வீரமைந்தரும் விலைபோன சொந்தங்களும்

**kirikasan** · **kirikasan** Sun Oct 03, 2010 2:51 pm

துடித்தான் துடித்தது விருத்தன்தானோ
தூயதமிழ் வீரத்தின் தோற்றமன்றோ
அடித்தான் அடித்தவனும் அரசர்தூதோ
அடக்குமுறை அரசாளும் அரக்கர்பேயோ
குடித்தான் குடித்ததென்ன நீரைத்தானோ
கொலைசெய்த தமிழ்மைந்தர் குருதியன்றோ
நடித்தான் நடித்ததுமோர் நாட்டுகூத்தோ
நரபலியென்றே தமிழர் வெட்டுங் கூத்தோ

வடித்தசெங் குருதியுடன் விருத்தன் கண்டும்
வாழுநிலை உணராதார் குருடரன்றோ
குடித்த தமிழுயிர்கள்ஓர் கோடி என்றால்
கொன்றவரை குணமுள்ளேன் என்னலாமோ
படித்தசில பிறவிகளும் பலருமின்னும்
பக்கமெது புரியாமல் பகட்டுக்காடி
பிடித்த பிடி விடமாட்டோம் என்றே ஆடி
பெற்றமண் காசுக்கு விற்றல் நன்றோ

அண்ணனவன் தம்பிகளை நம்பித்தானே
ஆழநெடுங் காடுறைந்து அல்லல்பட்டான்
கண்ணிரண்டை நம்பியவர் கையால் குத்தி
காணாதகுருடரென ஆனாரன்றோ
வெண்ணைதான் திரண்டுவரும் நேரம்பார்த்து
விறகென்று வாழை மடல் வைத்தாரன்றோ
மண்ணாகிப் போனதடா மண்ணின்மீட்சி
மனிதனாடா இல்லைநீ மாக்கள்மேலாம்

மாடிமனை வாழுகின்றான் தமிழர்தம்பி
மனம்தானு முயர்ந்திருக்கும் என்றே தூயோன்
கோடிபணம்கொட்டிப் பொன் பார்த்தே நிற்க
கூட்டிமணல் பொன்னென்று கொடுத்தாரன்றோ
தேடிவரும் பகைமுடித்த தீரர்மைந்தர்
செத்தவுடல் மண் அள்ளிப் போட்டாரன்றோ
பேடிகளாய் பிறந்தவைகள் இமயம்போயும்
பெற்றமனம் சாக்கடையின் புழுக்கள்தானே!

**சிவா** · **சிவா** Sun Oct 03, 2010 3:11 pm

///பேடிகளாய் பிறந்தவைகள் இமயம்போயும்
பெற்றமனம் சாக்கடையின் புழுக்கள்தானே!///

இந்தப் படங்களைப் பார்த்துக் கண்கள் கலங்கிவிட்டது அண்ணா! இன்று உங்கள் கவிதையும் அதே உணர்வையும் ஏற்படுத்திவிட்டது!

**kirikasan** · **kirikasan** Sun Oct 03, 2010 3:20 pm

இன்னுமொன்று

இந்தப் படங்களில் காணும் கொடுமையை விட கொடுமை
நம்பிக்கை துரோகம் செய்தவர்களின் செயல்..அது இல்லையென்றால் இது இல்லை.

**சிவா** · **சிவா** Sun Oct 03, 2010 3:23 pm

kirikasan wrote:இன்னுமொன்று

இந்தப் படங்களில் காணும் கொடுமையை விட கொடுமை
நம்பிக்கை துரோகம் செய்தவர்களின் செயல்..அது இல்லையென்றால் இது இல்லை.

உண்மை அண்ணா!

முபிஸ் · முபிஸ் Sun Oct 03, 2010 5:26 pm

சோக வரிகளுடன் சோக காட்சி அருமையாக வடித்துள்ளீர்கள்

**kirikasan** · **kirikasan** Sun Oct 03, 2010 6:42 pm

முபிஸ் wrote:சோக வரிகளுடன் சோக காட்சி அருமையாக வடித்துள்ளீர்கள்

நடந்த கொடுமை கொஞ்சம் கொஞ்சமாக வெளியே வருகிறது, முபிஸ்.

youtube ல் war without witness என்று தேடிபாருங்கள் புதிய காணொளி உள்ளது

ப்ரியா · ப்ரியா Sun Oct 03, 2010 8:00 pm

வீழ்வது மீண்டும் எழுவதற்கே ..
திட்டமிட்டு படுகொலை செய்யப் பட்டார்கள் தமிழின வீரர்கள் ...
காலம் கருவறுக்கும் காலம் வெகு நாள் இல்லை நண்பா ...

சோகம்

Thanjaavooraan · Thanjaavooraan Wed Oct 27, 2010 12:21 pm

அருமையான கவிதை வரிகள்.

**kirikasan** · **kirikasan** Wed Oct 27, 2010 1:43 pm

அன்புடன் தஞ்சாவூரான் நண்பருக்கு

ஒட்டு மொத்தமாக எல்லாக் கவிகளுக்கும் இன்று இட்ட
பாராட்டுகளுக்கு இங்கேயே நன்றி கூறிவிடுகிறேன்
அன்பான நன்றிகள் !

Sponsored content · Sponsored content

வீரமைந்தரும் விலைபோன சொந்தங்களும்

வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

Re: வீரமைந்தரும் விலைபோன சொந்தங்களும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக