தமது மண்ணுக்காக போராடும் பிரபாகரனை ஏன் தீவிரவாதியாக பார்க்கவேண்டும்;சீமான் கேள்வி!

**சிவா** · **சிவா** Mon Oct 20, 2008 10:36 pm

சீனாவிற்கு மாவோ சேதுங் போன்ற தலைவர் என்றால் ஏன் இலங்கையில் தமிழர்களுக்காக போராடும் இந்தியாவிற்கோ அல்லது வேறு எந்த நாட்டுக்குமோ எதிராக போராடாமல் தமது மண்ணுக்கு பிரபாகரனை ஏன் தீவிரவாதியாக பார்க்கவேண்டும் என தமிழக திரைப்பட இயக்குநர் சீமான் கேள்வி எழுப்பியுள்ளார்.

இலங்கை தமிழர்களுக்கு ஆதரவு தெரிவித்து தமிழகம் ராமேஸ்வரம் கடற்கரையில் தென்னிந்திய திரையுலகத்தினர் இன்று கூட்டம் ஒன்றை ஒழுங்கு செய்திருந்தனர். இயக்குநர் பாரதிராஜாவின் ஏற்பாட்டில் நடைபெற்ற இந்த நிகழ்வில் திரையுலகத்தினர் பெருமளவில் பங்கேற்றனர். நிகழ்வில் பங்கேற்ற சீமான் இலங்கையின் தமிழர் பகுதியில் 1000 கிலோ நிறையைக்கொண்ட குண்டுகளை ஆறாயிரம் தடவைகளாக இலங்கை அரசாங்கம் போட்டுள்ளது. இந்த குண்டுகள் வீசப்படும் போது சுமார் 5 கிலோ மீற்றர் பகுதியில் ஒட்சிசனின் அளவு குறைந்துபோகிறது. இந்தநிலையில் தமது மண்ணுக்காக கடந்த இருபதாண்டு காலமாக போராடும் பிரபாகரனை இந்தியா ஏன் தீவிரவாதியாக பார்க்கவேண்டும்.

அவ்வாறெனின் மக்கள் மீது போடுவதற்கான 1000 கிலோ குண்டுகளை இலங்கைக்கு வழங்குகின்றவர்கள் தீவிரவாதிகள் இல்லையா என்றும் அவர் கேள்வி எழுப்பினார். இலங்கை இறைமையுள்ள நாடு எனக்கூறப்பட்டுள்ளது. இதனை எவ்வாறு எவ்வாறு ஏற்றுக்கொள்வது? இந்தியாவில் எந்த ஒருவர் பொதுமகனும் ஜனாதிபதியாகலாம். புப்ரதமராகலாம். ஆனால் இலங்கையில் ஒரு தமிழர் ஜனாதிபதியாகவோ பிரதமராகவோ முடியாதபடி அரசியலமைப்பு அமைக்கப்பட்டுள்ளது. இதனை வைத்துக்கொண்டு எவ்வாறு இலங்கை இறைமையுள்ள நாடு என எவ்வாறு கூறுவது என சீமான் வினவினார்

**சிவா** · **சிவா** Mon Oct 20, 2008 10:37 pm

இலங்கை தமிழர்களின் பிரச்சினையை தீர்ப்பதற்காக இந்தியாவில் இருந்து எந்த ஒரு முகர்ஜியும் இலங்கைக்கு செல்ல தேவையில்லை என தமிழக நடிகர் மன்சூர் அலிக்கான் இந்தநிகழ்வின் போது தெரிவித்தார். இலங்கையின் பிரச்சினை தொடர்பாக பேச்சுவார்த்தை நடத்துவதற்காக இந்தியா இலங்கைக்கு வெளியுறவுத்துறை அமைச்சர் பிரனாப் முகர்ஜியை அனுப்பவுள்ளதாக வெளியான தகவலையே மையமாக வைத்தே நடிகர் மன்சூர் அலிக்கான் இந்த கருத்தை வெளியிட்டுள்ளார்.இதில் உரையாற்றிய மன்சூர் அலிக்கான் இலங்கை என்பது இராவணன் எனும் தமிழ் அரசன் ஆண்ட பூமியாகும். எனவே சிங்கள உறவை துண்டித்து தமிழருக்கு ஈழத்தை இந்தியா பெற்றுக்கொடுக்கும் வரை தமிழக திரையுலகம் போராடும் என்றும் அவர் குறிப்பிட்டார்.

இதற்காக உலக தமிழர்கள் ஒன்று சேரவேண்டும் என்றும் அவர் கேட்டுக்கொண்டார்இந்தியாவில் இருந்து இலங்கைப்பிரச்சினையை தீர்க்க தமிழ் தெரியாத ஒருவரை அனுப்பவேண்டாம். தமிழ்தெரிந்த தமிழகத்தவர்களை அனுப்பவேண்டும் என்றும் அவர் கேட்டுக்கொண்டார்.இலங்கையில் தமிழர்களுக்கு எதிரான யுத்தம் நிறுத்தப்படாவிட்டால் எதிர்வரும் நாடாளுமன்ற தேர்தலின் முடிவுகள் மாற்றயமைக்கப்படும் எனக்குறிப்பிட்ட இயக்குநர் கே எஸ் ரவிக்குமார் ராமேஸ்வரத்தில் இன்று நடத்திய போராட்டத்தை இலங்கைக்கு சென்றும் நடத்துவதற்கு தாம் தயங்கப்போவதில்லை. என தெரிவித்தார். நிகழ்வின்போது நடிகர் லிவிங்ஸ்டன் நடத்திய பிரார்த்தனை நிகழ்வு அனைவரையும் மெய்சிலிர்க்க வைத்தது.

இதேவேளை நிகழ்வில் உரையாற்றிய பலரும் தமிழீழ விடுதலைப்புலிகளின் தலைவர் வேலுப்பிள்ளை பிரபாகரன் தனித்து நின்று நடத்திவரும் போராட்டத்தை போற்றியதுடன் இலங்கை தமிழர்களுக்கான தமது உறவின் ஆழத்தையும் குறிப்பிட்டனர்.

தமது மண்ணுக்காக போராடும் பிரபாகரனை ஏன் தீவிரவாதியாக பார்க்கவேண்டும்;சீமான் கேள்வி!

தமது மண்ணுக்காக போராடும் பிரபாகரனை ஏன் தீவிரவாதியாக பார்க்கவேண்டும்;சீமான் கேள்வி!

Re: தமது மண்ணுக்காக போராடும் பிரபாகரனை ஏன் தீவிரவாதியாக பார்க்கவேண்டும்;சீமான் கேள்வி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக