சிகரட் பிடிப்பவர்களுக்கு முகச் சுருக்கம் இருந்தால் நுரையீரல் புற்றுநோய் வரும் அறிகுறி!

சிகரெட் பிடிப்பவர்களில் முகச்சுருக்கங்கள் இருக்குமானால், அவர்களுக்கு நுரையீரல் புற்றுநோய் வரும் என்று பிரிட்டன் மருத்துவ நிபுணர்கள் புதிய பீதியை கிளப்பியுள்ளனர்.

சிகரெட் பிடிப்பவர்களுக்கு புற்றுநோய் வரும் என்று ஆண்டாண்டு காலமாக சொல்லித்தான் வருகின்றனர். ஆனால், இன்னமும் பலரும் சிகரெட் பிடிப்பதை விடுவதே இல்லை. இளம் பருவத்தினரிடம் வளர்ந்து கொண்டு தான் இருக்கிறது இந்த பழக்கம்.
சிகரெட் கெடுதல்கள் பற்றி இன்னமும், ஆராய்ச்சிகள் செய்த வண்ணம் தான் உள்ளனர் மருத்துவ நிபுணர்கள். சமீபத்தில் பிரிட்டன் நாட்டில் உள்ள ரோயல் தவோன் எக்சேடர் மருத்துவமனை நிபுணர்கள், ஆராய்ச்சி பேராசிரியர் பிபேன் படேல் தலைமையில் ஆராய்ந்தனர். லண்டனில் இருக்கும் இந்திய நிபுணரான படேல் தலைமையில் இந்தக் குழுவினர், சிகரெட் பிடிப்பவர்கள் பலரிடம் மதிப்பீடும் செய்தனர்.
கடந்த சில ஆண்டுகளாக சிகரெட் பிடிக்கும் 78 குடும்பங்களைச் சேர்ந்த 45 முதல் 70 வயது வரை உள்ள 149 பேரிடம் மதிப்பீடு எடுக்கப்பட்டது. அவர்களில் சிலருக்கு முகத்தில் சுருக்கங்கள் இருந்தன. இவற்றின் அடிப்படையில், குழுவினர் ஆராய்ச்சி செய்தனர்.
ஆராய்ச்சி முடிவுகள் வருமாறு: சிகரெட் பிடிக்கும் நீண்டகால பழக்கம் உள்ளவர்களுக்கு புற்றுநோய் வருவதற்கான அறிகுறிகள் தென்படுகின்றன. அதில் ஒன்று தான் இப்போது கண்டுபிடிக்கப்பட்டுள்ளது. அது தான் முகத்தில் காணப்படும் சுருக்கங்களை வைத்து கண்டறியப்பட்டது. அந்த கோளாறுக்கு பெயர் `க்ரானிக் அப்ஸ்ட்ரக்டிவ் பல்முனோரி டீசிஸ்' என்பது. நுரையீரல் நோய்களுக்கு பொதுவாக சொல்லப்படும் மருத்துவ தொழில்நுட்ப வார்த்தை இது என்றாலும், பலருக்கு இது ஏற்படுகிறது.
பிரிட்டனைப் பொறுத்தவரை பல இலட்சம் பேர் சிகரெட் பிடிக்கின்றனர். அவர்களில் 10 இலட்சம் பேருக்கு இத்தகைய பாதிப்பு உள்ளது. சிகரெட் பிடிப்பவர்களுக்கு நுரையீரல் புற்றுநோய் தான் மிக மோசமான, எளிதான பாதிப்பு என்று டாக்டர்கள் ஏற்கனவே கூறிவருகின்றனர். அடுத்த 2020 ஆம் ஆண்டில் இது தான் மிக அதிக உயிர்களை பலி கொல்லும் கோளாறாக இருக்கும் என்றும் கூறுகின்றனர்.
இதற்கு அறிகுறி தான் முகத்தில் காணும் சுருக்கங்கள். இப்படி சுருக்கங்கள் வந்தபின்னர் டாக்டரைப் பார்த்தால் நல்லது. இவ்வாறு நிபுணர்கள் தங்கள் ஆராய்ச்சி முடிவில் கூறியுள்ளனர்

thinakkural

அண்ணா