அமெரிக்கா அருகேயுள்ள ஹைதி நாட்டில் காலராவுக்கு 140 பேர் பலி

**உமா** · **உமா** Fri Oct 22, 2010 4:51 pm

அமெரிக்கா அருகேயுள்ள குட்டி நாடு ஹைதி. தீவுப் பகுதியான இங்கு கடந்த ஜனவரி மாதம் கடுமையான பூகம்பம் ஏற்பட்டது. இதில் 2 லட்சத்து 50 ஆயிரம் பேர் பலியானார்கள். 15 லட்சம் பேர் வீடுகளை இழந்தனர்.

பூகம்பத்தால் ஏற்பட்ட பேரழிவில் இருந்து இன்னும் அந்த நாடு மீளவில்லை. இந்த நிலையில் தற்போது அங்கு காலரா நோய் பரவி வருகிறது.

அங்குள்ள டோயுன், மார்சந்த் டெஸ்சாலின்ஸ் மற்றும் செய்ன்ட்- மார்க் ஆகிய பகுதிகளில் அதிக அளவில் இந்நோய் தாக்கியுள்ளது. இது தலைநகர் போர்ட்-ஆப்-பிரின்ஸ் நகரில் இருந்து சுமார் 100 கி.மீட்டர் தொலைவில் உள்ளது.

இப்பகுதியில் வாழும் மக்கள் வாந்தி மற்றும் காய்ச்சலால் கடுமையாக அவதிப்படுகின்றனர். இதனால் சுமார் 1500 பேர் அங்குள்ள ஆஸ்பத்திரிகளில் அனுமதிக்கப்பட்டு சிகிச்சை பெற்று வருகின்றனர்.

இருந்தும் சிகிச்சை பலனின்றி இதுவரை 140 பேர் பலியாகி உள்ளனர். இன்னும் பலரின் நிலைமை கவலைக்கிடமாக உள்ளது. எனவே, சாவு எண்ணிக்கை உயரும் என அஞ்சப்படுகிறது.

காலராவுக்கு அசுத்தமான குடிநீர் மற்றும் சுகாதார மற்ற உணவே காரணம் என கூறப்படுகிறது. எனவே, பாதிக்கப்பட்ட பகுதிகளுக்கு மருத்துவ குழு அனுப்பப்பட்டுள்ளது. அவர்கள் மக்களுக்கு நோய் தடுப்பு மாத்திரைகளை வழங்கி வருகின்றனர். மேலும், காலரா தடுப்பு ஊசிகளும் போடப்பட்டு வருகின்றன.

பின் அமெரிக்கன் சுகாதார நிறுவனம் இதற்கான நடவடிக்கையில் ஈடுபட்டுள்ளது. செயின்ட் மார்க் அருகேயுள்ள தெற்கு ஆர்டிபோன்ட் பகுதியில் இக்குழு முகாமிட்டுள்ளது. இந்த தகவலை சுகாதார துறை டைரக்டர் ஜெனரல் டாக்டர் காபிரியேல் தி மோட் தெரிவித்துள்ளார்.

மாலை மலர்..

கார்த்திக் · கார்த்திக் Fri Oct 22, 2010 4:55 pm

அமெரிக்கா அருகேயுள்ள ஹைதி நாட்டில் காலராவுக்கு 140 பேர் பலி

அமெரிக்கா அருகேயுள்ள ஹைதி நாட்டில் காலராவுக்கு 140 பேர் பலி

Re: அமெரிக்கா அருகேயுள்ள ஹைதி நாட்டில் காலராவுக்கு 140 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக