செல்வராகவன் மீது கோபமா? சோனியா அகர்வால் பதில்!

பூஜிதா · பூஜிதா Thu Oct 28, 2010 11:50 am

எனது முன்னாள் கணவர் செல்வராகவன் மீது எனக்கு இப்போது எந்த ‌கோபமும் கிடையாது. நான் சந்தோஷமாகத்தான் இருக்கிறேன் என்று நடிகை சோனியா அகர்வால் கூறியுள்ளார். காதல் கொண்டேன் படம் மூலம் தமிழ் சினிமாவுக்கு அறிமுகமானவர் நடிகை சோனியா அகர்வால். அந்த படத்தை இயக்கிய டைரக்டர் செல்வராகவனும், சோனியாவும் 4 ஆண்டுகளாக காதலித்து 2006ம் ஆண்டு திருமணம் செய்து கொண்டனர். திருமணத்திற்கு பிறகு சுமூகமாக குடும்பம் நடத்தி வந்த தம்பதிகள் இடையே நடிகை ஆண்ட்ரியா நுழைந்தார்.

செல்வராகவன் இயக்கத்தில் ஆயிரத்தின் ஒருவன் படத்தின் நாயகிகளில் ஒருவராக நடித்த ஆண்ட்ரியாவும், செல்வாவும் நெருங்கி பழகியதால் சோனியா - செல்வா இடையே மோதல் ஏற்பட்டது. இருவரும் கருத்து வேறுபாடு காரணமாக பரஸ்பர விவாகரத்து கேட்டு, சட்டப்படி பிரிந்து விட்டனர். விவாகரத்துக்கு பிறகு மீண்டும் சினிமாவில் நடிக்க ஆர்வமாக களம் இறங்கியிருக்கும் சோனியாவிடம், விவாகரத்து வாழ்க்கை பற்றி அளித்துள்ள பேட்டியில், நான் இப்போது சந்தோஷமாகத்தான் இருக்கிறேன். என் முன்னாள் கணவர் மீது எனக்கு எந்த கோபமும் இல்லை. பொதுவாகவே விவாகரத்துக்குப் பிறகு முன்னாள் கணவனையும், மனைவியும் எதிரிகள் போல முறைத்துக் கொண்டு செல்கின்றனர். இது அவரவர் மனநிலையைப் பொறுத்தது. எனது முன்னாள் கணவரை எங்காவது பார்க்க நேர்ந்தால் நிச்சயம் கோபப்பட மாட்டேன். இனி கோபப்பட என்ன இருக்கிறது. அப்படி நடந்து கொள்ள அவசியம்தான் என்ன? ஒரு வேளை நானும் அவரும் சந்தித்துக் கொண்டால், அவருடன் கை குலுக்கிவிட்டு ஒரு புன்னகையுடன் கடந்து செல்லவே விரும்புகிறேன், என்று கூறியிருக்கிறார்.