தமிழரின் படை-101

நிசாந்தன் · நிசாந்தன் Sat Oct 23, 2010 1:58 am

மேதகு பிரபாகரன் அவர்களால், ஆதரவற்றோர்களுக்காக செஞ்சோலை இல்லத்தை ஒக்ரோபர் 23,1991-ல் ஆரம்பிக்கப்பட்டது. பரந்தன்-முல்லைத்தீவு சாலையில் அமைந்திருக்கிறது. போரினால் தனது தந்தையையும் தாயையும் இழந்த குழந்தைகளைப் புலிகள் ஒரு முகாமில் வைத்து பராமரித்து வந்தனர். நாளுக்கு நாள் குழந்தைகளின் எண்ணிக்கை அதிகரித்துக் கொண்டே சென்றதால், அவர்களை பிரத்தியேகமாக கவனித்துக் கொள்ள ஒரு தனி அமைப்பு தேவைப்பட்டது. ஆகையால் செஞ்சோலை பூத்தது. போர்ச்சத்தங்களுக்கு மத்தியில் பிறந்து, வளர்ந்த சுமார் 400 குழந்தைகள் இங்கு பராமரிக்கப்பட்டனர். சிறப்பு கவனமும் பயிற்சியும் அவர்களுக்கு வழங்கப்பட்டது.

ஓகஸ்ட் 16,2006 அன்று நான்கு குண்டு வீசும் விமானங்கள் செஞ்சோலைக்கு மேலே வட்டமடிக்க ஆரம்பித்தன. பதினாறு குண்டுகள் வீசப்பட்டன. அவ்வளவுதான் அவர்கள் கொண்டு வந்திருந்தனர். மாணவ மாணவிகளுக்கு ஓடி ஒளிய கூட அவகாசம் கொடுக்கவில்லை. அள்ளிப்போட்டுக் கொண்டு மருத்துவமனைக்கு செல்வதற்குள் 61 சிறார்கள் இறந்து போனார்கள்.

ஒக்ரோபர் 16,2006 அன்று முல்லைத்தீவிலுள்ள காந்தரூபன் அறிவுச்சோலை மீது வான்வழித் தாக்குதல் தொடுத்தது சிங்கள விமானப்படை. திங்கள்கிழமை மாலை 5:45 மணிக்கு முதல் குண்டு வந்து விழுந்தது. விழுந்த இடம் குளியலறை. அடுத்த குண்டு மைதானத்தில். பல குழந்தைகள் சதை துணுக்களாகத் தான் கிடைத்தனர்

இறந்த குழந்தைகள் சாதாரன குழந்தைகள் கிடையாது. குழந்தைப்போராளிகள் என்றது சிங்கள இராணுவம்.

தமிழரின் படை-101

தமிழரின் படை-101

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக