ஒல்லியான உடம்பை பெற.....

வீட்டில் யாரேனும் அதிகம் தூங்கினால், பெரியவர்கள் அவர்களைக் கண்டித்து, "இப்படித் தூங்கினால் உடல் பருமன் ஆகிவிடும். ஒரு வேலையும் செய்யாமல் தூங்கினால் உணவி#ருந்து பெறப்பட்ட சக்தி செலவழியாமல் உடம்பு பெருத்துவிடும்'' என அறிவுரை கூறுவதைப் பார்த்திருக்கிறோம்.
மாறாக, ஒல்லியான, அழகான உடல்வாகு பெற நன்றாக உறங்க வேண்டும் என்று ஒரு புதிய ஆராய்ச்சி மூலம் தெரிகிறது. "உடல் எடையைக் குறைக்க ஓர் உன்னதமான திட்டம் இதோ: ஒரு தூக்கம் போடுங்கள்'' என்று செய்தியாக நாம் அறிவது சஞ்சய் படேல் என்ற விஞ்ஞானியின் ஆராய்ச்சியிலிருந்து. அவர் அமெரிக்காவில், ஒஹையோ மாநிலத்தில் உள்ள கிளீவ் லேண்ட் நகரின் Case Western Reserve University யில் பணிபுரிகிறார். 68,000-க்கு அதிகமான பெண்களை இந்த ஆராய்ச்சியில் உட்படுத்தினார். அவர் இந்த ஆராய்ச்சியிலிருந்து, 5 மணி நேரத்துக்குக் குறைவாக இரவில் உறங்குபவர்கள், 7 மணி நேரம் தூங்குபவர்களை விட அதிகம் உடலில் எடை உள்ளவர்களாக ஆகிறார்கள் என அறிந்தார்.

மற்ற வேறுபாடுகளையும் கணக்கில் எடுத்துக்கொண்டு, அக்குழுவினரிடம் படேல் தன் ஆராய்ச்சியைத் தொடர்ந்தார். 5 மணி நேரமோ, அதற்குக் குறைவாகவோ தூங்கும் பெண்மணிகள், 7 மணி நேரம் தூங்குகிற பெண்மணிகளை விட சராசரியாக 0.7 கிலோ கிராம் 10 ஆண்டுகளுக்கு மேல் அதிகமாக எடை கூடினர். குறைந்த தூக்கக்காரர்களில் 32 சதவிகிதத்தினர் 15 கிலோ கிராம் எடை அதிகரித்திருக்கக்கூடும், 15 சதவிகிதத்தினர் குண்டாகி இருக்கக்கூடும் என்பது படேலின் ஆராய்ச்சிகளில் பெறப்பட்ட முடிவுகள் ஆகும்.

இதில் ஒரு குறிப்பிடத்தக்க விஷயம் என்னவென்றால், 5 மணி நேரம் தூங்குவோர், 7 மணி நேரம் தூங்குபவர்களை விடச் சில கலோரிகள் குறைவாகவே சாப்பிட்டார்கள் என்கிறார் படேல். இந்த ஆராய்ச்சியில் தாம் கண்ட முடிவுகளை படேல், அண்மையில், கலிஃபோர்னியாவின் ஸான்டியாகோ நகரில் நடைபெற்ற American Thoracic Society International Conference-ல் உரையாற்றித் தெரிவித்தார். சரியான தூக்கம் இல்லாதவர்கள் அதிகம் சாப்பிடுவார்கள். அதன் காரணமாக, உடல் எடை கூடும் என்ற பொதுவான அபிப்பிராயத்தை படேலின் கண்டுபிடிப்பு தவறு எனக் காட்டுகிறது.

குறைந்த தூக்கத்தினால், அலைந்து திரிவது (fidgeting) குறைகிறது அல்லது வளர்சிதை மாற்றத்தின் (metabolic) விகிதம் (rate) குறைகிறது; என்கிற காரணத்தால் உடல் எடை அதிகரிக்கிறது என்கிறார் படேல். "மக்களை அதிகம் தூங்கச் செய்வதன் மூலம், அவர்களை எடையைக் குறைக்க உதவுவது ஓர் எளிமையான வழி எனத் தோன்றுகிறது'' என்று படேல் சொல்கிறார்.

ஆரோக்கியமான வாழ்க்கைக்குப் போதிய நேரம் நன்றாக உறங்குவது இன்றியமையாதது.

///"மக்களை அதிகம் தூங்கச் செய்வதன் மூலம், அவர்களை எடையைக் குறைக்க உதவுவது ஓர் எளிமையான வழி எனத் தோன்றுகிறது''///

இனிமேல் யாரும் வேலைக்குப் போகக்கூடாது! - நன்றாக தூங்க வேண்டும்! இது கழக அரசின் புதிய அறிவிப்பு!

தகவலுக்கு நன்றி நண்பா

இனிமையான செய்தி ....

நன்றி நண்பா

சிவா wrote:///"மக்களை அதிகம் தூங்கச் செய்வதன் மூலம், அவர்களை எடையைக் குறைக்க உதவுவது ஓர் எளிமையான வழி எனத் தோன்றுகிறது''///

இனிமேல் யாரும் வேலைக்குப் போகக்கூடாது! - நன்றாக தூங்க வேண்டும்! இது கழக அரசின் புதிய அறிவிப்பு!

அனைவருக்கும்

சிவா wrote:///"மக்களை அதிகம் தூங்கச் செய்வதன் மூலம், அவர்களை எடையைக் குறைக்க உதவுவது ஓர் எளிமையான வழி எனத் தோன்றுகிறது''///

இனிமேல் யாரும் வேலைக்குப் போகக்கூடாது! - நன்றாக தூங்க வேண்டும்! இது கழக அரசின் புதிய அறிவிப்பு!

வேலைக்கு போறதே தூங்கத்தான்