மாரடைப்பு ஏற்படுவதை அறிந்து கொள்வது எப்படி?

எனது 45 ஆவது வயதில் எனக்கு மாரடைப்பு வந்தது. காரணம் மன அழுத்தமே..! எவ்வித அறிகுறியும் இல்லை என்பதாக முன்னர் நினைத்திருந்தாலும் இப்போது சில அறிகுறிகள் எனக்கு நினைவுக்கு வந்தன. அதைப் பகிர்கிறேன்..!

1. மாரடைப்பின் சில நாட்களுக்கும் முன்னரேயே அதீத நிலையின்மை ( restless stage ) இருந்தது.

2. ஒருவாரம் முன்னதாக பைக் ஓட்டும் போது மின்னலாய் எனது வலது தோள்பட்டையில் மின்வெட்டு போல சில வினாடிகளுக்கு உனர்ந்தேன்.

3. சம்பவம் நிகழ்ந்த அன்று இரவு 2.30க்கு மூச்சுத்திணறலும் ஒரு வித இருப்பின்மையும் உணர்ந்தேன்.

4. கைகளில் மின்னல் போல் கடுமையான அதிர்ச்சியை உணர்ந்தேன்.

5. உடலில் கொழுப்புச்சத்து அதிகமின்றி இருப்பினும் என் ஆசிரியப்பணியின் காரணமாக அதிக உடல் உழைப்பும் நடைபயிற்சியும் இல்லாமல் இருந்தது மிக முக்கிய காரணம்.

6. சில உளப்பிரச்சினைகள் காரணமாய் மன இறுக்கத்தை ஒருமாதகாலமாய் உணர்ந்திருந்தேன். அதீத கோபம் எரிந்து விழுதல் போன்ற உயர்ரத்த அழுத்த அறிகுறிகளும் இருந்தன.

இவை மூலம் எனது அனுபவ அறிவுரை :

1. 35 வயதைத் தாண்டிய ஆண்பெண் இருவரும் உணவில் இனிப்பு உப்பு காரம் புளிப்பு இந்த சுவைகளைப் பாதியாக குறைத்தல் முக்கியம்.

2. மாதம் ஒருமுறை ரத்த அழுத்தப் பரிசோதனை செய்துகொள்ளவேண்டும்.

3. எதைக்குறித்தும் ஆழமாகச் சிந்தித்தலைத் தவிர்க்க வேண்டும். ஆழ்நிலை தியானம் யோகம் ஆகியவை உதவும்.

4.கோபப்படுதலைத் தவிர்த்தல் முக்கியம்.

5 இறை நம்பிக்கை உடையவர்கள் தினமோ அல்லது வாரமொருமுறையோ கோயிலுக்குச் சென்று அமைதியாக அரைமணி நேரம் அமர்ந்து தியானம் செய்யலாம்.

6. மாமிச உணவை ( மிக முக்கியமாக ஆட்டிறைச்சி /மாட்டிறைச்சி / பன்றி இறைச்சி ஆகியவை) தவிர்த்தல் நலம்.

7 மீன்களைப் போதிய அளவு உணவில் சேர்த்துக்கொள்ளவும். அசைவத்தில் தீங்கு விளைவிக்காத ஒரே உணவு மீன் தான் என்று அடித்துக் கூறலாம்.

8. புகை மது போதைப் பொருள்களைத் தவிர்க்கவேண்டும்.

9. முக்கியமாக எதையும் லேசாக எடுத்துக்கொண்டு முடிந்த அளவு மனதை உற்சாகமாக வைத்துக்கொள்ளுதல் மிகச்சிறந்த ஒன்று.

இவை அனைத்தும் எனது சொந்த அனுபவத்திலிருந்தே வழங்குகிறேன்.