கடற்படையில் இன்ஜினியரிங் தகுதிக்கான அதிகாரி நிலை பணி

இந்தியாவின் முப்படைகளில் ஒன்றான இந்தியக் கடற்படையின் முக்கியப் பயிற்சி மையம் கேரளாவின் கண்ணனூர் மாவட்டத்தில் எழிமலாவில் அமைந்துள்ளது. இந்தியக் கப்பற் படையின் அனைத்து அதிகாரிகளும் இங்கு பயிற்சி பெற்ற பின்னரே பிற பகுதிகளில் பணியில் அமர்த்தப்படுகிறார்கள். இந்தியக் கடற் படையில் நிரந்தரக் கமிஷன் அதிகாரிகளை நியமிப்பதற்கான அறிவிப்பு வெளியாகியுள்ளது.

என்ன தேவை இந்தியக் கடற் படையின் நிரந்தரக் கமிஷன் அதிகாரி பதவிக்குத் திருமணமாகாத ஆண் விண்ணப்பதாரர்கள் விண்ணபிக்கலாம். இவர்கள் ஏ.ஐ.சி.டி.இ.,யின் அங்கீகாரம் பெற்ற கல்வி நிறுவனத்தின் மூலமாக பி.இ., அல்லது பி.டெக்., படிப்பை எலக்ட்ரிகல், எலக்ட்ரானிக்ஸ், மெக்கானிக்கல் ஆகிய ஏதாவது ஒரு பிரிவில் படித்து முடித்திருக்க வேண்டும். அங்கீகரிக்கப்பட்ட பல்கலைக் கழகத்தின் மூலமாக எலக்ட்ரானிக்ஸ் அல்லது இயற்பியலில் முது நிலைப் பட்டப் படிப்பை முடித்தவர்களும் இந்தப் பதவிக்கு விண்ணப்பிக்கலாம்.

வயது வரம்பு

இந்தியக் கடற் படையின் நிரந்தரக் கமிஷன் அதிகாரிப்பதவிக்கு விண்ணப்பிக்க வயது 19 1/2 முதல் 25 வயதுக்கு உட்பட்டவராக இருக்க வேண்டும். அதாவது 02.07.1986 முதல் 01.01.1992க்குள் பிறந்தவராக இருக்க வேண்டும்.

உடற் தகுதி

இந்தியக் கடற் படையின் நிரந்தரக் கமிஷன் அதிகாரி பதவிக்கு விண்ணப்பிக்கக் குறைந்த பட்ச உயரம் 157 செ.மி.,யாகவும், இதற்கு இணையான எடையும் பெற்றிருக்க வேண்டும். கண்ணாடி அணிந்தவர்களும் சில நிபந்தனைகளுக்கு உட்பட்டு விண்ணப்பிகலாம். ஆனால் நிறக் கோளாறு மற்றும் மாலைக் கண் நோய் உள்ளவர்கள் விண்ணப்பிக்க முடியாது.

விண்ணப்பிப்பது எப்படி

இந்தியக் கடற் படையின் நிரந்தரக் கமிஷன் அதிகாரி பதவிக்குப் பரிந்துரைக்கப்பட்ட படிவ மாதிரியில் மட்டுமே விண்ணப்பிக்க வேண்டும். விண்ணப்பிக்கும் கவரின் மேற்பகுதியில் தவறாமல்

"Application for PC NAIC & Jul 2011 Course & Qualification : ______ Percentage : _______%"

என்று குறிப்பிட வேண்டும். பூர்த்தி செய்த விண்ணப்பங்களைப் பின் வரும் முகவரிக்கு 15.11.2010க்குள் கிடைக்குமாறு அனுப்ப வேண்டும்.

முகவரி
Post Bag No.04,
RK Puram ( Main ),
New Delhi & 110 066.

இணைய தள முகவரி :
www.nausenabharti.nic.in