தீபாவளி பலகாரங்கள் ! - தால் ஹல்வா!

by **krishnaamma** Thu Oct 28, 2010 4:58 pm

First topic message reminder :

தீபாவளி பலகாரங்கள் ! தீபாவளி என்றாலே பட்டாசும் பலகாரமும் தான் நினைவுக்கு வரும். இங்கு சில எளிய இனிப்பு கார வகை பலகாரங்களை பார்க்கலாம். செய்முறை எளியது ஆனால் சுவை அபாரம. நீங்களும் உங்கள் கருத்துகள் மற்றும் உங்கள் இடத்து பலகரங்களின் செய் முறைகளை பகிர்ந்து கொள்ளவும்.

by **krishnaamma** Tue Oct 09, 2012 10:19 am

தேவையானவை :

4 கப் - அரிசி மாவு
ஒரு கப் உளுத்தம் மாவு
சீரகம் அல்லது எள் கொஞ்சம்
பெருங்காயப்பொடி கொஞ்சம்
உப்பு
பொரிக்க எண்ணெய்
ஒரு ஸ்பூன் வெண்ணை

செய்முறை :

ஒரு பேசினில் மாவுகளை போடவும்.
உப்பு சீரகம் அல்லது எள் போட்டு வெண்ணை யும் போட்டு நன்கு கலக்கவும்.
பிறகு கொஞ்சம் கொஞ்சமாக தண்ணீர் விட்டு பிசையவும் .
தேன்குழல் அச்சில் தேன்குழல் தட்டு போட்டு மாவை அதில் போட்டு எண்ணெய் இல் தேன்குழல் பிழியவும்
இரண்டு பக்கமும் நன்கு சிவந்ததும் எடுக்கவும் .
நல்ல கரகரப்பாக வந்துள்ளதா என பார்க்க ஒரு தேன்குழல் குச்சியை மெல்ல கிழே போட்டு பார்க்கணும்.
அது நல்லா உடைந்தது என்றால் பதம் சரி என்று அர்த்தம்
மொத்த மாவையும் தேன்குழல்களாக பிழியவும் .

குறிப்பு : சீரகம் மற்றும் எள்ளை சுத்தமாக பொறுக்கவும். சிறு கல் மண் இருந்தால் தேன்குழல் வெடிக்கும். ஜாக்கிரதை !

by **krishnaamma** Thu Oct 11, 2012 8:13 pm

தேவையானவை :

2 கப் அரிசி
1 கப் கடலை பருப்பு
2 டேபிள் ஸ்பூன் துவரம் பருப்பு
10 - 12 மிளகாய் வற்றல்
உப்பு
2 டீ ஸ்பூன் நெய் அல்லது வெண்ணை
சோடா உப்பு ஒரு சிட்டிகை
பொரிக்க எண்ணெய்

செய்முறை :

அரிசி , கடலை பருப்பு, துவரம் பருப்பு மற்றும் மிளகாய் வற்றல் எல்லாம் ஒன்றாக போட்டு மிஷினில் கொடுத்து அரைக்கவும்.
ஒரு பேசினில் சோடா உப்பு மற்றும் வெண்ணை போட்டு நன்கு நுரைக்க தேய்க்கவும்.
பிறகு உப்பு மற்றும் அரைத்த மாவை போட்டு கலக்கவும்.
கொஞ்சம் தண்ணீர் விட்டு பிசையவும்.
முறுக்கு அச்சில் 'ரிப்பன் பகோடா' தட்டு போட்டு மாவை ரொப்பி சூடான எண்ணெய் இல் பிழியவும் .
இரண்டு பக்கமும் வெந்ததும் எடுக்கவும்.
கலப்பு மாவில் செய்வதை விட அரைத்து செய்யும் இது ரொம்ப ருசியாக இருக்கும்.

by **krishnaamma** Thu Oct 11, 2012 8:23 pm

தேவையானவை :

1 கப் அரிசி மாவு
4 கப் கடலை மாவு
1 / 2 கப் தேங்காய் பால்
10 - 12 பச்சை மிளகாய்
2 ஸ்பூன் துருவின இஞ்சி
உப்பு
பெருங்காயம் கால் ஸ்பூன்
சோடா உப்பு ஒரு சிட்டிகை
பொரிக்க எண்ணெய்

