'மருதநாயகம்' விரைவில் உருப்பெறும்! - கமல்

உலகநாயகன் கமல்ஹாசன் மீண்டும் 'மருதநாயகம்' படத்தினைத் துவங்கவுள்ளாரா? கமல்ஹாசனே கூறியுள்ளதால் நாம் நம்புவதற்கு இடம் இருக்கிறது. சமீபத்தில் நடந்த புத்தகக் கண்காட்சியில், 'சினிமாவும் இலக்கியமும்' என்ற தலைப்பில் பேசிய கமல்ஹாசன் இதனைத் தெரிவித்தார்."சினிமாவும், இலக்கியமும் வெவ்வேறு கரைகள், நான் இரண்டிற்கும் இடையே பாலம் அமைக்க முயற்சிக்கிறேன்.

ஆனால் இந்த இரண்டு சகோதரர்களும் ஒருவருக்கொருவர், ஒன்ற மறுக்கின்றனர். திரைத்துறையினர் சினிமாவை இலக்கியத்தோடு உலாவ விட மறுக்கின்றனர். இலக்கண நண்பர்களுக்கும் இது சிறந்த செயலாகப் படவில்லை. ஆனால் எனக்கு சினிமா மட்டுமே தெரியும். எனது படங்கள் வித்தியாசமாக உள்ளன எனக் கருதப்பட்டால், அதற்கு காரணம் இலக்கியங்களே. அது என்னுடைய வேலை அல்ல. மற்றவர்களால் எழுதப்பட்டது. படங்களைப் பார்ப்பவர்கள், நிச்சயமாக புத்தகங்களை வாசிக்க வேண்டும். அவர்கள் தான் சினிமாவை குறை கூற தகுதி வாய்ந்தவர்கள்.

ஆனால் இந்த இரண்டு சகோதரர்களும் வேறுவேறு துருவத்தை நோக்கி பயணிக்கக் கூடியவர்கள். சினிமா பாமரர்களுடன் பேச மறுத்து விட்டால், அது எப்போதும் அமைதியாக இருக்க வேண்டியது தான். கமர்சியல் அம்சங்கள் சினிமாவின் இயல்பாகி போய்க்கொண்டிருப்பது உண்மையிலேயே ஆபத்தான விஷயமாகும். இதனால் சினிமாவிற்கும், இலக்கியத்திற்குமான பாலத்தினை அமைப்பது அவ்வளவு எளிதான விஷயமல்ல. இவை இரண்டும் சேர்ந்து இயங்க வேண்டும் என்பதே எனது விருப்பம். கமர்சியல் ரீதியாக சோபிக்காவிடினும், எனது 'அன்பே சிவம்' திரைப்படம் வித்தியாசமான முயற்சியாக அமைந்தது.

அந்தப் படத்திலிருந்து நான் எதிர்பார்த்ததை அறுவடை செய்ய சிறிது தாமதமாகிவிட்டது அவ்வளவே. முற்றிலும் கிடைக்காமல் போகவில்லை" என விழாவில் கமல்ஹாசன் பேசினார். விழாவில் 'மருதநாயகம்' எப்பொழுது நினைவாகும் என கமலிடம் கேட்கப்பட, "விலைவாசி கூடுவதால், அப்படத்தின் பட்ஜெட்டும் கூடிக்கொண்டே இருக்கிறது. எனக்கு சிறிது பயமாகக் கூட உள்ளது. இருப்பினும் அப்படம் நிச்சயம் விரைவில் உருப்பெறும்" என பதிலளித்தார். 'மருதநாயகத்தை' உலகநாயகன் உருவாக்கிவிட்டால், அதுவே அவர் 'எந்திரனுக்கு' கூறும் பதிலாக அமையும். பெரிய பட்ஜெட்டில், பெரியதோர் படத்தினை அவர் உருவாக்க விரும்புகிறார், அது 'மருதநாயகம்' என்று சொல்லவும் வேண்டியதில்லை. 15 வருடங்களாக ரசிகர்கள் 'மருதநாயகம்' படத்திற்காக காத்திருக்கிறார்கள் என்பதை கமல் உணர்ந்திருப்பார் என்றே நம்புவோம்!

இன்றைய சமுதாய அரசியல் சூழ்நிலையில் மருதநாயகத்தை மறந்தால் கமலுக்கு நல்வாழ்வு! அடம்பிடித்து ஆரம்பித்தால் அதுவே அவருக்கு மாபெரும் தோல்வியாக முடியும்!

அதுக்குள்ளே ...இவருக்கு வயசாகி ... கமலோட மகள்'தான் அதிலே கதாநாயகன்(கதா நாயகி)யாக நடிக்க வேண்டி வரும்.அதே போல படத்தோட தலைப்பு " மருத நாயகி'நு மாறினாலும் மாறலாம்..

சும்மா அந்த படத்துக்கு நம்ம பெருசு(கலைஞர்)வை கதை-வசனம் எழுத சொல்லி ஒப்பந்தம் பண்ணியிருந்தால் இன்றைக்கு அவரோட பண பிரச்னை கலைஞரை வைத்தே தீர்ந்திருக்கும் .. எங்கே நான் சொல்றதை கமல் கேட்டால்'தானே ..

சிவா wrote:இன்றைய சமுதாய அரசியல் சூழ்நிலையில் மருதநாயகத்தை மறந்தால் கமலுக்கு நல்வாழ்வு! அடம்பிடித்து ஆரம்பித்தால் அதுவே அவருக்கு மாபெரும் தோல்வியாக முடியும்!

கமலின் ஆதர்ஷ கனவு நிறைவேற என் அன்பு வாழ்த்துக்கள்....

சிவா wrote:இன்றைய சமுதாய அரசியல் சூழ்நிலையில் மருதநாயகத்தை மறந்தால் கமலுக்கு நல்வாழ்வு! அடம்பிடித்து ஆரம்பித்தால் அதுவே அவருக்கு மாபெரும் தோல்வியாக முடியும்!

உண்மைதான்