கொசு இனத்தை அழிக்க புதிய வழி!

தண்ணீருக்கு அடுத்தபடியாக நோய் பரப்புவது கொசுக்களாகும். டெங்கு காய்ச்சல் மற்றும் மஞ்சள் காய்ச்சல் போன்ற பயங்கர வியாதிகளை கொசுக்கள் பரப்புகின்றன. இது தவிர பலவித வைரஸ்களை பரப்புவதன் முலம் வேறு சில வியாதிகள் தொற்றவும் காரணமாக இருக்கின்றன.

இந்த கொசுக்களால் மனித இனம் அனுபவிக்கும் துன்பங்கள் கொஞ்சமல்ல. உலகில் 40 சதவீதம்பேருக்கு டெங்கு காய்ச்சல் கொசுக்கள் முலம் பரவுகிறது. ஆண்டு தோறும் 10 கோடி பேர் பாதிப்புக்குள்ளாவதில் 22 ஆயிரம் பேர், பாதிப்பு அதிகமாகி இறந்துவிடுகிறார்கள். ஏடிஸ் இன கொசுக்களே இதற்கு காரணமாகும்.

இந்தக் கொசுக்களை ஒழிக்க உலகமெங்கிலும் பல்வேறு வழிகளில் ஆய்வுகள் நடந்து வருகிறது. சமீபத்தில் செயற்கையாக கொசுக்களை உற்பத்தி செய்து, அவற்றுடன் இயற்கை கொசுக்கள் இனம்பெருக்கம் செய்தால் விரைவில் கொசு இனம் குறைந்துவிடும் என்று மெய்ப்பிக்கப்பட்டது. தற்போது இன்னொரு புதிய வழி கண்டுபிடிக்கப்பட்டு உள்ளது.

அமெரிக்காவின் கார்னெல் நகரில் நடந்த ஆய்வு முடிவுகள் ஒரு விஞ்ஞானப் பத்திரிகையில் வெளியாகி உள்ளது. அதில், கொசுக்களில் இருக்கும் ஒருவித புரதத்தை நமக்கு சாதகமாகப் பயன்படுத்தி அவற்றை அழிக்கலாம் என்று தெரிவிக்கப்பட்டு உள்ளது.

அதாவது கொசுக்களில் உள்ள ஒரு வகைப் புரதம், அவற்றின் சிறுநீர் சுரப்பதற்கு பெரிதும் காரணமாக இருக்கிறது. கொசு நமது உடலில் இருந்து ரத்தத்தை உறிஞ்சும்போது அந்தப் புரதத்தை கட்டுப்படுத்த முடிந்தால் அவற்றின் சிறுநீர் சுரப்பி பாதிக்கப்பட்டு ரத்த ஓட்டமும் தடைபடும். இதனால் கொசு மரணத்தைத் தழுவும். கொஞ்சம் கொஞ்சமாக கொசு இனமும் முடிவுக்கு வரும்.

மிகச் சிறியதும், மிக வேகமாக பறந்து நழுவிச் சென்றுவிடுவதுமான கொசு இனத்தை அழிக்க இதுவே சிறந்த வழி என்கிறார்கள் விஞ்ஞானிகள். குறிப்பிட்ட அந்த புரதத்தை கட்டுப்படுத்துவதற்கான அடுத்தகட்ட முயற்சியாக ஆய்வுகள் தொடருகின்றன.

பலே ஆய்வு தான்.... எப்படியோ கொசு இனத்தை முடிவுக்கு கொண்டு வந்து நோய்ல இருந்து மக்கள் விடுபடுவது மகிழ்வான விஷயமே.....

அன்பு நன்றிகள் கார்த்தி பகிர்வுக்கு.....

balug00 wrote:

உமா wrote:

ஏம்பா உமாவும் பாலுவும் இப்படி கொசு அடிக்கிறீங்க? கொஞ்சம் பொறுமையா இருங்க மருந்து கண்டுபிடிக்கிறாங்கல்ல?

எங்க ஊர்ல எரும மாட்டுக்கு ரெக்க முளைச்ச மாதிரி கொசுங்க.
இப்படியெல்லாம் அடிச்சா சாகாதுங்க.

ஐயோ என்ன சொல்றீங்க பாலூ?

அப்ப தினம் உறக்கத்திலும் கையில் வீச்சரிவாளும் உருட்டைக்கட்டையும் தான் உங்கள் எல்லோரையும் காப்பாற்றுவதா??

ஹரியானாவில் கொசு என்றால் எருமைமாட்டுக்கு ரக்கை முளைப்பது போல் என்று இப்ப தாம்பா கேள்விப்படுகிறேன்.... நல்லவேளை ஹரியானா போகலை தப்பிச்சேன்....

கொசு அடிக்க என்ன நானே வெட்டிகிட்டு சாக சொல்றீங்களா?

தற்காலிகமா இப்போ ஹர்யானாவுல.

நான் சொன்ன எங்க ஊரு திருமங்கலம்.

ஹரியானாவில எங்கே பாலு..?

பக்கத்துல தானே நான் இருக்கேன்...

இங்க எல்லாம் ஈ சைஸ்ல தான் கொசு இருக்கு..

எருமை சைஸ் எல்லாம் ஓவருங்க...

- டெல்லி எருமை பால் குடிச்சவன்