செய்முறை :

பச்சை மிளகாய் + இஞ்சியை அரைக்கவும்.
அரிசி மாவு , கடலை மாவு, பெருங்காயம் மற்றும் அரைத்த பச்சை மிளகாய் , இஞ்சி, சோடா உப்பு எல்லாம் ஒன்றாக போட்டு நன்கு கலக்கவும்.
உப்பு மற்றும் தேங்காய் பால் விட்டு மாவு பிசையவும்.
தேவையானால் கொஞ்சம் தண்ணீர் விட்டு பிசையவும்.
முறுக்கு அச்சில் 'ரிப்பன் பகோடா' தட்டு போட்டு மாவை ரொப்பி சூடான எண்ணெய் இல் பிழியவும் .
இரண்டு பக்கமும் வெந்ததும் எடுக்கவும்.
கலப்பு மாவில் செய்வதை விட அரைத்து செய்யும் இது ரொம்ப ருசியாக இருக்கும்.

by **மாணிக்கம் நடேசன்** Thu Oct 11, 2012 8:24 pm

ரொம்ப நன்றி அக்கா, இப்பவே தீபாவளி வந்துட்ட மாரி இருக்கு.

by **krishnaamma** Thu Oct 11, 2012 8:26 pm

தேவையானவை :

2 கப் அரிசி மாவு
1 / 2 கப் பொட்டுக்கடலை மாவு
1sp மிளகாய்பொடி
சோடா உப்பு ஒரு சிட்டிகை
2 -3 sp நெய்
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவுகள் ,மிளகாய்பொடி,சோடா உப்பு, உப்பு மற்றும் நெய் யை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'நாடா' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
'ரிப்பன் பகோடா' தயார்.

by **krishnaamma** Thu Oct 11, 2012 8:27 pm

மாணிக்கம் நடேசன் wrote:ரொம்ப நன்றி அக்கா, இப்பவே தீபாவளி வந்துட்ட மாரி இருக்கு.

நன்றி மாமா புன்னகை

by **krishnaamma** Thu Oct 11, 2012 8:33 pm

தேவையானவை :

2 கப் அரிசி மாவு
1 / 2 கப் பொட்டுக்கடலை மாவு
10 மிளகாய்வற்றல்
4 - 5 பூண்டு பற்கள்
அரை மூடி தேங்காய்
2 -3 ஸ்பூன் நெய்
உப்பு
பொரிக்க எண்ணெய்

செய்முறை:

பூண்டு , மிளகாய் வற்றல் மற்றும் தேங்காய் யை விழுதாக அரைக்கவும்.
ஒரு பெரிய பேசினில் மாவுகள் மற்றும் அரைத்த விழுது, உப்பு போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'நாடா' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
'ரிப்பன் பகோடா' தயார்.

by **krishnaamma** Wed Oct 31, 2012 10:33 am

பாதாம் ஹல்வா 2

தேவையானவை:

4 1 / 4 கப் பால் ( கோவா செய்வதற்கு ) அல்லது சர்க்கரை இல்லாத கோவா ஒன்னே கால் கப், துருவி எடுத்துக்கொள்ளவும்
1 / 2cup பாதாம் ( பாதாமை ஊறவைத்து, கொஞ்சம் பாலில் அரைத்து வைக்கவும் )
1 கப் சர்க்கரை
1 டேபிள்ஸ்பூன் நெய்
சிறிதளவு ஏலப்பொடி
பால் சிறிதளவு
2 ஸ்பூன் பாதாம் தூளாக்கினது

மேலே தூவ:

ரோஜா இதழ்கள் கொஞ்சம்

செய்முறை:

ஒரு அடிகனமான பாத்திரத்தில், பாதாம் விழுது போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
கொஞ்சம் இறுகினதும் , சர்க்கரை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பாதாம் (தூளாக்கினது )தூவி இறக்கவும்.
ஒரு பாத்திரத்தில் எடுத்து வைக்கவும் மேலே ரோஜா இதழ்கள் தூவவும்.
பாதாம் ஹல்வா ரெடி.
சூடாகவோ ஆறினதுமோ பரிமாறலாம்.

கோவா செய்ய: பாலை ஒரு அடிகனமான பாத்திரத்தில் விட்டு அடுப்பில் வைக்கவும். பொங்காமல் பார்த்துக்கொள்ளவும். அது அப்படியே கொதித்து கொதித்து குறைந்து 'கோவாவாக' மாறும். அதுவரை அப்ப அப்ப கிளறிவிட்டுக்கொண்டே இருக்கவும்.
ஒரு லிட்டர் பாலுக்கு சுமார் கால் கிலோ முதல் முன்னூறு கிராம் வரை கோவா கிடைக்கும்.

by **krishnaamma** Wed Oct 31, 2012 11:00 am

முந்திரி ஹல்வா

தேவையானவை:

4 1 / 4 கப் பால் ( கோவா செய்வதற்கு ) அல்லது சர்க்கரை இல்லாத கோவா ஒன்னே கால் கப், துருவி எடுத்துக்கொள்ளவும்
1 / 2cup முந்திரி ( முந்திரியை ஊறவைத்து, கொஞ்சம் பாலில் அரைத்து வைக்கவும் )
1 கப் சர்க்கரை
1 டேபிள்ஸ்பூன் நெய்
சிறிதளவு ஏலப்பொடி
பால் சிறிதளவு
2 ஸ்பூன் பாதாம் தூளாக்கினது

மேலே தூவ:

ரோஜா இதழ்கள் கொஞ்சம்

செய்முறை:

ஒரு அடிகனமான பாத்திரத்தில், முந்திரி விழுது போட்டு அடுப்பில் வைக்கவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
கொஞ்சம் இறுகினதும் , சர்க்கரை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பாதாம் (தூளாக்கினது )தூவி இறக்கவும்.
ஒரு பாத்திரத்தில் எடுத்து வைக்கவும் மேலே ரோஜா இதழ்கள் தூவவும்.
முந்திரி ஹல்வா தயார்.
சூடாகவோ ஆறினதுமோ பரிமாறலாம்.

கோவா செய்ய: பாலை ஒரு அடிகனமான பாத்திரத்தில் விட்டு அடுப்பில் வைக்கவும். பொங்காமல் பார்த்துக்கொள்ளவும். அது அப்படியே கொதித்து கொதித்து குறைந்து 'கோவாவாக' மாறும். அதுவரை அப்ப அப்ப கிளறிவிட்டுக்கொண்டே இருக்கவும்.
ஒரு லிட்டர் பாலுக்கு சுமார் கால் கிலோ முதல் முன்னூறு கிராம் வரை கோவா கிடைக்கும்.

by **krishnaamma** Wed Oct 31, 2012 11:01 am

தேவையானவை:

250 கிராம் பாதாம் ( பாதாமை ஊறவைத்து, கொஞ்சம் பாலில் அரைத்து வைக்கவும் )
200 கிராம் சர்க்கரை
250 கிராம் நெய்
3 கப் பால்
சிறிதளவு ஏலப்பொடி
150 கிராம் ரவை
2 ஸ்பூன் பிஸ்தா தூளாக்கினது
இரண்டு ஷீட் 'சில்வர் ரேக் ' (தேவையானால் )

செய்முறை:

பாதாமை ஒரு இரண்டு மணிநேரம் ஊறவைத்து தோலை உரித்து ரவை போல மிக்சி இல் உடைத்துக்கொள்ளவும்.
ஒரு அடிகனமான பாத்திரத்தில், நெய்விட்டு ரவையை போட்டு வறுக்கவும்.
பிறகு பாதாம் ரவையை போட்டு வறுக்கவும்.
கொஞ்சம் சிவந்ததும், பால் சர்க்கரை போட்டு கிளறவும்.
அடுப்பை நிதானமாக எரியவிடவும், கிளறிக்கொண்டே இருக்கவும்.
சிறிது சிறிதாக துருவின கோவாவை போட்டு கிளறவும்.
நன்கு பந்து போல் சுருண்டுவரும்போது ஏலப்பொடி மற்றும் பிஸ்தா துண்டுகள் தூவவும்.
நெய் பிரிந்து வரும்போது இறக்கி நெய்தடவிய தட்டில் கொட்டவும்.
மேலே 'சில்வர் ரேக் ' ஒட்டவும்.
சூடாகவோ ஆறினதுமோ பரிமாறலாம்.