அழைப்பு நிலாவிடமிருந்து

by nilaaa Sun 17 Oct 2010, 22:58

First topic message reminder :

அன்பு உறவுகளே

எனது மற்றுமோர் படைப்பான உறைக்கும் உண்மைகள் என்ற எனது நான்காவது நூல் வெளியீடு

திருநெல்வேலியிலுள்ள 30 ,மதுரை றோட் இலுள்ள ஸ்ரீ ஜானகிராம் ஹோட்டல்ஸில் ஞாயிறன்று( 24/10/10) காலை 10 மணியளவில் நடைபெறவுள்ளது.

Uploaded with ImageShack.us

என்னுரையை உங்களுடன் பகிர்வதில் எனக்கொரு நிறைவு.

=============================================================================================================
என்னுரை

ஈழத்தில் பிறந்து இங்கிலாந்தில் கடந்த பன்னிரண்டு ஆண்டுகளாக வாழும் நான், இரண்டு நாட்டு வாழ்முறைகளைக் கண்டவள் என்ற முறையிலும், சமகாலப் பதிவுகளைப் பதிதல் ஓர் இலக்கிய வாதியின் கடமை என்பதும் என் மனதில் இருப்பதால் இந்த எனது முயற்சி.

போரின் சூழலை அங்குள்ளவன் போல் எவரும் தத்ரூபத்துடன் உணர்ச்சிகரமாகப் பதிய முடியாது எப்படியோ, அது போல் தான் வெளிநாட்டு அனுபவங்களை வெளிநாட்டில் இருப்பவர்கள் தான் பதிய முடியும் என்பதால் நான் என் சிற்றறிவுக்கு இயன்றவரை ஓர் கதை வடிவில் என் உள்ளக்கிடக்கையை எழுத்துருவாக்கியுள்ளேன்.

எனது மூன்றாம் படைப்பாகிய ‘நிலாவின் இந்திய உலா’ சென்னையில் 29 ஆம் திகதி ஆகஸ்ட் வெளியாகி, பதினைந்து நாட்களின் பின் இப்புத்தகம் உருவாகத் தொடங்கியது. 24 ஆம் திகதி அக்டோபர் திருநெல்வேலியில் இந்நூலை வெளியீடு செய்ய என் அன்பு வட்டத்தினால் (இணையம் மூலம் இணைந்து இன்று ஒர் குடும்பமென ஆகிவிட்ட என் நண்பர்கள், கூடிப் பிறக்காவிடினும் கூடியளவு அன்பு சொரியும் வட்டத்தினரே என் அன்பு வட்டம்) ஆவன நடக்கின்றன. இரண்டே மாதங்களினுள் இந்நூலானது எழுதப்பட்டு… அச்சேறி… அரங்கேறுகிறது என்றால் நம்புவது சிரமமே!.

இந்த அவசரச் சூழலையும் சாதகமாக்க உதவிய என் தனிமைக்கும் நான் நன்றி சொல்ல வேண்டும். ஓசூரில் வைத்தியம் குறித்து நான் தங்கி இருப்பதால் வரும் மட்டுப்படுத்தப்பட்ட தொலைபேசியழைப்புகளும் விருந்தினர்களும் கூடக் காரணம் எனலாம். ஆம்! ‘மஸ்கியூலர் டிஸ்ரொபி’ (Muscular Dystrophy) என்னை 30 ஆண்டுகளுக்கும் மேலாகப் பீடித்து என் செயல்களைத் தடுத்து வைத்துள்ளதை, உடைக்கும் முயற்சியில் நான்.

காலம் வீணே கரைவதைச் சகிக்க முடியாத நான், இம்முயற்சியில் ஈடுபட்டுள்ளேன். கடும் முயற்சிக்கு நிகர் எதுவும் இல்லையே!
நாடகங்கள் பல எழுதிய அநுபவம் எனக்கு உண்டெனினும் கதை, அதுவும் நாவல் எழுதுதல் இக்கன்னியின் கன்னி முயற்சியே. என்றாலும் சவால்கள் நிறைந்ததே வாழ்க்கை. எதிர்கொண்டு தான் பார்ப்போமே.

பலர் சொல்ல நினைப்பதை இக்கதை மூலம் நான் சொல்ல விழைகிறேன். இந்தக் கதையில் வரும் சம்பவங்கள், பாத்திரங்கள் யாவும் கற்பனையே.

இந்நூலில் ஆங்கில உரையாடலை, இந்தக்கதையின் சூழல் அப்படி அமைந்துள்ளதன் காரணமாக அதே பாணியில் பதிய வேண்டியிருந்தமை தவிர்க்க முடியாததாக இருக்கிறது.

