கோடைக்கால சருமப் பராமரிப்பு!

எண்ணெய் குளியல் அவசியம்:

சிலருக்கு எண்ணெய் தேய்த்துக் குளிப்பதே ஆகாது. ஆனால் இந்த கோடையின் கொடுமையில் எண்ணெய் தேய்த்துக் குளிப்பது மிக மிக அவசியம். இதோ உங்களுக்கான என்னைக் குளியல்.

நல்லெண்ணெய்,தேங்காய் எண்ணெய், ஆலிவ் ஆயில், விளக்கெண்ணெய், கடுகு எண்ணெய் இவைகளை தலா நூறு மிலி கலந்து வைத்துக் கொள்ளவேண்டும். குளிப்பதற்கு அரை மணிநேரம் முன் ஒரு பெரிய பாத்திரத்தில் தண்ணீரை கொதிக்கவைத்து இறக்கிவைத்துவிட வேண்டும். பின் ஒரு சிறிய கிண்ணத்தில் இந்த கலவை எண்ணையை ஊற்றி, சூடான தண்ணீருக்குள் வைத்து சூடு செய்யவேண்டும். இந்த எண்ணையை தலையில் தேய்த்து அரைமணி நேரம் ஊறவைத்து, ஷாம்பூ போட்டு குளித்துவிட வேண்டும். விளக்கெண்ணெயின் மைனஸ் குளிர்ச்சி, கடுகு எண்ணையின் மைனஸ் சூடு இப்படி மைனஸ் ப்ளஸ் மைனஸ் சேர்ந்து நம் உடலுக்கு ப்ளஸ்ஸாக மாறிவிடும்.

கோடைக்கால முகப் பராமரிப்பு குறிப்புக்கள்:

ஒரு டீஸ்பூன் ஓட்ஸ் பவுடர் எடுத்துக் கொள்ளவும். இதல் லாவண்டர் ஆயில், லெமன் கிராஸ் ஆயில், ஜெறேனியம் ஆயில், இவைகளை தலா ஒருசொட்டு கலக்கவும். இத்துடன் தேவையான அளவு காய்ச்சாத பால் அல்லது மோர் கலக்கவும். பேஸ்ட் பதம் வந்தவுடன் முகத்தில் தடவவும். பின் அரைமணி அல்லது 45 நிமிடங்கள் கழித்து கழுவினால் முகம் பளிச்சென்று ஒரு மாற்றம் பெரும். இதை வாரத்தில் மூன்று முறை செய்யலாம்.


பட்டர் ப்ரூட் பேசியல்:

பட்டர் ப்ரூட் கூழ் ஒரு டீஸ்பூன், தேன் அரை டீஸ்பூன், ரோஸ் ஆயில் 2 டீஸ்பூன், இலாங் இலாங் ஆயில் 2 சொட்டு கலந்து முகத்தில் தடவவும். அரை மணி அல்லது 45 நிமிடங்கள் கழித்து கழுவவும். டிரை ஸ்கின் ஈரப்பதம் பெறும். முகச் சுருக்கம் மறையும். இன்ஸ்டன்ட் பளபளப்பில் முகம் மின்னும்.

வியர்த்து வியர்த்து முகத்துவாரம் ஒப்னாகி விட்டது என்கிற கவலையா?

ஒரு டீஸ்பூன் ஸ்ட்ராபெர்ரி கூழ், ஒருசொட்டு லெமன் கிராஸ் ஆயில், ஒரு சொட்டு டி ட்ரீ ஆயில், கலந்து முகத்தில் தடவி அரைமணி அல்லது 45 நிமிடங்கள் கழித்து கழுவிப் பாருங்கள். உடனே முகத்துவாரங்கள் குளோசாகியிருக்கும்! வாரத்தில் மூன்று நாட்கள் இப்படி செய்யலாம்.



உடல் சூட்டில் முடி உதிர்வது உடனே நிற்கனுமா?

முதலில் நாம் சொன்னதுபோல கலந்து வைத்த கலவை எண்ணையை ஒரு டேபிள் ஸ்பூன் எடுத்துக் கொள்ளுங்கள். அதில் சிடர்வுட் ஆயில் 2 சொட்டு,ரோஸ்மேரி ஆயில் 2 சொட்டு, லாவண்டர் ஆயில் மூன்று சொட்டுக்கள் கலந்து, கிண்ணத்தில் ஊற்றிவைத்து சூடான தண்ணீருக்குள் வைத்து முன்பு போலவே ஹீட் செய்யுங்கள். இதை தலையில் தேய்த்து ஒரு மணிநேரம் ஊறவைத்து பின் தலைக் குளித்துவிடுங்கள். முடி உதிர்தல் தற்காலிகமாக நின்றுவிடும். இரண்டொரு நாட்களில் மீண்டும் முடி உதிர்ந்தால் உன்க்ச்ல் டாக்டரின் ஆலோசனைப்படி ட்ரீட்மென்ட் எடுத்துக் கொள்ளுங்கள்.

எண்ணெய் குளியலால் என்ன பயன்? ஆயுர்வேதா டாக்டர் சுவாமிநாதன் கூறுகிறார்:

எண்ணெய் தேய்த்துக் குளிப்பதன் முக்கிய பயனே நம் உடம்பில் உள்ள உட்புற அழுக்குகளை நெகிழச் செய்து வெளியேற்றுவதுதான். எண்ணெய் தேய்த்தால் உடலில் உள்ள ரத்தக் குழாய்கள் சீரடையும். சிறுநீர் அடைப்பு, மாரடைப்பு போன்ற பிரச்சனைகள் வராது. உடலின் உட்புறம் எண்ணெய் பசை இருந்தால், உடலுறுப்புக்கள் உராயாது. உடலின் உட்புற குழாய்கள் மிருதுவாக இருப்பதால், ரத்த ஓட்டம் அதிகரிக்கும். இதனாலேயே அனைத்து உறுப்புகளும் மிருதுவாகி பல பிரச்சனைகளை கட்டுப் படுத்தும். நல்லத் தூக்கம் வரும். மலச்சிக்கல் பிரச்சனை வராது. முக்கியமாக இன்றைக்கு பலபேர்களை ஆட்டிப் படைக்கும் ரத்த அழுத்தம், சர்க்கரை நோய் போன்ற நோய்களை குறைக்கும் ஆற்றல் இந்த என்னைக் குளியலுக்கு உண்டு. எனவே தினமும் எண்ணெய் தேய்த்துக் குளிப்பது நல்லது. அப்படி இல்லாவிட்டாலும் தினமும் தலை, காது, உள்ளங்கால்களில் எண்ணெய் தேய்த்துக் கொள்வது உங்களை எப்போதும் ஆரோக்கியமாக வைத்திருக்கும்.