விரல் ரேகைகளின் பல்வேறு தோற்றங்கள்

கார்த்திக் · கார்த்திக் Mon Oct 18, 2010 1:33 pm

இதை நம்புவதும் நம்பாததும் உங்கள் விருப்பம். ஆனால் இது பற்றி ஆய்வுகள் செய்து எழுதியிருப்பவர் சாதாரண நபரல்ல. தமிழகக் காவல்துறையின் தடயவியல் துறையில் துணைக் கண்காணிப்பாளராகப் பணியாற்றி ஓய்வு பெற்ற, முப்பத்தேழாண்டு காலக் காவல்துறை அனுபவத்தைக் கொண்ட, பல்வேறு சிக்கலான வழக்குகளில் உண்மையான குற்றவாளியைக் கண்டுபிடிக்க உதவியாக இருந்த, பல்வேறு அமைப்புகளால் பாராட்டி கௌரவிக்கப் பெற்ற சாதனையாளர் திரு ஏ.எம். பத்மனாபன் அவர்கள். அவர் FINGER PRINT IS A REPLICA OF RELEIGION AND GOD என்ற அற்புதமான ஆய்வு நூலை எழுதியிருக்கிறார். அதிலிருந்து ஒரு சிறு பகுதிதான் இது.
விரல் ரேகைகளின் பல்வேறு தோற்றங்கள் Rekaikal

விரல் ரேகைகளின் பல்வேறு தோற்றங்கள் Rekaikal

இது போன்ற இன்னும் பல சுவையான தகவல்கள் அந்நூலில் உள்ளன. உதாரணமாக,

1. விரல்ரேகையில் மொத்தம் 10 வகையான உட்பிரிவுகள் வரை இருக்கின்றன.

2. இரண்டு விரல்ரேகைகள் ஒரேமாதிரி இருப்பதற்கான சாத்தியக்கூறுகளே இல்லை.

3. விரல்ரேகையில், சுழி, வளைந்த சுழி, நீள்வட்டம், இரட்டை நீள்வட்டம், குறுக்கு வட்டம் எனப் பற்பல வகைகள் உள்ளன.

4. விரல் ரேகை அமைப்பில் திருநீறு, திருமண், சக்கரம், ஓம், சிலுவை, பிறைச்சந்திரன் போன்ற இறைச்சின்னங்கள் மட்டுமல்ல; மனித முகம், பறவைகள், போன்ற சின்னங்களும் சில ஆங்கில எழுத்துகளும் கூடக் காணப்படுகின்றன. என்று பல சுவையான தகவல்களை அவர் அந்நூலில் தெரிவித்துள்ளார்.

அது தவிர விரல் ரேகை அறிவியல் துறையில் மிகச் சிறப்பான நூல்கள் பலவற்றையும் அவர் எழுதியிருக்கிறார். குறிப்பாக ‘காவல்துறையில் விரல் ரேகையின் பயன்பாடு’ என்ற அவரது நூல் குறிப்பிடத்தக்கது.