நோக்கியாவின் புதிய இரண்டு போன்கள்

இந்திய மொபைல் சந்தையில் நோக்கியா நிறுவனம் அண்மையில் இரண்டு புதிய மாடல் மொபைல் போன்களை விற்பனைக்கு அறிமுகம் செய்தது. இவை சிம்பியன் சீரிஸ் 40 சிஸ்டம் கொண்ட போன்களாகும். இவை நோக்கியா 6700 கிளாசிக் மற்றும் நோக்கியா 6300 கிளாசிக் (Nokia 6700 Classic and Nokia 6303 Classic) என அழைக்கப்படுகின்றன. இவை முன்னாள் உலக அழகியும் நடிகையுமான பிரியங்கா சோப்ராவினால் அறிமுகப்படுத்தப்பட்டன. இதே நேரத்தில் நோக்கியா போட்டி ஒன்றை தன் வாடிக்கையாளர்களுக்கு அறிவித்தது.

இந்த போட்டியில் வாடிக்கையாளர்கள் தாங்கள் எடுத்த புகைப்படங்களை நோக்கியாவின் www.nokia.co.in என்ற முகவரியில் உள்ள தளத்தில் பதிக்கலாம். எந்த போட்டோ அதிக ஈர்ப்புகளைக் கடிதங்கள் வாயிலாகப் பதிவு செய்கிறதோ அதற்குப் பரிசு வழங்கப்படுகிறது. இந்த இரண்டு போன்களுமே கேமராவினை மையமாகக் கொண்டு தயாரிக்கப்பட்டுள்ளன. இரண்டும் ஸ்டெயின்லெஸ் ஸ்டீல் பாடி அமைப்பில் உள்ள கேண்டிபார் போன்களாகும். முதல் போன் 113 கிராம், இரண்டாவது 96 கிராம் எடையுள்ளன.

நோக்கியா 6700 வில் முழு மெட்டல் கீ மேட் தரப்பட்டு தரமான தோற்றத்துடன் அமைக்கப்பட்டுள்ளது. இதில் 2.2 அங்குல டி.எப்.டி. எல்சிடி வண்ணத்திரை, HSDPA, EDGE/ GPRS தொழில் நுட்பம் கொண்ட 3ஜி செயல்பாடு, A2DP இ ணைந்த புளுடூத், யு.எஸ்.பி.2, நோக்கியா மேப்ஸ் இணைந்த ஜிபிஎஸ் நேவிகேஷன், ஐந்து மெகா பிக்ஸெல் கேமரா, எப்.எம். ரேடியோ, ஆர்.டி.எஸ். நுட்பம் கொண்ட மியூசிக் பிளேயர் ஆகியவை உள்ளன. நோக்கியா மேப்ஸ் முதல் 30 நாட்களுக்கு மட்டும் இலவசம். இது நான்கு பேண்ட் அலைவரிசைகளில் இயங்கும். இதன் தடிமன் 11 மிமீ. விநாடிக்கு 15 பிரேம் வேகத்தில் இதன் வீடியோ ரெகார்டிங் இயங்குகிறது.

இதில் வை–பி இணைப்பு மற்றும் டாகுமென்ட் வியூவர் இல்லாதது ஒரு குறையாகும். இதனுடன் 1 ஜிபி கார்ட் தரப்படுகிறது. நோக்கியா 6303 கிளாசிக் மாடல் போனில் 2.2 அங்குல திரை, 3.2 மெகா பிக்ஸெல் கேமரா, ஜிபிஆர் எஸ், எட்ஜ் தொழில் நுட்பம், புளுடூத், யு.எஸ்.பி., மைக்ரோ எஸ்.டி. கார்ட் சப்போர்ட், நோக்கியா மேப்ஸ், 3.5 மிமீ ஆடியோ ஜாக், எப்.எம். ரேடியோ ஆகியவை உள்ளன. இதில் ஜி.பி.எஸ். இல்லை. நோக்கியா கிளாசிக் 6700 மொபைல் போன் குரோம் மற்றும் கருப்பு வண்ணங்களில் ரூ.14,000 என விலையிடப்பட்டுள்ளது. நோக்கியா 6303 கிளாசிக் ரூ. 8,000 என விலையிடப்பட்டுள்ளது.

நல்ல தகவல், நீங்கள் போன் தகவல் ஒரு ஃபோல்டர் போடலாம்