‘உறைக்கும் உண்மைகள்’ என்ற இந்த மலர் தங்கள் மனதில் என்ன தாக்கத்தை உண்டு பண்ணுகிறதோ, அதை எழுத்து வடிவில் இந்த மிகக் குறுகிய காலத்தில், எழுத்து வடிவில் தந்து நிற்கும் தமிழ்நாடு முற்போக்கு எழுத்தாளர் கலைஞர்கள் சங்கப் பொதுச்செயலாளர், திரு ச.தமிழ்ச்செல்வன் அவர்களுக்கும் எனத் சிரந்தாழ்ந்த மனம் நிறைந்த நன்றிகள்.

இந்நூலை ஐம்பதாவது அகவை கண்டு நிற்கும் எனது பெரியண்ணர் திரு ப சிவகுமார் அவர்களின் அன்புக்குக் காணிக்கையாக்குகின்றேன்.

இந்நூல் ஒரு சிலரையாவது சிந்திக்க வைத்தால் அதுவே என் எழுத்துக்கும் என் பாடுபடுதலுக்கும் கிடைத்த முழுவெற்றியென மகிழ்வேன். சுவைத்துப் பாருங்கள். உங்கள் விமர்சனத்தை மனம் திறந்து எழுதுங்கள். காத்திருக்கிறேன்.

எதிர்பார்ப்புடன்

அன்புள்ள நிலா

=====================================================================================

உங்களால் முடிந்தால் நீங்கள் வாருங்கள். தெரிந்தவர்களை வரச் சொல்லுங்கள்.

ஒன்று மட்டும் உண்மை நல்ல பேச்சாளர்கள் பேச வருகிறார்கள்.

வரவேற்பவள் நிலா, ராம்குமார், விழா ஒருங்கமைப்பாளர்கள் அழைப்பு நிலாவிடமிருந்து - Page 2 42nila19102010j

அழைப்பு நிலாவிடமிருந்து - Page 2 42nila19102010j

by **ராஜா** Mon 18 Oct 2010, 11:02

புத்தக வெளியீட்டு விழா , நல்லபடியாக வெற்றிபெற வாழ்த்துக்கள் அக்கா , நன்றி

by nilaaa Mon 18 Oct 2010, 11:04

நன்றி ரிபர்ஸ் புன்னகை

by nilaaa Mon 18 Oct 2010, 11:07

ராஜா wrote:புத்தக வெளியீட்டு விழா , நல்லபடியாக வெற்றிபெற வாழ்த்துக்கள் அக்கா ,

மிக்க நன்றி ராஜா!

இத்தகவலைத் தெரிவிக்கக் களம் அமைத்துத் தந்த ஈகரைக்கும் நிர்வாகத்திற்கும் நன்றி

by sino Mon 18 Oct 2010, 11:52

வாழ்த்துக்கள்

by கோவை ராம் Mon 18 Oct 2010, 12:08

உங்கள் புத்தகம் பலர் இதயத்தில் இடம் பிடித்து தடம் பதிக்க வாழ்த்துகள் .உங்கள் வார்த்தைகளில் இருந்து அது மிக பெரிய வரவேற்பை பெரும் என தெரிகிறது

உங்கள் அனைத்து முயற்சிகளும் வெற்றி பெற வாழ்த்துகள்

ராம்

by nilaaa Mon 18 Oct 2010, 13:44

எல்லாம் ஆண்டவன் செயல். முயற்சி மட்டும் என் கையில். வாழ்த்துக்கு நன்றி ராம், சினோ.

அன்புள்ள நிலா அவர்களே,

தாங்கள் புத்தகம் வெளியிடுவது குறித்து மகிழ்ச்சி. விழா சிறப்பு பெற எனது இதயம் நிறைந்த வாழ்த்துக்கள்.

நவில் தோறும் நூல்நயம் போலும்
பயில்தொறும் பண்புடையாளர் தொடர்பு.

என்னும் வள்ளுவர் வாய்மொழிக்கிணங்க தங்களின் நட்பு இணையம் வழி அனைவரும் நுகர்ந்துள்ளோம்.

தங்களின் நூல் பலராலும் படிக்கப்பெர்று பாராட்டு பெற வாழ்த்துகிறேன். நன்றி, வணக்கம்.

அன்புடன், கா.ந.கல்யாணசுந்தரம்.

by nilaaa Mon 18 Oct 2010, 14:01

உங்கள் போன்றோரின் பண்புள்ளோர் நட்புக்கு நானே கொடுத்து வைத்தவள். நன்றி.

சென்னையில் புத்தகம் பெற்றுக் கொள்ள தொடர்பு கொள்ளுங்கள் nilaaa2001 @ gmail.com நன்றி. இடைவெளியில்லாமல் மின்னஞ்சல் முகவரியைப் பதிவு செய்வீர்களாக.