சவுதி இளவரசர் ஓரினச் சேர்க்கையாளர்: திடுக்கிடும் தகவல்

by நிசாந்தன் Thu 21 Oct 2010 - 2:44

கடந்த பெப்பிரவரி மாதம் லண்டனில் உள்ள பிரபல ஹோட்டலான லான் -மாக்கில் சவுதி இளவரசர் தங்கியிருந்த அதே அறையில் அவரின் பணியாளர் இறந்து கிடப்பது கண்டுபிடிக்கப்பட்டது. இதனை அடுத்து அங்கு தங்கியிருந்த சவுதி இளவரசரை பொலிசார் கைதுசெய்தனர். இதனால் சவுதி அரசாங்கத்திற்கும், பிரித்தானியாவுக்கும் இடையே ராஜதந்திர ரீதியாக பெரும் முறுகல் நிலைதோன்றியது யாவரும் அறிந்த பழைய கதை. அதைதொடர்ந்து, சவுதி இளவரசர், தனது பணியாளர் அதிக குடிபோதையிலேயே இறந்ததாகத் தெரிவித்தார். இருப்பினும் அவர் ஹோட்டல் லிஃப்டில் வைத்து பணியாளரை கடுமையாகத் தாக்கிய வீடியோக் காட்சிகளை பொலிசார் வெளியிட்டதை அடுத்து சவுதி இளவரசர் தாக்கியதில் கடுமையாகக் காயமடைந்தே அந்தப் பணியாளர் இறந்தார் என்பதை பிரித்தானிய பொலிசார் நிலைநாட்டினர்.

தற்போது இது தொடர்பான வழக்கு பிரித்தானியாவில் நடைபெற்று வருகிறது. இதில் சாட்சியமளித்த 2 ஆண் பாலியல் தொழிலாளிகள், சவுதி இளவரசர் ஒரு ஓரினச் சேர்க்கையாளர் எனத் தெரிவித்துள்ளனர். அவரோடு தாம் பணத்துக்காக உறவுகளைப் பேணிவந்ததாக அவர்கள் தெரிவித்துள்ளனர். சவுதி அரேபியா நாட்டில், ஆணும், ஆணும் உறவு வைத்துக்கொள்வது சட்டப்படி, குற்றமாகும் எனவும், இதற்காக மரணதண்டனை வழங்கப்பட அந்நாட்டில் வாய்ப்புகள் இருப்பதாகவும், பிரித்தானிய வழக்கறிஞர்கள் தெரிவித்துள்ளனர். அந்நாட்டின் இளவரசர் இவ்வாறு நடந்து கொள்வது எந்தவகையில் நியாயமானது எனவும் கேள்வி எழுப்பப்பட்டுள்ளது.

தாக்கப்பட்டு கொல்லப்பட்ட பணியாளர் உடலைப் பரிசோதித்த மருத்துவர்கள், அவர் பாலியல் ரீதியாகத் துன்புறுத்தப்பட்டுள்ளார் என்றும், சவுதி இளவரசர் அவரைத் தாக்கும்போது பல தடவை அவரின் ஆணுறுப்பிலும் தாக்கியுள்ளதாகவும் தனது அறிக்கையில் தெரிவித்துள்ளார்கள். தொடர்ந்தும் இவ் வழக்கு லண்டன் நீதிமன்றில் நடைபெற்றுவருகிறது. இதன் தீர்ப்பு வெகுவிரைவில் வெளியாகும்.

by Guest Thu 21 Oct 2010 - 2:53

சவுதி இளவரசர் ஓரினச் சேர்க்கையாளர்: திடுக்கிடும் தகவல்

சவுதி இளவரசர் ஓரினச் சேர்க்கையாளர்: திடுக்கிடும் தகவல்

Re: சவுதி இளவரசர் ஓரினச் சேர்க்கையாளர்: திடுக்கிடும் தகவல்