பாலகங்காவுக்கு கூடுதல் பொறுப்பு

பூஜிதா · பூஜிதா Thu Oct 28, 2010 11:28 am

மாவட்ட பொறுப்பாளர் பதவியிலிருந்து முன்னாள் அமைச்சர் வளர்மதி விடுவிக்கப்பட்டுள்ளார். அவரிடமிருந்த பொறுப்பு பாலகங்கா எம்.பி.,க்கு கூடுதலாக அளிக்கப்பட்டுள்ளது. கடந்த அ.தி.மு.க., ஆட்சியில் சமூக நலத்துறை அமைச்சராக பணியாற்றியவர் வளர்மதி. அ.தி.மு.க., மகளிர் அணி செயலர், இலக்கிய அணிச் செயலர் என, பல்வேறு பதவிகளை வகித்த அவர் தற்போது அமைப்புச் செயலராக பணியாற்றி வருகிறார்.

விழுப்புரம் வடக்கு, விழுப்புரம் தெற்கு மாவட்டங்களின் அ.தி.மு.க., பொறுப்பாளர் பதவியிலிருந்து வளர்மதி விடுவிக்கப்பட்டுள்ளார். அவர் வகித்து வந்த பொறுப்பாளர் பதவி தற்போது பாலகங்காவுக்கு கூடுதலாக அளிக்கப்பட்டுள்ளது.

இதுகுறித்து அ.தி.மு.க., பொதுச்செயலர் ஜெயலலிதா வெளியிட்ட அறிக்கை: விழுப்புரம் வடக்கு, விழுப்புரம் தெற்கு மாவட்டங்களின் அ.தி.மு.க., பொறுப்பாளராக இருந்து வரும் வளர்மதி அந்த பொறுப்பிலிருந்து விடுவிக்கப்படுகிறார். திருவண்ணாமலை வடக்கு, திருவண்ணாமலை தெற்கு மாவட்டங்களின் பொறுப்பாளராக இருந்து வரும் பாலகங்கா எம்.பி., விழுப்புரம் வடக்கு, விழுப்புரம் தெற்கு மாவட்டங்களையும் சேர்த்து கவனிப்பார்.

தூத்துக்குடி மாவட்ட ஜெயலலிதா பேரவை செயலர் ஏரல் ரமேஷ், துணை செயலர் விஜயகுமார், தூத்துக்குடி ஒன்றிய அ.தி.மு.க., செயலர் சுரேஷ், துணை செயலர் சண்முகவேல் ஆகியோர் அவரவர் வகித்து வரும் பொறுப்புகளில் இருந்து விடுவிக்கப்படுகின்றனர்.

தூத்துக்குடி மாவட்ட ஜெயலலிதா பேரவை செயலராக விஜயகுமார், துணை செயலராக ஏரல் ரமேஷ் ஆகியோர் நியமிக்கப்படுகின்றனர். தூத்துக்குடி ஒன்றிய அ.தி.மு.க., செயலராக சண்முகவேல், தூத்துக்குடி ஒன்றிய விவசாய பிரிவு செயலராக சுரேஷ் ஆகியோரும் நியமிக்கப்படுகின்றனர். இவ்வாறு அறிக்கையில் கூறியுள்ளார்.

பாலகங்காவுக்கு கூடுதல் பொறுப்பு

பாலகங்காவுக்கு கூடுதல் பொறுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக