நிலை நினைத்து வாடும் பூக்கள்

கார்த்திக் · கார்த்திக் Thu Oct 14, 2010 5:00 pm

செடிகளில் பூத்துக்குலுங்கியும்
கவனிக்கப்படாமல் போகையில்.....

பறிக்கப்பட்டும் சந்தையில்
விலைபோகாமல் இருக்கையில்.....

மாலையாக கோர்க்கையில்
சிதறிவிழுந்து சிதைகையில்.....

எம் வாசம் நுகரமுடியாத
இறந்த மனிதர்களுக்கு
அலங்காரமாய் சூடுகையில்....

அர்ச்சனை பூக்களாக
திருச் சன்னதிவரை சென்றும்
தெய்வத் திருவடி அடையாமல்
திரும்பி வருகையில்.......

சொல்லா துக்கங்கள்
விரிந்த எம்முகத்தில்
புன்னகை மட்டும் பார்ப்பவர்கள்
உணர மறந்து விடுகிறார்கள்....

நீரற்ற கண்ணீரையும்
ஓசையற்ற அழுகையையும் ......

புவனா · புவனா Thu Oct 14, 2010 5:12 pm

அழகான கவிதை கார்த்திக்...
எப்படி இப்படி எல்லாம் யோசிக்க முடியுது....
அருமை அருமை......

மகிழ்ச்சி

கார்த்திக் · கார்த்திக் Thu Oct 14, 2010 5:18 pm

ரூம் போட்டு தான் ....

நன்றி பூவி அன்பு மலர்

**T.N.Balasubramanian** · **T.N.Balasubramanian** Thu Oct 14, 2010 6:53 pm

(ரூம் ரெண்ட் 600 ரூபாயா?)
வாழ்த்துக்கள் கார்த்திக்.

"நீரற்ற கண்ணீரையும்
ஓசையற்ற அழுகையையும் "

ஒரு பாரா, முன்னே வைத்துப் பார்த்து ,
மிகவும் ரசித்தேன்.

ரமணீயன்.

கார்த்திக் · கார்த்திக் Thu Oct 14, 2010 6:55 pm

T.N.Balasubramanian wrote:(ரூம் ரெண்ட் 600 ரூபாயா?)
வாழ்த்துக்கள் கார்த்திக்.

"நீரற்ற கண்ணீரையும்
ஓசையற்ற அழுகையையும் "

ஒரு பாரா, முன்னே வைத்துப் பார்த்து ,
மிகவும் ரசித்தேன்.

ரமணீயன்.

நன்றி ஐயா ...