புன்னகைத்த பாசி மணி மாலை

**மு.வித்யாசன்** · 19/03/2010

First topic message reminder :

சுட்டேறிக்கும் சூரியன் அகல விழித்திருக்கும்
மதிய வேளை...

பரபரப்பாக பறந்து கொண்டிருக்கும்
நெடுஞ்சாலை...

நரைத்த தாடி,முடி, தள்ளாடியபடி
துவண்டு வந்தார் முதியவர் கவலை கோடி...

கண்கள் நிறைய பசியோடு
கையிலோ பாசி மணி ஜெலித்த மாலையோடு...

அருகில் வந்தார்...
அசைய முடியாத நிலை
உதடுகள் உலர்ந்தபடி உதிர்த்தார்
பசிக்கிறது வாங்கிக் கொள்ளுங்கள் என்று...

சட்டை பையை பார்த்தேன்
20 ரூபாய் சிரித்தது
இதயத்தை பார்த்தேன்
ஈரம் கசிந்தது...

மனமில்லாது நகர்ந்து சென்றேன்
மறு படியும், மறு படியும்
பசியில் பினைந்த முகம் எனக்குள்
பதிந்து வாட்டியது...

வயதை தொலைத்தாலும் வயிராக்கியத்தை
தோள்களில் சுமந்து பிச்சை எடுக்காது
உழைத்து வாழும் அவரை நினைத்து உதவிட
தேடியது வழிகளில் வழிந்தபடி விழிகள்...

மறைந்து விட்டாரோ? கரைந்து விட்டாரோ?
பசியால் மயங்கி விட்டாரோ ? என்று பதைத்தது மனம்
பரிதவித்தேன் பார்ப்பேனோ என்று...

நான்கு திசைகளிலும் வீசி பறந்தது கண்கள்
கண்டேன், கண்டேன் நெடுஞ் சாலையை
கடப்பதை உணர்ந்து கொண்டேன்...

காற்றென விரைந்தேன்
கண நேரத்தில் அவர் கண் எதிரே தோன்றினேன்
சற்று முன் பார்த்த நினைவின்றி, ஏக்கதோடு உதடுகளை அசைத்தார்...

விலை என்ன ? கேட்டேன்
சட்டை பையில் இருந்ததை உரைத்தார்
சரமாக நான்கு மாலையை காண்பித்தார்...

சட்டென பட்டது கண்ணில் ஒரு மாலை
பட்டென பறந்து வந்தது என் கைகளில் பாசி மணி
மொட்டென மலர்ந்தது அவரிடம் அந்த குறந்த தொகை...

பசி விட்டு போனது அவரது பால் முகத்தில்
பளிச்சென்று புன்னகைத்தது என் கைகளில்
பாசி மணி மாலை !!

அன்பு தளபதி · அன்பு தளபதி Wed 20 Oct 2010 - 21:47

வித்யா நான் சும்மா விளையாட்டுக்கு சொன்னேன்ப்பா உங்கள் கவிதைகளை எப்போதும் பதிவிட்ட உடன் படித்து விடுவேன் பின்னூட்டம் இயன்றவரையில் தந்து விடுவேன் கவிதை நன்றாக இருக்கிறது

**T.N.Balasubramanian** · **T.N.Balasubramanian** Thu 21 Oct 2010 - 0:40

வித்யாசமாக இருந்தது க(வி)தை.
உருக்கத்துடன் நெருக்கத்தை இணைத்து,
உருவாக்கியது உணர்வை.
வாழ்த்துக்கள், வித்யா. அன்பு மலர்

ரமணீயன்.

Sponsored content · Sponsored content

புன்னகைத்த பாசி மணி மாலை

புன்னகைத்த பாசி மணி மாலை

Re: புன்னகைத்த பாசி மணி மாலை

Re: புன்னகைத்த பாசி மணி மாலை

Re: புன்னகைத்த பாசி மணி மாலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக