சிரித்தால் மெலியலாம்

தாமு · தாமு Sat Oct 30, 2010 8:20 am

வாய் விட்டு சிரித்தால் நோய் விட்டு போகும் என்பது நாம் அறிந்ததுதான். ஆனால் வாய்விட்டு சிரித்தால் தொப்பை குறையும் என்பதை சமீபத்திய ஆய்வின் மூலம் கண்டுபிடித்திருக்கிறார்கள். தினசரி வயிறு வலிக்க சிரித்தால் வருடத்திற்கு 40 கிராம் கொழுப்பு கரையுமாம்.

சிரிக்கும் போது வழக்கத்திற்கும் அதிகமாக 20 சதவீத சக்தி செலவாகிறது. வாய்விட்டு சிரிப்பது 1/2கிலோ மீட்டர் நடப்பதற்கு சமமான பலன்களை கொடுக்குமாம். தினமும் 15 நிமிடம் விழுந்து விழுந்து மன்ம்விட்டு சிரிப்பதை வழக்கமாக கொண்டால் வருடத்திற்கு அரைகிலோ வரை எடையைக் குறைக்கலாம் என்பதையும் இந்த ஆய்வின் மூலம் கண்டறிந்திருக்கிறார்கள்.

சிரிப்பதன் மூலம் இதயத்திற்கான ரத்த ஓட்டம் அதிகரித்து இதயம் சிறப்பாக இயங்க உதவி புரிகிறது. அது மட்டுமன்றி சிரிப்பதால் நோய் எதிர்ப்பு சக்தியும் அதிகரிக்கும். டி.வியில் நகைச்சுவை காட்சிகள் காட்டப்படும் போது, அதைப் பார்த்து சிரிப்பவர்களுக்கு அதிக அளவில் சக்தி எரிக்கப்படுகிறதாம். பல்வேறு நபர்களை ஆய்வு செய்து சிரிப்பின் மகத்துவத்தை கண்டறிந்திருக்கிறார்கள் ஆராய்ச்சியாளர்கள்.

தகவல்
மருத்துவ மஞ்சரி என்ற நூலில் பெறப்பட்டது