நல்லெண்ணத்தில் மின்கம்பியை தூக்கிப்போட்டவர் பரிதாப சாவு

பூஜிதா · பூஜிதா Sat 23 Oct 2010 - 12:14

மற்றவர்கள் பாதிக்கக்கூடாது என்ற நல்லெண்ணத்தில் மின்சார கம்பியை தூக்கிப் போட்டவர், மின்சாரம் தாக்கி பலியானார்.

திருநெல்வேலி மாவட்டம், வீரவநல்லூர், அழகப்பபுரத்தை சேர்ந்த சமுத்திரபாண்டி மகன் முத்துகிருஷ்ணன்(32); பெட்டிக்கடை நடத்திவந்தார்.வீரவநல்லூரை அடுத்துள்ள புதூரில் தனியார் அட்டைபெட்டி தயாரிக்கும் ஆலை உள்ளது. நேற்று பிற்பகல் அந்த ஆலைக்குசரக்குகளை கொண்டுசென்ற உயரமான கன்டெய்னர் லாரியின் மேல்பகுதி உரசியதில் ரோட்டின் குறுக்காக சென்ற வீட்டு இணைப்பு மின்கம்பி அறுந்துவிழுந்தது.

லாரி கடந்துசென்ற பிறகு, மின்கம்பி ரோட்டில் கிடந்தது. அதை யாராவது மிதித்துவிடக்கூடாது என்ற நல்லலெண்ணத்தில் முத்துகிருஷ்ணன், அந்த மின்கம்பியை தூக்கி ஓரமாக போட முயற்சித்தார். ஆனால் முத்துகிருஷ்ணன் தொட்டபோதுமின்சாரம் தாக்கி தூக்கிவீசப்பட்டு சம்பவ இடத்திலேயே இறந்தார். வீரவநல்லூர் போலீசார், கன்டெய்னர் லாரி டிரைவர் மீது வழக்கு பதிவுசெய்து தேடிவருகின்றனர். பலியான முத்துகிருஷ்ணனுக்கு மனைவியும் ஒரு மகனும், ஒரு மகளும் உள்ளனர்.