நீரள்ளும் தாமரை (கவிதை)

**kirikasan** · **kirikasan** Sat 23 Oct 2010 - 15:06

(அவள் நீரள்ள ஆற்றுக்குப் போகிறாள். அவள் முகத்தின் இரு விழிகளைக் கண்டு
மீனினம், தாமரைப்பூ மீனைப் பிடித்துகொண்டு போகிறதுஎன மற்றைய மலர்களோடு
சண்டைக்கு போகின்றன.)

செந்தூர மென்ன சிவந்தகனி முகத்தெடு வண்ணம்
தன்னழ லென்றஞ்சி தணிகதிரோன்
மன்னன் ரதிகைமலரில் தன்வேல் மறைத்தெறிமா
மலையென் மனங்கவிழ்த்த விழியாள்
சின்னோர்வளை புருவஞ் சேர்மதியம் நீராடச்
சிதையு நீரோடியே மின்னும்
மென்னீர்மின் பவள மிளிர்சங்கை நிகர்கண்டம்
மேன்மைசொல நாளேகுமே

தந்தஇடை கொள்குடமோ தளிர்மேனி கொஞ்சத்
தாங்காது கொல்கொல் என்று
சந்தன மென்பாதச் சதங்கைவாழ் வெண்ணியது
சத்தமிடச் சேதி சொல்லும்
முந்தோடிச் செல்காற்றும் மோந்துநீர் கொள்மகளின்
முன்கால் நீருள்புதை பக்கமாய்
செந்தாமரைக் கீழ் சிறுயிலையின் மறைகயலின்
செவிகூற விழியும் கண்டே

அந்தோசொல் கேளீரவ ரெங்கள்குலத் திருவரென்
றாவென்று அலறியோட
செந்தாமரை யெம்மைச் சிறையெடுப்ப தென்னோ
சேர்வீர் என்றூர் சலசலக்க
வந்ததோர் சொல்கேள் வளைஅலைநீ ருறங்குகுலம்
வாழ்வெண்ணித் துடிதுடித்து
எந்தோ பங்கயமென் றெழுந்துபடை கயல்திரளும்
இனிதாமெம் ஈழநாடே!

அன்பு தளபதி · அன்பு தளபதி Sat 23 Oct 2010 - 15:11

ஈழநாட்டின் அழகா என்றால் நான் பார்த்ததில்லை இக்கவிதை அழகு

balakarthik · balakarthik Sat 23 Oct 2010 - 15:15

**கா.ந.கல்யாணசுந்தரம்** · 28/02/2009

**kirikasan** · **kirikasan** Sat 23 Oct 2010 - 15:36

அன்பு கொண்டு பாராட்டிய அனைவருக்கும் நன்றிகள்!!!

குடந்தை மணி · குடந்தை மணி Sat 23 Oct 2010 - 17:43

ஆகா - அருமையான கவியினை சுவைத்தேன் - நன்றி

Thanjaavooraan · Thanjaavooraan Sun 24 Oct 2010 - 17:54

பாடலின் வருணனை மிக அழகு...

**சிவா** · **சிவா** Sun 24 Oct 2010 - 18:04

மிகவும் ரசித்தேன் அண்ணா, உங்களின் அழகுக் கவிதையை!

அப்புகுட்டி · அப்புகுட்டி Sun 24 Oct 2010 - 18:12

**kirikasan** · **kirikasan** Mon 25 Oct 2010 - 12:40

சிவா wrote:

மிகவும் ரசித்தேன் அண்ணா, உங்களின் அழகுக் கவிதையை!

அதை விட இந்தப் படம்பொருத்தமாகவும் அழகாகவுமிருக்கிறதே! நான் ஒரு படம் தேடிக்கிடைக்காமல் நானே கீறி சேச்சே கிறுக்கி திருஷ்டிக்கு வைப்பதுபோல் போட்டு வைத்திருக்கிறேன்.

தங்களோடு சேர்த்து பாராட்டுபவர்க்கு நன்றிகள்!!

Sponsored content · Sponsored content

நீரள்ளும் தாமரை (கவிதை)

நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

Re: நீரள்ளும் தாமரை (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக