பொது அறிவு - உயிரியல்

**சிவா** · **சிவா** Wed Oct 20, 2010 3:15 pm

First topic message reminder :

-

பொது அறிவு உயிரியல்

மனித உடலில் மொத்த எலும்புகள் 206.

மனித உடலில் மொத்த தசைகள் 639.

மனித உடலில் மிகப்பெரிய எலும்பு தொடை எலும்பு.

மனித உடலில் மிகச் சிறிய எலும்பு ஸ்டேப்ஸ்.

காதில் உள்ள மூன்று எலும்புகள் மாலியஸ், இன்கஸ், ஸ்டேப்ஸ்.

காதில் உள்ள திரவங்கள் பெரிலிம்ப், என்டோலிம்ப்.

சமநிலையைக் கட்டுப்படுத்துவது வெஸ்டிபுலர் ஆர்கன்.

வெப்பநிலையைக் கட்டுப்படுத்துவது ஹைப்போதலாமஸ்.

கடினமான பகுதி பல் எனாமல்.

கடினமான எலும்பு Mandible.

மூளையிலுள்ள திரவம் செரிபரோ ஸ்பைனல் திரவம்.

மூளையைச் சுற்றியுள்ள உறையின் பெயர் மெனின்ஜெஸ்.

தோலிலுள்ள நிறமி மெலனின்.

விலா எலும்புகள் எண்ணிக்கை 12 ஜோடிகள்.

தண்டுவடத்திலுள்ள எலும்புகள் எண்ணிக்கை 33.

நுரையீரலைச் சுற்றியுள்ள உறை புளூரா.

இதயத்தைச் சுற்றியுள்ள உறை பெரிகார்டியம்.

அனிச்சை செயலைக் கட்டுப்படுத்துவது தண்டுவடம்.

கபால நரம்புகளின் எண்ணிக்கை 12 ஜோடி.

தண்டுவட நரம்புகளின் எண்ணிக்கை 31 ஜோடி.

இதயம் துடிப்பது நிமிடத்துக்குச் சராசரியாக 72 முறை.

இதயத்தின் மேல் அறைகளின் பெயர் ஆரிக்கிள்.

இதயத்தின் கீழ் அறைகளின் பெயர் வெண்டிரிக்கிள்.

இதயத்தில் வலது அறைகளில் அசுத்த ரத்தம் உள்ளது.

இதயத்தில் இடது அறைகளில் சுத்த ரத்தம் உள்ளது.

நம் உடம்பிலுள்ள ரத்தக் குழாய்களிலேயே மிகப் பெரியது மகா தமனி.

மகா தமனி, நுரையீரல் சிரை ஆகியவற்றை மூடித் திறப்பது அரை லூனார் வால்வு.

இடது ஆரிக்கிள், இடது வெண்டிரிக்கிள் இவற்றுக்கிடையே உள்ளது ஈரிதழ் வால்வு.

வலது ஆரிக்கிள், வலது வெண்டிரிக்கிள் இடையே உள்ளது மூவிதழ் வால்வு.

இதயத்துக்கு ரத்தம் சப்ளை செய்பவை கரோனரி தமனிகள்.

லப்டப் என்ற ஓசை இதயத் துடிப்பைக் காட்டுகிறது.

மேற்பெருஞ்சிரை (Superior Vena Cava), கீழ்ப்பெருஞ்சிரை (Inferior Vena Cava) இரண்டும் வலது ஆரிக்கிளுக்கு அசுத்த ரத்தத்தைக் கொண்டு வருகின்றன.

இதயத்திலிருந்து ரத்தத்தை மற்ற பாகங்களுக்கு எடுத்துச் செல்லும் ரத்தக்குழாய்கள் தமனிகள்.

மற்ற பாகங்களிலிருந்து இதயத்துக்கு ரத்தத்தை எடுத்து வருபவை சிரைகள்.

நுரையீரல் தமனியைத் தவிர, மற்ற தமனிகள் சுத்த ரத்தத்தை எடுத்துச் செல்லும்.

நுரையீரல் சிரையைத் தவிர, மற்ற சிரைகள் அசுத்த ரத்தத்தை எடுத்துச் செல்லும்.

நுரையீரல் தமனி வலது வெண்டிரிகிளிலிருந்து அசுத்த ரத்தத்தை நுரையீரலுக்கு எடுத்துச் செல்கிறது.

சுத்த ரத்தம் நுரையீரல் சிரை வழியே இடது ஆரிக்கிளுக்கு வருகிறது.

ஈரிதழ் வால்வு திறக்கும்போது ரத்தம், இடது ஆரிக்கிளில் இருந்து இடது வெண்டிரிக்கிளுக்குச் செல்கிறது.

இடது வெண்டிரிக்கிளில் இருந்து சுத்த ரத்தம் மகாதமனி (Aorta) மூலம் உடலின் பல பாகங்களுக்குச் செல்கிறது.

இதயத்துடிப்பை அறிய உதவும் ஸ்டெதாஸ்கோப்பைக் கண்டுபிடித்தவர் ரானோலெய்னக்.

பற்களின் எண்ணிக்கை 32.

வெட்டுப்பற்கள் 4 ஜோடி.

கோரைப்பற்கள் 2 ஜோடி.

முன் கடவாய் பற்கள் 4 ஜோடி.

பின் கடவாய் பற்கள் 6 ஜோடி.

சுரப்பிகளில் பெரியது கல்லீரல்.

என்சைம்களைச் சுரப்பவை நாளமுள்ள சுரப்பிகள்.

ஹார்மோன்களைச் சுரப்பவை நாளமில்லாச் சுரப்பிகள்.

பிட்யூட்டரி சுரப்பியே 'தலைமைச் சுரப்பி'.

அட்ரினல் சுரப்பி சிறுநீரகங்களுக்கு மேலே அமைந்துள்ளது.

மற்ற சுரப்பிகளைத் தூண்டும் ‘Tropic Hormone’ களைச் சுரப்பது பிட்யூட்டரி.

அட்ரினலின் ஹார்மோன்தான் ‘Fight or Flight Hormone’.

அவசர காலங்களில் சுரப்பது அட்ரினலின்.

பால் சுரக்க காரணம் ஆக்ஸிடோஸின்.

வளர்ச்சி ஹார்மோன் பிட்யூட்டரியால் சுரக்கப்படுகிறது.

சிறுநீர் கழிதலைக் கட்டுப்படுத்தும் ஹார்மோன் 'வாஸோபிரஸ்ஸின்'.

வயிற்றில் சுரப்பது ஹைட்ரோகுளோரிக் அமிலம்.

உமிழ்நீரில் உள்ள என்சைம் டயலின்.

ஸ்டார்ச் செரிக்க டயலின் என்சைம் உதவுகிறது.

கொழுப்பைச் செரிக்கத் தேவையான பித்த நீரை கல்லீரல் சுரக்கிறது.

பெப்சின், ரெனின் என்சைம்கள் புரதத்தைச் செரிக்கின்றன.

புரதங்கள், அமினோ அமிலங்களால் ஆனவை.

உணவிலுள்ள நச்சுக்களை நீக்கும் பணியை கல்லீரல் செய்கிறது.

மது அருந்துபவர்களுக்கு கல்லீரல் பழுதடைகிறது.

சிறுமூளை பாதிக்கப்படுவதால் குடிகாரர்கள் தள்ளாடுகின்றனர்.

கல்லீரல் அழற்சியே 'ஹெபடைடிஸ்'.

சிறுநீரகம் பழுதடைந்தவர்களின் கழிவு நீக்கத்துக்கு டயலிஸிஸ் முறை உதவுகிறது.

சிறுநீரகத்தின் அலகுகள் நெப்ரான்கள்.

மனித உடம்பிலுள்ள செல்களிலேயே மிகப்பெரியது நியூரான் (நரம்பு செல்).

செல்களின் ஆற்றல் சாலைகள் எனப்படுபவை 'மைட்டோ காண்டிரியாக்கள்'.

ரைபோசோம்கள் 'புரத சாலைகள்'.

லைசோசோம்கள் 'தற்கொலைப் பைகள்' .

ரத்த ஓட்டத்தைக் கண்டுபிடித்தவர் வில்லியம் ஹார்வி.

ரத்த வகைகளைக் கண்டுபிடித்தவர் கார்ல்லான்ட் ஸ்டீனர்.

நான்கு ரத்த வகைகள் A, B, AB, O.

ரத்தத்திலுள்ள Rh Factor முதன் முதலாக Rhesus குரங்கில் கண்டுபிடிக்கப்பட்டது.

ரத்தத்தில் Rh காரணி இருந்தால், அவர்களுக்கு பாசிடிவ் ரத்த வகை.

Rh காரணி இல்லாத ரத்த வகை, நெகடிவ்.

சராசரி எடையுள்ள மனித உடலில் ரத்த அளவு சுமார் 5 லிட்டர்கள்.

பிளாஸ்மா மற்றும் ரத்த செல்களால் ஆனது ரத்தம்.

ரத்தத்தின் திரவப்பகுதி பிளாஸ்மா (Plasma).

ரத்த சிவப்பணு (RBC), ரத்த வெள்ளையணு (WBC), ரத்தத் தட்டுகள் (Platelets) ஆகியவை ரத்த செல்களாகும்.

ரத்தச் சிவப்பணுவினுள் ஹீமோகுளோபின் காணப்படுகிறது.

ரத்தத்துக்குச் சிவப்பு நிறத்தைக் கொடுப்பது ஹீமோகுளோபின்.

ரத்தச் சிவப்பணு அல்லது ஹீமோகுளோபின் குறைவதை 'அனீமியா' என்கிறோம்.

ரத்தச் சிவப்பு அணுக்களின் சராசரி வாழ்நாள் 120 நாட்கள்.

ரத்தச் சிவப்பணுக்களின் எண்ணிக்கை 56 மில்லியன் ஆகும்.

ரத்தச் சிவப்பணுக்களின் சுவர்களில் ஆண்டிஜென்கள் காணப்படுகின்றன.

ரத்தச் சிவப்பணுவில் A, B என இரண்டு வகை ஆண்டிஜென்கள் காணப்படும்.

‘A’ ஆண்டிஜென் பெற்றவரின் ரத்த வகை ‘A’.

‘B’ ஆண்டிஜென் பெற்றவரின் ரத்த வகை ‘B’.

ஒருவர் ‘A, ‘B’ ஆகிய ஆண்டிஜென்களையும் பெற்றிருப்பின், அவர் ‘AB’ வகை உடையவர்.

ஒருவர் ‘A’, ‘B’ ஆகிய இரு ஆண்டிஜென்களையுமே பெறவில்லை எனில், அவரது ரத்த வகை ‘O’.

பிளாஸ்மாவில் இருக்கும் பொருள் 'ஆண்டிபாடி'.

‘A’ ரத்தவகை பிளாஸ்மாவில் ‘B’ ஆண்டிபாடி இருக்கும்.

‘B’ ரத்த வகை பிளாஸ்மாவில் உள்ளது ‘A’ ஆண்டிபாடி.

‘AB’ ரத்த வகையுடையவர் பிளாஸ்மாவில் ஆண்டிபாடிகள் இருக்காது.

‘O’ ரத்த வகையுடையவர் பிளாஸ்மாவில் ‘A’, ‘B’ ஆகிய இரு ஆண்டிபாடிகளும் இருக்கும்.

ரத்த மாற்றம் செய்கையில் ஆண்டிஜென்கள், ஆண்டிபாடிகள் பொருந்த வேண்டும்.

'O' ரத்த வகைக்காரர் ரத்தத்தில் ஆண்டிஜென்களே இல்லாததால், அவர் யாருக்கு வேண்டுமானாலும் அளிக்கலாம்.

‘AB’ ரத்த வகைக்காரர் ரத்தத்தில் ‘A’, ‘B’ ஆண்டிஜென்கள் இருப்பதால், அவர் யாரிடமிருந்து வேண்டுமானாலும் ரத்தம் பெறலாம்.

