முதுகுவலியா...?

ரபீக் · ரபீக் Tue Jun 01, 2010 11:50 am

ஆண்களை விட பெண்களே முதுகுவலியால் அதிகம் பாதிக்கப்படுகிறார்கள். மாதவிலக்கு மற்றும் பிரசவ காலத்தில் முதுகுத்தண்டில் இயல்பான நிலையில் வேறுபாடு உருவாவதே இதற்கு காரணம்.

முதுகுவலி பிரச்சினை தீர நாம் கடைபிடிக்க வேண்டியவை...

* முதுகுத் தசையில் ஏற்படும் வலியை குறைக்க ஐஸ்கட்டியைக் கொண்டு ஒத்தடம் கொடுக்கலாம்.

* படுக்கையில் இருந்து எழும்போது விருட்டென்று எழுந்திருக்கக்கூடாது.

* பொருட்களைத் தூக்கும் போது உடலை டென்சனாக முறுக்காதீர்கள். தோள் உயரத்திற்கு மேல் தூக்குவதைத் தவர்க்கவும். ஒரே பக்கமாக அதிக எடையைத் தூக்காதீர்கள்.

* நீண்ட நேரம் கால்களை விறைப்பாக வைத்தபடி நிற்காதீர்கள்.

* ஹை-ஹீல்ஸ் அணிவதைத் தவிர்க்க வேண்டும்.

* நாற்காலியில் அமர்ந்து வேலை பார்க்கும் போது அதிகமாக சாய்ந்து கொண்டும், அதிகமாக முன்னோக்கி குனிந்து கொண்டும் செயல்படாதீர்கள்.

* படுக்கை தரமானதாகவும், உறுதியானதாகவும் இருக்க வேண்டும்.

* ஓய்வு எடுக்கும் போது முதுகைத் தளர்வாக வைத்துக் கொள்ளலாம். சில நேரங்களில் அசைய முடியாதவாறு வலி ஏற்படும். தசைப் பிடிப்பு தான் அதற்கு காரணம். அதுபோன்ற நேரங்களில் மசாஜ் செய்வதும், வலி நிவாரணியைத் தடவுவதும் வலியைப் போக்கும்.

* முதுகு வலிக்கு அதிகமாக ஓய்வு எடுப்பது தான் சிறந்தது. என்றாலும் ரத்த ஓட்டத்திற்காக நடைப் பயிற்சி மேற்கொள்வது நல்லது.

* உட்கார்ந்து வேலை செய்கிறவர்களுக்கு முதுகுவலி ஏற்படும். இவர்கள் எடையை ஒரே சீராக பராமரிக்க வேண்டும். உடற்பயிற்சியை மேற்கொள்வதும் அவசியம். ஒரே நிலையில் நீண்ட நேரம் அமர்ந்து இருக்க கூடாது.