திருமங்கலத்தில் முதுமக்கள் தாழி கண்டெடுக்கப்பட்டது

நிசாந்தன் · நிசாந்தன் Mon Oct 18, 2010 11:08 am

மணல்மேடு அருகில திருமங்கலம் மேல்நிலைப் பள்ளியில் முதுமக்கள் தாழி கண்டெடுக்கப்பட்டது.

நாகை மாவட்ட மணல்மேடு அருகே திருமங்கலம் அரசு மேல்நிலைப் பள்ளியில் புதிய வகுப்பறைகள் கட்டும் பணிகளுக்காக அடித்தளம் தோண்டப்பட்டு வருகிறது. அப்போது பணி மேற்பார்வையாளர் செந்தில், பணியாளர் மணிகண்டன் மற்றும் அவரது குழுவினர் அடித்தளத்திற்காக தோண்டப்பட்ட பள்ளத்தில் பெரிய பானை ஒன்று இருப்பதைப் பார்த்தனர். இது குறித்து மயிலாடுதுறை தாசில்தாருக்கு தகவல் தெரிவிக்கப்பட்டது.

அங்கு விரைந்து வந்த தாசில்தார் மாலா, தரங்கம்பாடி தொல்லியல்துறை டேனிஷ் கோட்டை காப்பாட்சியர் முத்துசாமி ஆகியோர் பானையை ஆய்வு செய்தனர். பின்னர் காப்பாட்சியர் முத்துசாமி நிறுபர்களிடம் கூறுவதாவது :

பள்ளியில் கண்டெடுக்கப்பட்ட பானை முதுமக்கள் தாழி ஆகும். 2500 ஆண்டுகளுக்கு முந்தைய பெருங்கற்காலத்தை சேர்ந்த பழமை வாய்ந்ததாகும். இதற்கு கிராமப்புற பகுதிகளில் ‘மதமதக்குசால்’ என்ற பெயர் வழக்கத்தில் உள்ளது.

திருமங்கலம் ஊராட்சி செஞ்சி என்ற இப்பகுதியில் அரண்மனைத் தெரு இருந்துள்ளது. தாழியில் 2 சிறிய கத்திகள் இருப்பதால் இப்பகுதியை ஆண்ட மன்னரின் படைத்தளபதியின் தாழியாக இது இருக்கக்கூடும். இந்த தாழி 4.5 அடி உயரம் 1.5 அடி விட்டம், 3 அடி சுற்றளவு கொண்டதாக உள்ளது. இந்த தாழியில் உணவுக்கென மூன்று குடுவைகள், ஐந்து லிட்டர் தண்ணீர் கலயம், ஐந்து உணவு தானியக் கிண்ணங்கள் உள்ளது.
மேலும் உடைந்த மண்டை ஓடு, 15க்கும் அதிகமான எழும்புகள் காணப்படுகின்றன. அக்காலத்தில் வாழ்ந்தவர்களுக்கு சத்தான உணவு, சுத்தமான காற்று, மாசற்ற நீர் ஆகியவை கிடைத்ததால் எவ்வித நோய்த் தாக்குதல் இல்லாமல் இறப்பின்றி நூற்றாண்டைக் கடந்து வாழ்ந்துள்ளனர். முதுமை தாக்கத்தால் உடம் குறுகி, கண், காது மற்றும் மூளை செயலிழந்து எவ்வித செயல்பாடும் இல்லாமல் உயிருடன் இருப்பார்கள் என்றும் அவர்களைத் தாழியில் வைத்து புதைத்துவிடுவதாகவும் கூறுவது உண்டு.

இவ்வாறு அவர் தெரிவித்தார்.

**ராஜா** · **ராஜா** Mon Oct 18, 2010 11:12 am

திருமங்கலத்தில் முதுமக்கள் தாழி கண்டெடுக்கப்பட்டது

திருமங்கலத்தில் முதுமக்கள் தாழி கண்டெடுக்கப்பட்டது

Re: திருமங்கலத்தில் முதுமக்கள் தாழி கண்டெடுக்கப்பட்டது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக