தீபாவளி பலகாரங்கள் ! - தீபாவளி லேகியம் !

by **krishnaamma** Thu Oct 28, 2010 4:58 pm

First topic message reminder :

தீபாவளி பலகாரங்கள் ! தீபாவளி என்றாலே பட்டாசும் பலகாரமும் தான் நினைவுக்கு வரும். இங்கு சில எளிய இனிப்பு கார வகை பலகாரங்களை பார்க்கலாம். செய்முறை எளியது ஆனால் சுவை அபாரம. நீங்களும் உங்கள் கருத்துகள் மற்றும் உங்கள் இடத்து பலகரங்களின் செய் முறைகளை பகிர்ந்து கொள்ளவும்.

by **krishnaamma** Thu Oct 28, 2010 7:06 pm

தேவையானவை :

1cup பச்சரிசி மாவு ( களைந்து, உலர்த்தி, பொடித்து சலித்து )
2 -3 sp பட்டர் - வெண்ணை
2 -3 sp தேங்காய் துருவல்
3 sp உளுத்தம் பொடி (வறுத்து அரைத்து )
1sp சீரகம் (சுத்தம் செய்தது )
பெருங்காயபொடி ஒரு சிட்டிகை
உப்பு
பொரிக்க எண்ணெய்

செய்முறை:

மேலே கூறிய பொருட்களை ஒரு பேசினில் போட்டு, நன்கு கலக்கவும்.
சிறிது தண்ணீர் தெளித்து பிசையவும்.
ஒரு 'பிளாஸ்டிக்' கவரிலோ வெள்ளை வேஷ்டியிலோ கொஞ்சம் மாவு எடுத்து
முறுக்கு சுற்றவும்.
எல்லா மாவும் சுற்றிய பின் 4 - 4 ஆக எண்ணெய் இல் போட்டு எடுக்கவும்.
பொன்னிறமாக எடுக்கவும்.
வாயில் கரையும் 'பட்டர் முறுக்கு' தயார். ஜொள்ளு

by **krishnaamma** Thu Oct 28, 2010 7:09 pm

tthendral wrote:எங்கே எங்கே ..

ஹலோ தென்றல்,

'எங்கே எங்கே '? நு கேட்டீங்க , நான் 'இங்கே இங்கே' என் நெறைய போட்டுட்டேன் , உங்கள காணுமே? அநியாயம்

by **krishnaamma** Thu Oct 28, 2010 7:23 pm

தேவையானவை :

2cup கடலை மாவு
2sp அரிசி மாவு
50gms முந்தரி பருப்பு
உப்பு தேவையான அளவு
மிளகாய்பொடி தேவையான அளவு
கறிவேப்பிலை கொஞ்சம்
1 /2sp பெருங்காய பொடி
'baking powder ' - சோடா உப்பு ஒரு சிட்டிகை
பொரிக்க எண்ணெய்

செய்முறை:

முந்தரி பருப்பு தவிர மீதி பொருட்களை நன்கு கலக்கவும்.
தண்ணீர் விட்டு 'தோசை மாவு' பதத்துக்கு கரைக்கவும்.
வாணலியில் எண்ணெய் வைத்து சுட்டதும்,
பூந்தி கரண்டி இல் மாவை விட்டு, ஒரு கரண்டியால் தட்டவும்
பூந்திகள் எண்ணெய் இல் தொடர்ந்து விழனும்.
பிறகு பொறித்த பூந்திகளை வடிதட்டில் போடவும்.
இது போல் மொத்த மாவையும் பூந்தி யாக பொரிக்கவும்.
முந்திரியை பொரித்து போட்டு கலக்கவும்.
சுவையான 'காரா பூந்தி ' ரெடி.

குறிப்பு: காரம் அதிகம் வேண்டுவோர் , பொறித்த பூந்தி இல் மீண்டும் உப்பு காரம் போட்டு குலுக்கிய பின் உபயோகிக்கவும்.

by **krishnaamma** Thu Oct 28, 2010 7:46 pm

தேவையானவை :

2 1 /4cup அரிசி மாவு
1cup கடலை மாவு
2 -3 sp பட்டர் - வெண்ணை
2 -3 sp மிளகு சீரகம் (ஒன்று இரண்டாக பொடித்தது )
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு, மிளகு சீரகம், உப்பு மற்றும் வெண்ணையை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில் மாவை போட்டு எண்ணெய் இல் பிழியவும்.
உடனே திருப்பவும் , பிழிந்த மாவு துண்டு துண்டாக ஆகும்.
பவுன் கலர் வந்ததும் எடுத்துவிடவும்.
மொத்த மாவையும் இதுபோல் காரா சேவைகளாக பிழியவும்.

குறிப்பு: பூந்தி கரண்டி போல் 'காரா சேவ்' கரண்டி இருந்தால் அதில் தேய்க்கலாம்.

by **krishnaamma** Thu Oct 28, 2010 7:59 pm

தேவையானவை :

2 cup அரிசி மாவு
1cup கடலை மாவு
2 -3 sp பட்டர் - வெண்ணை
1 /2sp பெருங்காய பொடி
2 -3 sp எள்
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு,பெருங்காய பொடி, எள் , உப்பு மற்றும் வெண்ணையை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'முள்ளு தேன்குழல்' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
கரகரப்பாக நன்றாக இருக்கும்.

by **krishnaamma** Thu Oct 28, 2010 8:14 pm

2 தேவையானவை :

2cup கடலை மாவு
2cup அரிசி மாவு
1sp ஓமம்
2 -3 sp பட்டர் - வெண்ணை
உப்பு
பொரிக்க எண்ணெய்

செய்முறை:

ஓமத்தை அரை மணி தண்ணிரில் ஊறவைக்கவும்.
பிறகு களைந்து, மண், கல் அரித்து நன்றாக அரைக்கவும்.
அரைத்ததை வடிகட்டவும்.
ஒரு பெரிய பேசினில் மாவு,உப்பு மற்றும் வெண்ணையை போடவும்.
கைகளால் நன்கு கலக்கவும்.
வடிகட்டிய நீரைவிட்டு கைகளால் நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'ஓமபொடி' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
கரகரப்பாக நன்றாக இருக்கும்.

குறிப்பு: நல்ல மஞ்சள் நிறமான 'ஓமபொடி' வேண்டுமானால், 'foodcolours இல் மஞ்சள் கலரை இரண்டு சொட்டு மாவில் விடவும்.
ஓமவல்லி இலைகளை அரைத்தும் வடிகட்டி உபயோகிக்கலாம்.
அல்லது குழந்தைகளுக்கு தரும் 'ஓம வாட்டர் ' இருந்தால் 2 ஸ்பூன் விடலாம்.

by **krishnaamma** Thu Oct 28, 2010 8:24 pm

தேவையானவை :

2 cup அரிசி மாவு
1 1 / 2cup கடலை மாவு
1sp மிளகாய்பொடி
சோடா உப்பு ஒரு சிட்டிகை
2 -3 sp நெய்
உப்பு
பொரிக்க எண்ணெய்

செய்முறை:

ஒரு பெரிய பேசினில் மாவு,மிளகாய்பொடி,சோடா உப்பு, உப்பு மற்றும் நெய் யை போடவும்.
கைகளால் நன்கு கலக்கவும்.
தண்ணீர் விட்டு நன்கு பிசையவும்.
அடுப்பில் வாணலி போட்டு எண்ணெய் விட்டு, சுட்டதும்,
தேன்குழல் அச்சில், 'நாடா' தட்டு போட்டு , மாவை போட்டு எண்ணெய் இல் பிழியவும்.
நிதானமாக அடுப்பு எரியும்படி பர்த்துக்கவேண்டும்.
சிறிது நேரம் கழித்து திருப்பவும்.
மறுபுறமும் வெந்ததும் எடுக்கவும்.
'ரிப்பன் பகோடா'/'நாடா பகோடா' தயார்.

