காவலர்களின் எல்லைப் பிரச்சனையால் 14 மணி நேரமாக சாலையில் அனாதையாக கிடந்தது சடலம்

நிசாந்தன் · நிசாந்தன் Sun Oct 24, 2010 10:32 am

காவல்துறையினரின் எல்லைப் பிரச்சனை காரணமாக 80 வயது முதியவரின் சடலம் 14 மணி நேரமாக சாலையில் அநாதையாக கிடந்தது.

கிழக்கு டெல்லி ஜில்மில் தொழிற்பேட்டை பகுதியில் உள்ள தொடர்வண்டி மேம்பாலத்தை அடுத்து தண்டவாளத்தின் அருகே நேற்றுமுந்தினம் அதிகாலை ஒரு சடலம் கிடந்தது. 80 வயது மதிக்கத்தக்க அந்த முதியவரின் சடலம் தண்டவாளத்தை தாண்டி சாலையை ஒட்டி விழுந்து கிடந்தது.

இதை பார்த்து அப்பகுதி மக்கள் காவல்துறையினருக்கு தகவல் கொடுத்தனர். இதையடுத்து காலை 6 மணிக்கு விவேக் விகார் காவலர்கள் அங்கு வந்தனர்.

சடலம் கிடந்த இடத்தை சோதனையிட்டு இது தங்களது காவல் எல்லைக்குள் வராது என்று கூறி சென்றுவிட்டனர். அதன்பின் காலை 7 மணி அளவில் மானசரோவர் காவலர்கள் அங்கு வந்தனர். அவர்களும் இது தங்கள் எல்லை கிடையாது என்று கூறி சென்றுவிட்டனர். பின்னர் இரயில்வே காவர்கள் அங்கு வந்தனர். அவர்களும் சாலை அருகே சடலம் கிடப்பதால் தொடர்வண்டி நிலைய எல்லைக்குள் வராது என்று கூறி திரும்பிச் சென்றுவிட்டனர். இத்தனை நேரமும் அந்த சடலம் துணி கூட போர்த்தப்படாமல் அனாதையாக கிடந்தது.

காவலர்கள் ஒவ்வொருவரும் எல்லை பிரச்சனையைக் காரணம் காட்டி சடலத்தை அப்புறப்படுத்தாமல் தட்டிக்கழிப்பதைப் பார்த்து மக்கள் கொதிப்படைந்தனர். தாங்களே அவசர மருத்துவ ஊர்தியை வரவழைத்து பிணவறைக்கு கொண்டுசெல்வோம் என்று கூறினர். இதையடுத்து இரவு இரயிவே காவர்கள் மீண்டும் வந்து சடலத்தை அவசர ஊர்தியில் ஏற்றி ஜி.டி.பி. மருத்துவமனைக்கு கொண்டு சென்றனர்.

இதுகுறித்து இரயில்வேதுறை கூடுதல் போலீசு கமிஷனர் பி.எஸ்.குஜ்ஜார் கூறுகையில், “தற்காலிகமாக இந்த அடையாளம் தெரியாத சடலம் குறித்த வழக்கை எடுத்திருக்கிறோம். எங்களது விசாரணையின்போது சம்பந்தப்பட்ட இடம் இரயில்வே போலீசின் எல்லைக்குள் வராது என்பது தெளிவாக தெரிந்தால், இந்த வழக்கை சம்பந்தப்பட்ட காவல் நிலையத்துக்கு மாற்றிவிடுவோம்” என்றார்.

எல்லைப் பிரச்சனையை கூறி 14 மணி நேரத்துக்கும் மேலாக சடலத்தை அனாதையாக போட்டுவிட்டு சென்ற காவலர்களின் செயலை பலரும் கடுமையாக விமர்சித்தனர்.

மஞ்சுபாஷிணி · மஞ்சுபாஷிணி Sun Oct 24, 2010 10:41 am

பொறுப்பற்ற செயல் சோகம்

காவலர்களின் எல்லைப் பிரச்சனையால் 14 மணி நேரமாக சாலையில் அனாதையாக கிடந்தது சடலம்

காவலர்களின் எல்லைப் பிரச்சனையால் 14 மணி நேரமாக சாலையில் அனாதையாக கிடந்தது சடலம்

Re: காவலர்களின் எல்லைப் பிரச்சனையால் 14 மணி நேரமாக சாலையில் அனாதையாக கிடந்தது சடலம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக