சாம்சங் எஸ்.8000 ஜெட்

தொட்டவுடன் விடை அளிக்கும் டச் ஸ்கிரீன், விரல்களுக்கு வலி கொடுக்காமல் வேலையை நிறைவேற்றும் யூசர் இன்டர்பேஸ், அதிகமான சிறு சிறு வசதிகள் எனப் பல அம்சங்களால் சாம்சங் எஸ் 8000 ஜெட் மொபைல் மக்களைக் கவரும் என்று எதிர்பார்க்கப்படுகிறது. இதன் பெயருக்கேற்ப ஒரே நேரத்தில் பல வேலைகளை மேற்கொண்டாலும் இந்த போன் ஜெட் வேகத்தில் அவற்றை நிறைவேற்றுகிறது.

இந்த போனின் மிகச் சிறந்த அம்சம் ஒன்று உண்டென்றால் அது இதன் 3.1 அங்குல வண்ணத்திரை தான். AMOLED டிஸ்பிளேயில் 480 x 800 பிக்ஸெல் ரெசல்யூசன் கொண்டுள்ளது. கண்ணுக்கு மிக ரம்மியமாக இதன் வண்ணக் கலவை உள்ளது. இதன் கீழாக உள்ள பட்டன் அழைப்புகளைத் தொடங்கவும் முடிக்கவும் இயங்குகிறது. மேலாக இரண்டாவது வீடியோ கேமரா தரப்பட்டுள்ளது.மேலாக வலது பக்கம் 3.5 மிமீ ஆடியோ ஜாக் மற்றும் யு.எஸ்.பி./ சார்ஜிங் போர்ட் தரப்பட்டுள்ளது. வால்யூம் / ஸூம் கீகள் இன்னொரு புறம் அமைக்கப்பட்டுள்ளன. இதன் பின்பக்க பேனல் வண்ணமும் பளிச்சிடும் தன்மையையும் பார்ப்பவர்களைக் கிறங்க அடிக்கிறது. இதன் 5 எம்பி கேமராவும் பின்புறம் அமைக்கப்பட்டுள்ளது. அதன் கீழாக மைக்ரோ எஸ்.டி. கார்ட் ஸ்லாட் தரப்பட்டுள்ளது. 110 கிராம் எடையில் கைகளில் சரியாக அமர வைத்து இயக்கும் வகையில் இது வடிவமைக்கப்பட்டுள்ளது.

இதன் திரையில் மூன்று டெஸ்க் டாப் அமைக்கலாம். மெனுக்கள் கூட மூன்று பக்கங்கள் வரை நீள்கின்றன. லேண்ட்ஸ் கேப் மோடில் இயங்கும் குவெர்ட்டி கீ போர்டு சரியான முறையில் அமைக்கப்பட்டுள்ளது. ஹேண்ட் ரைட்டிங் அறிந்து செயல்படும் திறனும் தரப்பட்டுச் சரியாக இயங்குகிறது. இதில் செயல்படும் ப்ராசசர் வேகத்திற்கு ஈடு கொடுத்து ஒரே நேரத்தில் மூன்று மல்ட்டிமீடியா அப்ளிகேஷன்களை இயக்குகிறது.


சாம்சங் DNSe சவுண்ட் இஞ்சின் 5.1 சரவுண்ட் சிஸ்டத்துடன் இயங்குகிறது. இதன் எப்.எம்.ரேடியோ எங்கு சுற்றினாலும் தெளிவாக அலைவரிசைகளை வாங்கித் தருகிறது. இதில் பில்ட் இன் ரெகார்டிங் வசதியும் தரப்பட்டுள்ளது. சோனி எரிக்சன் தரும் ட்ரேக் ஐடி தொழில் நுட்பத்திற்குப் பதில் கூறும் வகையில் சாம்சங் பைண்ட் மியூசிக் என்னும் வசதியைத் தந்துள்ளது. வழக்கம் போல் சில கேம்ஸ்களையும் சாம்சங் தருகிறது. குறிப்பாக இதில் உள்ள ரோலர் கோஸ்டர் 3டி முழுமையாகத் தரப்பட்டுள்ளது. எனவே இதனைத் தொடர்ந்து விளையாடக் கட்டணம் செலுத்த வேண்டியதில்லை. இதில் உள்ள இமேஜ் பைல்களைப் பெயர், எடுத்த நேரம், பைல் பெயர் ஏன் கலரின் அடிப்படையில் பிரித்து அடுக்கி வைக்கலாம். இன்னொரு அம்சம் இந்த போனில் கிடைக்கும் வீடியோ எடிட்டர். DivX மற்றும் XviD வீடியோ பார்மட்டுகள் இதில் சப்போர்ட் செய்யப்படுகின்றன. இதன் டிஸ்பிளே திரை அளவு, வண்ணக் கலவை மற்றும் சரியான ரெசல் யூசனில் வீடியோ படங்களைப் பார்ப் பது ஒரு இனிய அனுபவமாய் உள்ளது.

நெட் வொர்க் தொடர்பிற்கு 3ஜி, எட்ஜ் மற்றும் ஜிபிஆர் எஸ் துணை புரிகிறது. IMAP/POP3 இமெயில் அக்கவுண்ட் களை இந்த போன் சிறப்பாகக் கையாள்கிறது. Yahoo’s One Search, CNN Mobile, YouTube and AccuWeather. Bluetooth 2.1 with A2DP and USB 2.0 எனப் பல வசதிகள் இதில் தரப்பட்டுள்ளன. இவற்றுடன் கன்வெர்டர், வேர்ல்ட் கிளாக், அலாரம், ஸ்டாப் வாட்ச், டைமர், மெமோ பேட், கால்குலேட்டர் மற்றும் காலண்டர் வழக்கம் போல் கிடைக் கின்றன. கேமராவும் இதன் சிறந்த இணைப்பாக உள்ளது. 11 சீன் மோட், ஸ்மைல் ஷாட் போன்றவற்றுடன் வழக்கமான அனைத்து வசதிகளும் கிடைக்கின்றன. 2 ஜிபி மாடல் போனின் விலை ரூ. 24,150 என அறிவிக்கப்பட்டுள்ளது.

மொபைல் மலர்

நல்ல தகவல்