மனசே நலமா???

மனச்சோர்விற்கு என்ன காரணம்???

மனச்சோர்வு என்பது ஒவ்வொருவது வாழ்க்கையிலும் ஏதோ ஒரு சமயத்தில் உணரப்படுவது உண்டு.
நெருங்கிய நண்பர் அல்லது உறவினர்களின் எதிர்பாராத பிரிவு, இழப்பு போன்ற சந்தர்ப்பங்களில்
உடல் மற்றும் உள்ளத்தில் ஏற்படும் மாற்றங்களினால் வராலாம் மற்றும் தோல்வி மன்ப்பான்மை
போன்ற உணர்வுகளோடும் மனம் சோர்ந்து மனச்சோர்வு ஏற்படலாம்.

நிரந்தரமற்ற பல நிகழ்வுகளின் பாதிப்பு பெரிதாக மனச்சோர்வை உண்டாக்குவதில்லை.
சில நாட்கள் சிறிய தாக்கம் இருந்து மறைந்து விடும். சில வருத்தங்கள், கஷ்டங்கள் அன்றாடம்
மாறி மாறி நம் வாழ்க்கையில் வரும். அவற்றை எல்லாம் நாம் மனச்சோர்வு எனக் கொள்ளக்கூடாது.

திடீரென ஏற்படும் இழப்புக்களால் தூக்கமின்மை, பசியின்மை வழக்கமான உற்சாகமின்மை
போன்ற அறிகுறிகள் சூழ்நிலை காரணமான மனச்சோர்வினால் உண்டாகிறது.
இந்த மனச்சோர்வு ஒவ்வொருக்கொருவர் வேறுபடும். உடல் மற்றும் மூளையில் ஏற்படும் இராசயன
மாற்றத்தினால் ஏற்படும் மனச்சோர்வு மகிழ்ச்சியாக வாழ்பவர்களுக்கும் எல்லோரிடத்திலும்
சுமூகமாக பழகுபவர்களுக்கும் கூட ஏற்படலாம் எனக் கூறப்படுகிறது.

இவர்கள் பெரும்பாலும் விடியற்காலை தூக்கத்தை இழப்பவர்களாக எதிலும் ஈடுபாடு
அற்றவர்களாக, மிகவும் குற்ற உணர்வு உள்ளவர்களாகவும், தாம் வாழ்வதில் அர்த்தமில்லை
என்றும் எண்ணுபவர்களாகவும் காணப்படுவர். சிலர் நிஜ உலக ஈடுபாட்டிலுருந்து விலகி குழப்பத்தில் வாழ்வார்கள்.

இந்நோய் உண்டாவதற்கு பாரம்பரியம் உடல் மற்றும் மூளையில் ஏற்படும் இரசாயன மாற்றம்,
மன இறுக்கம், ஆளுமை போன்ற காரணிகளால் ஏற்படுவதாக கண்டுபிடிக்கப்பட்டுள்ளது.
இன்னும் சிலர் தொடந்து தோல்வியைத் தழுவுவதாலும் வாழ்க்கை கஷ்டமானது என்று வலுவடைந்து
விடுவதாலும் மனச்சோர்வு அடைகிறார்கள்.

ஆரம்பநிலையில் உள்ள நோயாளிகள் சிலர் அவர்களாகவே மனச்சோர்விலிருந்து விடுபட்டு விடுவதும் உண்டு.
இயலாதவர்கள் மருத்துவரை அணுகி நல்லபடியாக மனசை பார்த்துக் கொள்வது அவசியமாகும்.

அரிய சாதனைகள் செய்யப்படுவது வலிமையினால் அல்ல; விடா முயற்சியினால்தான்.