வடக்குக் கிழக்கில் இராணுவ முகாம்கள் நிர்மாணிப்பதில் சீனா மும்முரம்

நிசாந்தன் · நிசாந்தன் Sun Oct 17, 2010 2:10 am

இராணுவத் தளபதி ஜகத் ஜயசூரிய சீன அரசாங்கத்தின் உதவியுடன் வடக்கு, கிழக்கில் நிரந்தர இராணுவ முகாம்கள் நிர்மாணிக்கப்பட்டு வருவதாக தெரிவித்த இராணுவத் தளபதி லெப்டினண்ட் ஜெனரல் ஜகத் ஜயசூரிய, வெளிநாட்டு படைகளுக்கு இலங்கையில் பயிற்சியளிப்பதற்கான நடவடிக்கைகள் மேற்கொள்ளப்பட்டு வருவதாகவும் கூறினார். இலங்கை இராணுவத்தின் 61 ஆவது ஆண்டு நிறைவையொட்டி கொழும்பு இராணுவ தலைமையக மைதானத்தில் நேற்று சனிக்கிழமை நடைபெற்ற நிகழ்வில் உரையாற்றும் போதே அவர் இந்தத் தகவல்களை வெளியிட்டார்.

இப்போது யுத்தம் முடிந்துவிட்டது. 30 வருட யுத்தத்தின் பின்னர் பொருளாதார அபிவிருத்தி யுத்தமே தற்போது ஆரம்பமாகியிருக்கிறது. அந்த வகையில் இலங்கையை அபிவிருத்தியில் உயர்த்துவதும் அதேபோல் படையினரின் நலன்புரி விடயங்களுமே தமது இராணுவத்தினரின் அடுத்த நடவடிக்கையாக இருக்க வேண்டுமாம் என்கிறார் அவர்.

இராணுவத்தினரின் வசதிகளை மேம்படுத்தும் பொருட்டு நாடு முழுவதும் அனைத்து வசதிகளுடனும் கூடிய நிரந்தர முகாம்களை நிர்மாணிக்கத் திட்டமிடப்பட்டுள்ளது. சீன அரசிடமிருந்து எமது அரசாங்கத்துக்குக் கிடைத்துள்ள ஏற்கனவே தயார் நிலையிலுள்ள கட்டிட பாகங்களைப் பயன்படுத்தி வடக்கு, கிழக்கு பிரதேசங்களில் நிலையான முகாம்கள் தற்போது அமைக்கப்பட்டு வருகின்றன.

இதேநேரம், தொழில்சார் ரீதியான இராணுவம் என்ற வகையில் தேவையான பயிற்சிகள் மற்றும் தொழில்நுட்பங்களை வழங்கவும் பாதுகாப்புப் படை கட்டளைத் தலைமையக மட்டங்களில் தொழில்சார் பயிற்சி நிலையங்களை ஏற்படுத்தவும் எதிர்பார்க்கப்படுகிறது. அத்துடன் இலங்கை அரசாங்கத்தின் இராஜதந்திர உறவுகள் ஊடாக பாதுகாப்புச் செயலாளர் கோத்தபாயவின் ஆலோசனையின் பிரகாரம் வெளிநாட்டு படைகளுக்கு பயிற்சியளிக்கவும் நடவடிக்கை எடுக்கப்பட்டுவருகிறது என்றும் ஜகத் ஜயசூரிய தெரிவித்தார்.

வடக்குக் கிழக்கில் இராணுவ முகாம்கள் நிர்மாணிப்பதில் சீனா மும்முரம்

வடக்குக் கிழக்கில் இராணுவ முகாம்கள் நிர்மாணிப்பதில் சீனா மும்முரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக