போலீஸ் மாஜி ஐ.ஜி.,க்கு ஆயுள் தண்டைன விதிப்பு ; கேரளாவில் சி.பி.ஐ., கோர்ட் பரபரப்பு தீர்ப்பு

கொச்சி: கேரளாவில் நக்சல் ஒருவர் சுட்டுக்கொல்லப்பட்ட வழக்கில் மாஜி போலீஸ் ஐ.ஜி., லஷ்மனாவுக்கு ஆயுள் தண்டனை விதித்து சி.பி.ஐ., கோர்ட் தீர்ப்பளித்துள்ளது. 40 ஆண்டு காலத்திற்கு முன்பு கேரளாவில் பரபரப்பை ஏற்படுத்திய இந்த சம்பவத்தில் அளிக்கப்பட்டுள்ள தீர்ப்பில் வர்கீஸ் என்பவர் திட்டமிட்டு சுட்டு கொலை செய்யப்பட்டார் என்பது சந்தேகத்திற்கிடமின்றி நிரூபணம் ஆகிறது என்ற காரணத்தினால் கோர்ட் இந்த தண்டனையை வழங்குவதாக நீதிபதி தெரிவித்துள்ளார்.

இந்த வழக்கு குறித்த விவரம் வருமாறு: கடந்த 1970ம் ஆண்டில் பிப்ரவரி மாதம் 18 ம் தேதி வாயானந்த் மாவட்டம் திருவென்லி காட்டுப்பகுதியில் போலீசார் சுட்டு கொன்றனர்.

இவர் கொல்லப்பட்ட விவகாரத்தில் போலீஸ் மீது சந்தேகம் ஏற்படுவதாகவும். உயிருடன் பிடித்து போலீஸ் திட்டமிட்டே சுட்டு கொன்றனர். என அவரது குடும்ப உறுப்பினர்கள் கோர்ட்டுக்கு சென்றனர். தொடர்ந்து சி.பி.ஐ.,விசாரணைக்கும் உத்தரவிடப்பட்டது.

இதன்படி நடந்து வந்த வழ்க்கில் கொச்சி சி.பி.ஐ., சிறப்பு கோர்ட்டில் நேற்று குற்றம் நிரூபணம் ஆகிவிட்டதாகவும் மாஜி ஐ.ஜி., லஷ்மனாவுக்கு ஆயுள் தண்டனை வழங்கப்படுவதாகவும் நீதிபதி விஜயகுமார் தனது தீர்ப்பில் கூறியுள்ளார். டி.ஜி.பி., விஜயன் விடுவிக்கப்பட்டார். கொல்லப்பட்ட வர்க்கீஸ் குடும்பத்தினருக்கு ரூ. 10 ஆயிரம் ஐ.ஜி., வழங்க வேண்டும் என அபராதமும் விதிக்கப்பட்டது.

ஐ.ஜி., லஷ்மனாவின் உத்தரவின் பேரில் ராமச்சந்திரன் நாயர் ( போலீஸ் கான்ஸ்டபிள் ) என்பவர்தான் வர்க்சீசை சுட்டுக்கொன்றார். போலீசார் திட்டமிட்டே இந்த காரியத்தை செய்திருக்கின்றனர். இந்தகுற்றத்தை கொலைக்குற்றமாக கருதி சம்பந்தப்பட்டவருக்கு கடும் தண்டனை விதிக்க வேண்டும் என அரசு வக்கீல் வாதாடினார்.

கோர்ட் தீர்ப்பின்போது லஷ்மனாவும், விஜயனும் வீல்சேரில் கோர்ட்டுக்கு வந்தனர். மாஜி ஐ.ஜி., தான் பணியாற்றியபோது தமது பணியின் ஒழுக்கம் மற்றும் தமது பாராட்டுக்களையும் மற்றும் தமது உடல் நிலை பாதிப்பு ஆகியவற்றை எடுத்து சொல்லி தண்டனையை விலக்க வேண்டும் என்ற இவரது கோரிக்கையை நீதிபதி ஏற்க மறுத்து விட்டார்.

தினமலர்