சின்னச் சின்னக் கவிதைகள்

by **சிவா** Mon Aug 10, 2009 5:50 pm

1. காதலி

கனவினைக் கொல்
நீ
உத்தரவாய்ச் சொல்லி
உதறிப் போனாய்

நான்
இரவு இறக்கட்டும் - என
காத்திருக்கிறேன்

என் காதலியே...
ஒன்றோடும்
ஒட்டாது கிடக்கின்ற
வானத்துக்கு
வலி தெரியாது
உன்னைப் போல

2. இன்டர்வியூ

போட்டோ பூவில்
மோதியது பட்டாம்பூச்சி
வாய்ப்பற்ற இளைஞன்

3. மரம்

தன் நிழலில்
பரம் பேசப்பட்டது
வேர் சிரித்தது

என்னில் நீ...
கிணற்றுச் சுவரின்
இடுக்கு மண்ணில்
அடமாய் வளரும்
செடி

4. மன்னிக்கவும்

இயந்திரத்தின்
தலைமையில்
மலர்களின் ஊர்வலம்
மல்லாந்து கிடக்கிறது - என்
கவிதைக் காலம்

5. சந்தர்ப்பவாதி

பொட்டலத்திலிருந்து
எடுக்கையில்
தவறி விழுந்தது
காரத்துண்டு
பாய்ந்தது காக்கை
சட்டென பாடினான்
காக்கை குருவி
எங்கள் சாதி

6. தொலைந்தது...

வாழ்க்கைச் சந்தையில்
எங்கோ தொலைந்து போனது
என் அமைதியான முகம்

முன்பே தெரிந்திருந்தால்
புகைப்படம் எடுத்து
வைத்திருப்பேன்

- இரா. மதிபாலா

by ramesh.vait Mon Aug 10, 2009 6:14 pm

by இரா.மதிபாலா Sun Dec 16, 2012 12:44 pm

வெளியிட்டமைக்கு நன்றி..!...இரா.மதிபாலா...

by **கரூர் கவியன்பன்** Sun Dec 16, 2012 1:16 pm

கண்டிப்பாக தெலைப்பேசி எண் மற்றும் முகவரியை இணைக்கக்கூடாது .தங்களை முதலில் உறுப்பினர் அறிமுகப் பகுதியில் சென்று அறிமுகம் செய்து கொள்ளுங்கள் உறவுகளிடம்

by **Ahanya** Sun Dec 16, 2012 1:18 pm

உங்களை அறிமுகம் செய்து கொள்ளுங்கள் நண்பரே.

by அச்சலா Sun Dec 16, 2012 3:24 pm

இரா.மதிபாலா wrote:வெளியிட்டமைக்கு நன்றி..!...இரா.மதிபாலா...

அறிமுகம் செய்யுங்கள் நண்பா,... அன்பு மலர்

by இரா.மதிபாலா Sun Dec 16, 2012 10:38 pm

விரைவில்

by **ரா.ரா3275** Sun Dec 16, 2012 10:42 pm

இரா.மதிபாலா wrote:விரைவில்

சினிமா ரிலீஸ் மாதிரில்ல இருக்கு...

போட்டோ பூவில்
மோதியது பட்டாம்பூச்சி
வாய்ப்பற்ற இளைஞன்

.....மதிபாலா அவர்களின் இந்த கவிதை அருமை.

by THIYAAGOOHOOL Thu Jan 24, 2013 6:45 pm

சின்னச் சின்னக் கவிதைகள் படிக்கும் போது ஆனந்தம். மதிபாலாவுக்கு வாழ்த்துக்கள். ஒரே தலைப்பின் கீழ் அதிகமான நபர்கள் எழுதுவதில் மகிழ்ச்சி. ஒவ்வொரு வரியும் அழகு.