by அன்பு தளபதி Thu Oct 28, 2010 8:31 pm

கிருஷ்ணம்மா பாவக்காய் மற்றும் வெங்காய பகோடா பற்றி சொலுங்கள்

by **krishnaamma** Thu Oct 28, 2010 8:36 pm

maniajith007 wrote:கிருஷ்ணம்மா பாவக்காய் மற்றும் வெங்காய பகோடா பற்றி சொலுங்கள்

ம்ம்.. சொல்லறேன் . ஆனா நாளைக்கு. இப்ப மீண்டும் சந்திப்போம்

by guruprasath Thu Oct 28, 2010 8:38 pm

by **krishnaamma** Sat Oct 30, 2010 6:47 pm

maniajith007 wrote:கிருஷ்ணம்மா பாவக்காய் மற்றும் வெங்காய பகோடா பற்றி சொலுங்கள்

இது தீபாவளி பலகாரங்கள் 'thread ' எனவே, 'சமையலில் சந்தேகமா ' thread இல் போட்டுள்ளேன் . தயவு செய்து அங்கு பார்க்கவும்.

by **krishnaamma** Sat Oct 30, 2010 11:40 pm

தேவையானவை:

1cup அரிசி மாவு ( களைந்து உலர்த்தி அரைத்து )
3sp வெண்ணை
2 -3sp உளுந்து பொடி (வறுத்து அரைத்து )
2 -3sp தேங்காய் துருவல்
2sp கடலை பருப்பு (ஊறவைத்து )
2sp மிளகாய்பொடி
1sp எள்
பெருங்காயம் ஒரு சிட்டிகை
உப்பு
பொரிக்க எண்ணெய்

செய்முறை:

மேல் கூறிய பொருட்களை ஒரு பேசினில் போட்டு, நன்கு கலக்கவும்.
பிறகு சிறிது தண்ணிவிட்டு கெட்டியாக பிசையவும்.
ஒரு பிளாஸ்டிக் கவர் அல்லது வாழை இல்லை துண்டில் எண்ணெய் தடவவும்.
சிறிதளவு மாவு எடுத்து தட்டை போல் தட்டவும்.
அது போல் 4 - 5 தட்டினதும்
வாணலியில் எண்ணெய் விட்டு காய்ந்ததும்
தட்டி வைத்துள்ள தட்டைகளை போடவும்.
நிதானமாக திருப்பவும்.
நன்கு வெந்ததும் எடுக்கவும். மொத்த மாவையும் இது போல் செய்யவும்.
கர கரப்பான தட்டை ரெடி.

by **krishnaamma** Sat Oct 30, 2010 11:56 pm

ஒரு பெரிய பேசினில் ,ஓமபொடி, காரா பூந்தி ,கனமான அவல் (வறுத்து), பொட்டுகடலை, வேர்கடலை (வறுத்து தோல் உரித்தது ), முந்தரி பருப்பு (வறுத்து உடைத்து), கோதுமை சிப்ஸ் ',உருளை சிப்ஸ், காரா சேவை அல்லது முள்ளு தேன்குழல்' என் எல்லாவற்றிலும் ஒவ்வொரு கப் எடுத்துக்கொண்டு, கறிவேப்பிலையும் பொறிதுப்போட்டு குலுக்கவும்.
பிறகு உப்பு, மிளகாய்பொடி , மற்றும் பெருங்காயபொடி போட்டு குலுக்கவும்.
சுவையான 'மிக்ஸ்ர்' ரெடி.

by **krishnaamma** Sun Oct 31, 2010 12:15 am

கார பட்சணம் செய்ய டிப்ஸ்:

1 நெறைய கார பட்சணம் செய்வதானால், ஒரு பாத்திரத்தில், பிரண்டையை போட்டு தண்ணீர் விட்டு கொதிக்க வைக்கவும். உப்பும் போடவும். நன்கு கொதித்ததும் ஆறவைக்கவும். பிறகு வடிகட்டி அந்த நீரை கார பட்சணம் செய்யும்போது மாவு கலக்க உபயோகப் படுத்தவும். அதனால், பட்சணம் அதிக சுவையுடனும் , கரகரப்பாகவும் இருக்கும்.

2 நெய் அல்லது வெண்ணை சொன்ன அளவைவிட சற்று குறைவாக இருந்தால் பட்சணம் கரகரப்பு குறைவாக வரும். அதை தவிர்க்க, நெய் அல்லது வெண்ணையுடன் ஒரு சிட்டிகை சோடா உப்பு சேர்த்து நன்கு நுரை வரும் வரை தேய்க்கவும். பிறகு அதை மாவுடன் கலக்கவும். பட்சணம் நல்ல 'கரகரப்'பாக வரும்.

3 கார பட்சணம் செய்யும்போது அது கரகரப்பாக வந்ததா என தெரிந்துகொள்வதற்கு (பெருமாளுக்கு படைக்கும் முன் சாப்பிடக் கூடாது )
பட்சணத்தை வெறுமன கிழே போடணும். ( not forcibly ) அது நன்றக உடைந்தால் , கரகரப்பாக உள்ளது என அர்த்தம். புன்னகை

by **krishnaamma** Sun Oct 31, 2010 12:21 am

இனிகொஞ்சம் இனிப்பு பட்சணங்களைப பார்போம். முதலில் திரட்டுப்பால்
ரொம்ப சுலபமான ஆனால் அபாரமான இனிப்பு.

தேவையானவை:

1 லிட்டர் வெண்ணை நிறைந்த பால் (full cream milk )
200gms சர்க்கரை
ஏலப்பொடி சிறிதளவு (வேண்டுமானால்)

செய்முறை:

ஒரு பெரிய அடிகனமான பாத்திரத்தில் பாலை ஊற்றி , கொதிக்கவைக்கவும்.
அடுப்பை நிதானமாக எரியவிடவும்.
தொடர்ந்து கிளறவும்.
நன்கு சுண்டியதும் சர்க்கரை சேர்க்கவும்.
ஏலப்பொடி போட்டு கலந்து இறக்கவும்.
அவ்வளவுதான் , சுவையான திரட்டுப்பால், சுவைக்க தயர்ர்.

by Sponsored content

தீபாவளி பலகாரங்கள் ! - தீபாவளி லேகியம் !

தீபாவளி பலகாரங்கள் ! - தீபாவளி லேகியம் !

'பட்டர் முறுக்கு'

Re: தீபாவளி பலகாரங்கள் ! - தீபாவளி லேகியம் !

'காரா பூந்தி '

'காரா சேவ்'

'மகிழம்பூ தேன்குழல் ' - மனோப்பு - மனங்கொம்பு - 'முள்ளு தேன்குழல்'

'ஓமபொடி'

'ரிப்பன் பகோடா'

Re: தீபாவளி பலகாரங்கள் ! - தீபாவளி லேகியம் !

Re: தீபாவளி பலகாரங்கள் ! - தீபாவளி லேகியம் !

Re: தீபாவளி பலகாரங்கள் ! - தீபாவளி லேகியம் !

Re: தீபாவளி பலகாரங்கள் ! - தீபாவளி லேகியம் !

தட்டை

சுவையான 'மிக்ஸ்ர்'

கார பட்சணம் செய்ய டிப்ஸ்

திரட்டுப்பால்

Re: தீபாவளி பலகாரங்கள் ! - தீபாவளி லேகியம் !

பின்னூட்டம் எழுத உள்நுழைக அல்லது உறுப்பினராக பதிவு செய்க

உறுப்பினராக இணையுங்கள்

உள்நுழைய