அனைத்து கலவரங்களிலும் ஆர்.எஸ்.எஸ்ஸுக்கு பங்குண்டு: காங்கிரஸ்

by ரபீக் Tue Oct 26, 2010 10:51 am

ஆர்.எஸ்.எஸ் எனப்படும் இந்துத்துவ அடிப்படைவாத அமைப்பின் அனைத்து நடவடிக்கைகளையும் கண்காணிக்கவும், தடை செய்யவும் உத்தரபிரதேச மாநில காங்கிரஸ் கட்சி மத்திய மாநில அரசுகளுக்கு கோரிக்கை விடுத்துள்ளது.

உத்தரபிரதேஷ மாநில காங்கிரஸ் தலைவி ரிதா பகுகுணா ஜோஷி நிருபர்களிடம் பேசுகையில் இவ்வேண்டுகோளை குறிப்பிட்டார். இந்த பயங்கரவாத அமைப்பின் மீது மத்திய அரசும் மாநில அரசுகளும் ஒரு கண் வைக்க வேண்டும் என்றும், கட்டுப்படுத்த முடியாத பட்சத்தில், தயங்காமல் இந்த இயக்கத்தைத் தடை செய்யவேண்டும்" என்றார் ரிதா.

2007 அஜ்மீர் குண்டுவெடிப்பின் பின்னணியில் ஆர் எஸ் எஸ் பெருந்தலைவர் ஒருவர் மீது குற்றப்பத்திரிக்கை பதிவு செய்யப்படுவது குறித்து அவர் சொல்லும்போது, "அநேகமாக, எல்லா இனக்கலவரங்களிலும் இவர்களோ, இவர்களின் துணை அமைப்புகளோ காரணமாய் உள்ளன" என்றார் ஜோஷி.

நாட்டின் ஒற்றுமையைக் குலைத்து நாசவேலை செய்யும் ஆர் எஸ் எஸ் ஹைதரபாத் மக்கா மசூதி, ஜெய்ப்பூர். சம்ஜாதா வண்டி உள்ளிட்ட குண்டுவெடிப்புகளிலும் பங்கேற்றுள்ளதாக விசாரணை ஆணையங்கள் சுட்டியதைக் குறிப்பிட்டுள்ளார் ஜோஷி.

இந்நேரம்

by சரவணன் Tue Oct 26, 2010 11:06 am

அப்படி என்றால் கடந்த 50 ஆண்டுகளாக காங்கிரஸ் காரர்கள்தான் இந்த நாட்டை ஆண்டுகொண்டிருக்கிறார்கள், காங்கிரசார் இவர்களை அடக்கி ஒடுக்கவேண்டியதுதானே! தீவிரவாதத்தை ஊக்கிவிப்பது காங்கிரஸ் தான் என்பது என்கருத்து.

மேலும் ஆர்.எஸ் எஸ் என்ற அமைப்பினர் இயற்க்கை பேரழிவின்போது மக்களுக்கு உதவுகின்றனர், இளைஞ்சர்களுக்கு பல்வேறு உடற்பயிற்சி, தற்காப்பு கலைகள் கற்று தருகிறார்கள் என்று கேள்விப்பட்டிருக்கிறேன்.தீவிரவாத செயல்களில் ஈடுபடுகிறார்களா என்று தெரியவில்லை.(அப்படி இவர்கள் தீவிரவாத செயல்களில் ஈடுபட்டால் அதை நான் வன்மையாக கண்டிக்கிறேன்)

மேலும் இப்போது சிறுபான்மையினரும் மெல்ல காங்கிரசின் பிரித்தாளும் சூழ்ச்சியினை கண்டுகொண்டுவிட்டனர். இனிமேல் இந்து முஸ்லிம் பிரச்சனையை தூண்டி ஓட்டு வங்கியை நிரப்ப முடியாது, இதற்க்கு சமீபத்தில் நடந்த குஜராத் தேர்தல் நல்ல எடுத்துக்காட்டு.(இஸ்லாமியர்கள் அதிகம் வாழும் பகுதியில் ஒரு இந்து வேட்ப்பாளர், மற்றும் இந்துக்கள் அதிகம் வாழும் பகுதியில் முஸ்லிம் வேட்ப்பளரும் வேற்றுபெற்றிருக்கிரார்கள் என்பது குறுப்பிடத்தக்கது).

பிஜேபி. ஆளும் கர்நாடக மற்றும் குஜராத் மற்ற மாநிலங்களை விட வெகு வேகமாக முன்னேறுகிறது, குஜராத் மற்றும் பெங்களூரில் இருந்ததால் என்னால் இதை உறுதியாக கூறமுடிகிறது. மக்கள் காங்கிரசாரின் பிரித்தாளும் சூழ்ச்சியில் ஆக்கப்படாமல் நாட்டு முன்னேற்றத்திற்கு பாடுபடவேண்டு!

வாழ்க பாரதம்! வளர்க அதன் புகழ்!