ஆயிரம் மீட்டர் உயரத்தில் கயிற்றில் நடந்து சாதனை !

கார்த்திக் · கார்த்திக் Wed Oct 20, 2010 5:47 pm

ஆயிரம் மீட்டர் உயரத்தில் கயிற்றில் நடந்து சாதனை ! E_1287049956

செங்குத்தான இரண்டு மலை பாறைகள். கீழே அதல பாதாளம். இந்த பாறைகளுக்கு இடையே ஆயிரம் மீட்டர் உயரத்தில் கயிற்றின் மேல் நடந்து சாதனை படைத்துள்ளார் ஒருவர்.

அவர் பெயர், ஹெயின்ஸ் சாக். ஆஸ்திரியா நாட்டைச் சேர்ந்தவர். உயிரை பணயம் வைத்து, உயரமான கட்டடங்கள், பாலங்கள் மீது நடப்பதுதான் இவரது பொழுதுபோக்கு. கரணம் தப்பினால் மரணம் என இவரை பலமுறை இவர் நண்பர்கள் எச்சரித் தும், அதை பொருட்படுத்தாமல், தனி ஆளாக உயரமான இடங்களில் நடந்து சாதனை செய்து வருகிறார். இவரது சமீபத்திய சாதனை அமெரிக்காவில் நடந்தது. கலிபோர்னியாவில் யோஸ்மைட் தேசிய பூங்கா உள்ளது. அடர்ந்த காடு, உயரமான மலைகள், ஆழமான பள்ளத்தாக்கு என ஆபத்து நிறைந்த இந்த பூங்காவில் உயரமான மலைகளுக்கு இடையே இவர் கயிற்றின் மேல் நடந்தார். இதற்காக இரண்டு மலை பாறைகளை இணைத்து 173 மீட்டர் தூரத்திற்கு கயிறு கட்டப்பட்டது.

அந்த கயிற்றின் மேல், ஒரு முனையில் இருந்து இன்னொரு முனைக்கு மெதுவாக நடந்தார். இந்த நிகழ்ச்சியை நேரில் பார்த்தவர்கள் அப்படியே அசந்து போய் நின்றனர். இவர், அந்த கயிறு கட்டிய இடத்திற்கும் கயிற்றை பிடித்தபடியேதான் மேலே ஏறினார் என்பதும் குறிப்பிடத்தக்கது. ஹெயின்ஸ்சிற்கு இப்போது வயது 51. இதற்கு முன் செக்கோஸ்லோவாகியா, ஜெர்மனி, இத்தாலி போன்ற நாடுகளிலும் இது போல் உயரமான இடங்களின் மேல் நடந்து சாதனை படைத்துள்ளார்.

இந்த சாதனை குறித்து ஹெயின்ஸ் கூறியதாவது:

உயரமான இடங்களின் மேல் நடக்க ஆரம்பிக்கும் போது, நான் என்னையே மறந்து விடுவேன். நீங்கள் வேறு ஏதாவது ஒன்றைப் பற்றி சிந்திக்க ஆரம்பித்தால் அது, மரணத்திற்குத்தான் சமம். அடுத்த அடியை எப்படி எடுத்து வைக்க வேண்டும் என்பது பற்றிய சிந்தனை மட்டுமே இருக்க வேண்டும். இதுதான் என் வெற்றியின் ரகசியம். இவ்வாறு ஹெயின்ஸ் கூறினார். “இந்த ரகசியம், உயரமான இடங்களில் நடப்பதற்கு மட்டுமல்ல, தினமும் எல்லார் வாழ்க்கைக்கும் பொருந்தும்!’ என, இந்த சாதனையை பார்க்க கூடியிருந்த நிருபர்கள் கூறினர்.

**உமா** · **உமா** Wed Oct 20, 2010 5:53 pm

இது அவருக்கு சாதனை.... மகிழ்ச்சி

பார்ப்பவருக்கோ வேதனை.... சோகம்

balakarthik · balakarthik Wed Oct 20, 2010 6:05 pm

உயரமான இடங்களின் மேல் நடக்க ஆரம்பிக்கும் போது, நான் என்னையே மறந்து விடுவேன். நீங்கள் வேறு ஏதாவது ஒன்றைப் பற்றி சிந்திக்க ஆரம்பித்தால் அது, மரணத்திற்குத்தான் சமம். அடுத்த அடியை எப்படி எடுத்து வைக்க வேண்டும் என்பது பற்றிய சிந்தனை மட்டுமே இருக்க வேண்டும். இதுதான் என் வெற்றியின் ரகசியம்.

சோக்கா சொன்னாருப்பா மகிழ்ச்சி