சாந்தன் · சாந்தன் Wed Oct 20, 2010 6:14 pm

ஆகா அருமை அருமை
மிக்க நன்றி அண்ணா இத்தனை தகவல்களை கொடுத்தமைக்கு

அன்பு தளபதி · அன்பு தளபதி Wed Oct 20, 2010 9:11 pm

பாக்கெட் அகராதி நன்றிண்ணே சூப்பர்

**T.N.Balasubramanian** · **T.N.Balasubramanian** Wed Oct 20, 2010 9:25 pm

அருமையான தகவல்கள். நன்றி.
ஒரு சந்தேகத்தை தீர்க்கவும், சிவா அவர்களே.!
கணவன் ,மனைவி ,A பிரிவு ரத்தம் ஒருவருக்கு, B பிரிவு ரத்தம் மற்றவருக்கு. இவர்களுக்கு பிறக்கும் சந்ததி A பிரிவிலோ அல்லது B பிரிவிலோ அல்லது AB பிரிவிலோ தான் இருக்க வேண்டுமா? o பிரிவில் இருக்கலாமா? என்ன?

ரமணீயன்.

**சிவா** · **சிவா** Wed Oct 20, 2010 10:40 pm

T.N.Balasubramanian wrote:அருமையான தகவல்கள். நன்றி.
ஒரு சந்தேகத்தை தீர்க்கவும், சிவா அவர்களே.!
கணவன் ,மனைவி ,A பிரிவு ரத்தம் ஒருவருக்கு, B பிரிவு ரத்தம் மற்றவருக்கு. இவர்களுக்கு பிறக்கும் சந்ததி A பிரிவிலோ அல்லது B பிரிவிலோ அல்லது AB பிரிவிலோ தான் இருக்க வேண்டுமா? o பிரிவில் இருக்கலாமா?
ரமணீயன்.

உங்களின் கேள்விக்கான பதில் இதோ!

பெற்றோரின் இரத்த வகை!	குழந்தையின் இரத்த வகைகள்!	குழந்தைக்கு வர வாய்ப்பில்லாதவைகள்!
A மற்றும் A	A, O	B, AB
A மற்றும் B	A, B, AB, O	------
A மற்றும் AB	A, B, AB	O
A மற்றும் O	A, O	B, AB
B மற்றும் B	B, O	A, AB
B மற்றும் AB	A, B, AB	O
B மற்றும் O	B, O	A, AB
AB மற்றும் AB	A, B, AB	O
AB மற்றும் O	A, B	AB, O
O மற்றும் O	O	A, B, AB

**T.N.Balasubramanian** · **T.N.Balasubramanian** Wed Oct 20, 2010 10:57 pm

நன்றி,சிவா.

ரமணீயன்.

**சிவா** · **சிவா** Thu Oct 21, 2010 12:06 am

T.N.Balasubramanian wrote:நன்றி,சிவா.

ரமணீயன்.

நன்றி மட்டும்தானா? பீஸ் எங்கே? பொது அறிவு - உயிரியல் - Page 2 102564

அப்புகுட்டி · அப்புகுட்டி Thu Oct 21, 2010 12:16 am

உங்கள் சேவைக்கு பீஸ் தரத்தொடங்கினால் மலேசியாவுக்கே நீங்கள் விலை பேசி விடுவீர்கள் அதனால் இவ்வாறே நடக்கட்டும்

அன்பு நன்றிகள் அண்ணா விபரமான தகவலுக்கு நன்றி முத்தம்

Guest · Guest Thu Oct 21, 2010 1:41 am

இதில் ஏதோ ஒரு வகை ரத்த சேர்க்கைகு குழந்தைபெற வாய்ப்பில்லை என்று படித்த விசயம். அது சரியா சிவா அண்ணா

**சிவா** · **சிவா** Thu Oct 21, 2010 1:47 am

உதுமான் மைதீன். wrote:இதில் ஏதோ ஒரு வகை ரத்த சேர்க்கைகு குழந்தைபெற வாய்ப்பில்லை என்று படித்த விசயம். அது சரியா சிவா அண்ணா

இருவருக்கும் ’O’ பாசிடிவ் இரத்தவகையாக இருந்தால் குழந்தை பிறக்காது எனக் கூறுவார்கள், ஆனால் அது உண்மையல்ல!

Guest · Guest Thu Oct 21, 2010 2:00 am

ஓஹோ., மிகச் சிறந்த பதிவு சிவா அண்ணா. எவ்வளவு விசயங்கள்/ தெரிந்துள்ளீர்கள். சல்யூட்
பொது அறிவு - உயிரியல் - Page 2 79996352

Sponsored content · Sponsored content

பொது அறிவு - உயிரியல்

பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

Re: பொது அறிவு - உயிரியல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக