கனேடிய ரத்த வங்கி, தமிழர்களுக்குப் பாராட்டு !

நிசாந்தன் · நிசாந்தன் Sun 17 Oct 2010 - 3:32

ஒட்டாவாவில் செப்டெம்பர் 20ம் திகதி இடம் பெற்ற 'Honoring Our Lifeblood' என்னும் நிகழ்வில் கனடிய குருதி சேகரிப்பு நிலையமானமானது (Canadian Blood Services) கனடிய தமிழர் பேரவைக்கு 'மத்திய ஒன்ராரியோவிற்கான சிறந்த சமூக பங்களிப்பு நிறுவனம்' என்னும் பட்ட்த்தினை வழங்கிக் கெளரவித்தது. ஒரு மாகாணத்திற்கு ஒரு அமைப்பு மட்டும் தெரிவுசெய்யப்படும் இந்நிகழ்வில் ஏழு மாகாணங்களிலிருந்து கனடிய தமிழர் பேரவை உட்பட வெவ்வேறு அமைப்புக்கள் தெரிவு செய்யப்பட்டன. இருப்பினும் இவ் ஏழு அமைப்புக்களிலும் கனடிய தமிழ் காங்கிரசின் பங்கு அளப்பரியது. தமிழ்க் கனடியர்களே அனைத்து சமூக அங்கத்தவர்களையும் விட அதிகளவில் இரத்த தானம் செய்திருந்தமை இங்கு முக்கியமாகக் குறிப்பிடத்தக்கது. இந் நிகழ்வு பற்றி சென்ற செப்டெம்பர் மாதம் 21ம் திகதி Globe and Mail பத்திரிகை செய்தி வெளியிட்டிருந்தது.

கனடியத் தமிழ் காங்கிரஸ் 2008ம் ஆண்டு தொடக்கம் கனடிய குருதி சேகரிப்பு நிலையத்துடன் இணைந்து சேவையாற்றி வருகின்றது. தமிழ் கனடியர்கள் இதுவரையில் கிட்டத்தட்ட 1000 units குருதியினை வழங்கி 3000 உயிர்களைக் காப்பாற்றியுள்ளனர். 2009ல் கனடிய தமிழர் பேரவை மூல உயிரணு, என்பு மச்சை போன்ற தானங்களுக்கான விழிப்புணர்வு நிகழ்வினை ஒரு முழு ஆண்டு காலமாக நடாத்தியிருந்ததுடன் 50க்கும் மேற்பட்ட தமிழ் மக்கள் உயிரணு தானம் என்புமச்சைக்கான தானம் செய்யும் வலையமைப்பில் இணைந்துள்ளனர். தெற்காசியர்களுக்கான உயிரணு என்பு மச்சை தானத்திற்கான தேவை மிகவும் அதிகரித்திருப்பதால் நாடு முழுவதிலும் உள்ள மக்களுக்கு இது சம்பந்தமான விழிப்புணர்வை ஏற்படுத்த கனடிய தமிழர் பேரவை ஆவன செய்துகொண்டிருக்கின்றது.

கனடிய தமிழர் பேரவையின் நிர்வாக சபை இயக்குநர்களில் ஒருவரும் குடும்ப சுகாதார வைத்திய நிபுணருமான டாக்டர் மீரா செல்வக்கோன்இ கனடிய தமிழர் பேரவையின் குருதிக் கொடைப் பிரச்சார இணைப்பாளர் வதனி உதயசுந்தரம் ஆகியோர் கனடிய குருதிச் சபையினரால் வழங்கப்பட்ட விருதினைப் பெற்றுக் கொண்டனர். விருது வழங்கும் வைபவம் ஒட்டாவாவில் உள்ள கனடிய இயற்கை அரும்பொருள் அகத்தில் (Canadian Museum of Nature) இடம் பெற்றது. மேலும் ஒட்டாவா ஒலிபரப்பு நிலைய இயக்குநரும் ழுவவயறய Ottawa Senators Club இன் அறிவிப்பாளருமாகிய Mr. St Schwartz இந் நிகழ்வின் நடாத்துனராக கடமையாற்றினார். Dr. Graham Sher, Chief Executive Officer Chair of the Canadian Blood Services, Dr. Marla Shapiro, medical consultant for the CTV National News and Canada AM ஆகியோர் மட்டுமல்லாது குருதித்தானம் பெற்றுக்கொண்ட பலரும் உரையாற்றியிருந்தனர்.

டாக்டர் மீரா செல்வக்கோன் உரையாற்றுகையில் கனடிய தமிழ் மக்கள் பலரதும் கனடியத் தமிழர் பேரவையினதும் அயராத உழைப்பே இன்று எங்கள் மக்களையும் அவர்களது இரக்கசுபாவத்தினையும் வெளிக் காட்டி இன்று இந்த விருதினைக் கிடைக்கும் வண்ணம் செய்திருக்கின்றது என்றார். அதுமட்டுமல்ல எங்கள் மக்கள் பலரும் குருதித் தானம் உயிரணு தானம் என்பவற்றின் முக்கியத்துவத்தினை உணர்ந்து அவற்றினை வழங்க ஆயத்தமாக இருப்பது அவர்களது மிகவும் உயர்ந்த பண்பினைக் காட்டுவதாக அமைகின்றது எனவும் தனது உரையினை முடித்திருந்தார்.

மேற்குறிப்பிட்ட தானங்களை வழங்குவதற்கு (416)240-0078 என்னும் இலக்கத்தில் கனடியத் தமிழர் பேரவையினையும் 1-888-2-DONATE என்னும் இலக்கத்தில் கனடிய குருதி சேகரிப்பு நிலையத்தினையும் அழைக்கலாம். நீங்கள் தானம் செய்யும் போது ID: CANA009345 என்னும் கனடியத் தமிழர் பேரவையின் அடையாள இலக்கத்தினையும் பாவித்து கனடியத் தமிழர்களின் பங்களிப்பின் அளவினை கூட்ட உதவுங்கள்.

கனேடிய ரத்த வங்கி, தமிழர்களுக்குப் பாராட்டு !

கனேடிய ரத்த வங்கி, தமிழர்களுக்குப் பாராட்டு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக