்லப்பட்டிருக்கிறது.

by **சிவா** Wed Aug 12, 2009 2:14 am

சேலத்தில் ஒருவருக்கு பன்றி காய்ச்சல் அறிகுறி ?

சேலம் : சேலத்தில் ஒருவருக்கு பன்றி காய்ச்சல் இருக்கலாம் என்று சந்தேகிக்கப்படுகிறது. தர்மபுரி மாவட்டம் பொம்முடியை சேர்ந்தவர் அர்ஜூனன். 34 வயதான இவர் ஒரு லாரி டிரைவர். சமீபத்தில் மகாராஷ்டிரா சென்று திரும்பிய அவருக்கு நான்கு நாட்களாக ‌தொடர்ந்து காய்ச்சல் இருந்திருக்கிறது. அதற்காக அவர் சிகிச்சைக்காக சேலத்தில் உள்ள தனியார் மருத்துவமனைக்கு சென்றிருக்கிறார். அவருக்கு பன்றி காய்ச்சல் இருக்கலாம் என்று சந்தேகித்த அங்குள்ள டாக்டர்கள், அவரை அரசு மருத்துவமனைக்கு அனுப்பி வைத்திருக்கிறார்கள். அங்குள்ள டாக்டர்களும் அவருக்கு பன்றி காய்ச்சலுக்கான அறிகுறி இருப்பதாக சந்தேகித்து அதனடிப்படையில் சிகிச்சை அளித்து வருகிறார்கள்.

by **சிவா** Wed Aug 12, 2009 2:15 am

பன்றிக்காய்ச்சல்: பலி எண்ணிக்கை 11 ஆக உயர்வு

திருவனந்தபுரம் : திருவனந்தபுரத்தில் 35வயது நபர் ஒருவர் பன்றிக்காய்ச்சல் நோயால் மரணமடைந்தார். இதன் காரணமாக இந்தியாவில் பன்றிக்காய்ச்சல் நோயால் பலியானவர்களின் எண்ணிக்கை 11ஆக உயர்ந்துள்ளது.

by Sponsored content

ஸ்வைன் மேலும் பயங்கர விளைவுகளை ஏற்படுத்தும்

ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்

Re: ஸ்வைன் மேலும் பயங்கர விளைவுகளை ஏற்படுத்தும்