தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

**சிவா** · **சிவா** Thu Oct 21, 2010 8:03 am

தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி: ஹசே சொல்கிறார்

தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி 00031268-8c0e-435e-be12-fb1b3f55ee65_S_secvpf

ஆஸ்திரேலிய கிரிக்கெட் அணி இந்திய அணியுடன் மோதிய 2 டெஸ்ட் போட்டிகளிலும் தோல்வியை சந்தித்தது. இதன் மூலம் ஆஸ்திரேலிய அணி உலக தரவரிசையில் 5-வது இடத்துக்கு சென்றது. இந்திய அணி முதல் இடத்தை தக்க வைத்து கொண்டது.

இது தொடர்பாக ஆஸ்திரேலிய முன்னணி வீரர் மைக் ஹசே கருத்து தெரிவித்துள்ளார். அவர் கூறியதாவது:-

கிரிக்கெட் அணி தரவரிசை பட்டியல் அணியின் உண்மையான பலத்தை வெளிக்காட்டுவது அல்ல. ஆஸ்திரேலிய தரவரிசையில் 5-வது இடத்தில் இருந்தாலும் ஆஸ்திரேலியா தான் இப் போதும் தலைசிறந்த அணியாக இருக்கிறது.

அடுத்து நடக்க இருக்கும் போட்டிகளில் இதை நிரூபித்து காட்டுவோம். ஒரே அணி தொடர்ந்து முதலிடத்தில் இருப்பது கடினம். ஆனாலும் நாங்கள் பலமான அணி என்பதை யாராலும் மறுக்க முடியாது.

அடுத்த ஆண்டு நாங்கள் பல்வேறு போட்டிகளை சந்திக்க உள்ளோம். இது அனைத்துமே எங்களின் முழு திறமையை வெளிப்படுத்த வாய்ப்பாக ஏற்படுத்தி தரும் என்று நம்புகிறோம்.

அடுத்த உலக கோப்பை போட்டி முடிந்ததும் நான் ஓய்வு பெறுவேன் என்று தகவல் வெளியானது தவறு. நான் இப்போது ஓய்வு பெறும் திட்டம் இல்லை. எனக்கு 35 வயது ஆகிறது.

தெண்டுல்கர் 37 வயதிலும் நன்றாக ஆடிக் கொண்டிருக்கிறார். ஸ்டீவ்வாக், ஹைடன் போன்றவர்கள் வயது ஆன பிறகும் நன்றாக ஆடினார்கள். எனவே நானும் இன்னும் அதிக காலம் விளையாடுவேன்.

என் மீது கேப்டன் ரிக்கி பாண்டிங்கும் பயிற்சியாளர்களும், தேர்வு குழுவினரும் மிகுந்த நம்பிக்கை வைத்துள்ளனர்.

இவ்வாறு அவர் கூறினார்.

மாலைமலர்!

balakarthik · balakarthik Thu Oct 21, 2010 10:14 am

குப்புற விழுந்தாலும் மீசையில மண்ணு ஓட்டலைங்கறது இதுதானோ எப்படியோ நெனப்பு பொழப்ப கெடுக்காம இருந்தா சரி

ரபீக் · ரபீக் Thu Oct 21, 2010 10:20 am

மீசைல மண்ணு ஒட்டலையோ? நானும் ரவுடின்னு வடிவேலு சொல்ற மாதிரி இருக்கு ,,,,,

**சிவா** · **சிவா** Thu Oct 21, 2010 10:22 am

balakarthik wrote:குப்புற விழுந்தாலும் மீசையில மண்ணு ஓட்டலைங்கறது இதுதானோ எப்படியோ நெனப்பு பொழப்ப கெடுக்காம இருந்தா சரி

அவங்களுக்குதான் மீசையே இல்லையே! பிறகு எப்படி மீசையில் மண் ஒட்டும்!

**அருண்** · **அருண்** Thu Oct 21, 2010 10:44 am

அடுத்த உலக கோப்பை போட்டி முடிந்ததும் நான் ஓய்வு பெறுவேன் என்று தகவல் வெளியானது தவறு. நான் இப்போது ஓய்வு பெறும் திட்டம் இல்லை. எனக்கு 35 வயது ஆகிறது.
எப்பதான் விலகுவிங்க.... ஜாலி

**சிவா** · **சிவா** Thu Oct 21, 2010 10:52 am

arun_vzp wrote:அடுத்த உலக கோப்பை போட்டி முடிந்ததும் நான் ஓய்வு பெறுவேன் என்று தகவல் வெளியானது தவறு. நான் இப்போது ஓய்வு பெறும் திட்டம் இல்லை. எனக்கு 35 வயது ஆகிறது.
எப்பதான் விலகுவிங்க....

எப்பொழுது நடக்க முடியாமல் தளர்ந்து போகிறாரோ அப்பொழுது நிச்சயம் ஓய்வு பெற்றுவிடுவார்!

**ராஜா** · **ராஜா** Thu Oct 21, 2010 11:17 am

சிவா wrote:
என் மீது கேப்டன் ரிக்கி பாண்டிங்கும் பயிற்சியாளர்களும், தேர்வு குழுவினரும் மிகுந்த நம்பிக்கை வைத்துள்ளனர்.

ரிக்கிக்கே இன்னும் கொஞ்ச நாளுல அல்வா கொடுக்க போரானுங்க , அவர் இவர் மேல் நம்பிக்கை வைதுருக்கிறாராமா , மகிழ்ச்சி

நல்ல காமெடி

Sponsored content · Sponsored content

தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

Re: தரவரிசையில் பின்தங்கி இருந்தாலும் ஆஸ்திரேலியாதான் சிறந்த டெஸ்ட் அணி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக