நினைவுகள் மட்டும் !

துடிக்கின்ற இதயம் நினைவுகள் மட்டும் ! Thinker

நெஞ்சிடம் கேட்டது....
உன் நினைவுகளை
என்னிடம் தேக்கிவை என்று!
எங்களின் நெஞ்சக் குழிக்குள்
தேக்கியிருக்கும் நினைவுகளைத்
தாங்கிக்கொள்ள உங்களால்
முடியாதென்று நெஞ்சம்
சொல்வதற்குள்....
வெடித்தது இதயம்
அந்தோ! எறிந்த உடலில்
நினைவுகள் மட்டும்
இன்னும் தேடிக்கொண்டிருக்கின்றன...
அந்த நெஞ்சக் கூட்டினை!
இரக்கமற்ற இதயத்தை
தூற்றியபடி!

...கா.ந.கல்யாணசுந்தரம்.

by balug00 Sun Oct 17, 2010 1:58 pm

நினைவுகளின் பாரம் என்னவென்று சுமப்பவர்க்கு மட்டுமே தெரியும். நன்று.

by செய்தாலி Sun Oct 17, 2010 2:00 pm

அருமையான வரிகள் தோழரே

by Guest Sun Oct 17, 2010 8:10 pm

நினைவிருக்கா தோழியே!
பள்ளிப் பருவத்திலே
விடுமுறை என்றதுமே
விண்ணுக்கும் மண்ணுக்கும்
நாம்
தாவி குதித்தது!

ரொட்டித் துண்டுகள்
தின்றபடி
குட்டிக் கதைகள்
பேசித் திரிந்தோம்...!

தொண்டியிட்ட
கன்றுக் குட்டியை
கொடுபோட
துரத்தித் திரிந்தோம்...!

பிஞ்சுவிட்ட
வெள்ளரிக் கொடியை
வரப்போரமாய்
தேடித் திரிந்தோம்...!

கொத்தும் கிளியை
விரட்டிவிட்டு
குஞ்சுக் கிளியை
பிடித்துத் திரிந்தோம்...!

தீப் பெட்டிகளில்
நூலிணைத்து
காது கொடுத்து
பேசித் திரிந்தோம்...!

ஈர மணலை
கொட்டில் நிறைத்து
முட்டை என்றும்
தட்டித் திரிந்தோம்...!

பருத்திப் பூவை
பறித்து வந்து
மாலை என்றும்
கட்டித் திரிந்தோம்...!

நாம்
துள்ளி குதித்து
புள்ளி அமைத்த
பாதைகள் - இன்று
நட்பின்
வண்ணக் கோலங்களாய்!

அதனால்தானே...
உன் தோழியை எனக்கும்
என் நன்பனை உனக்குமாய்
வாழ்க்கை
துணையாக்கி கொண்டோம்!

by **Aathira** Wed Nov 17, 2010 9:37 am

Kaa Na Kalyanasundaram wrote:துடிக்கின்ற இதயம்
நெஞ்சிடம் கேட்டது....
உன் நினைவுகளை
என்னிடம் தேக்கிவை என்று!
எங்களின் நெஞ்சக் குழிக்குள்
தேக்கியிருக்கும் நினைவுகளைத்
தாங்கிக்கொள்ள உங்களால்
முடியாதென்று நெஞ்சம்
சொல்வதற்குள்....
வெடித்தது இதயம்
அந்தோ! எறிந்த உடலில்
நினைவுகள் மட்டும்
இன்னும் தேடிக்கொண்டிருக்கின்றன...
அந்த நெஞ்சக் கூட்டினை!
இரக்கமற்ற இதயத்தை
தூற்றியபடி!

...கா.ந.கல்யாணசுந்தரம்.

இந்தக் கவிதை எப்படி என் கண்ணில் மண்ணைத்தூவி விட்டு ஒளிந்து கொண்டது என்று.
//எறிந்த உடலில்
நினைவுகள் மட்டும்
இன்னும் தேடிக்கொண்டிருக்கின்றன...
அந்த நெஞ்சக் கூட்டினை!
இரக்கமற்ற இதயத்தை
தூற்றியபடி!//
ஐயா என் இதயத்தைப் பிழிந்த வரிகள்.. மனமார பாராட்டத் தேடிக்கொண்டிருக்கிறது கல்யாண் ஐயாவின் இதயத்தை...