என் இரவு நண்பன்...

by **Aathira** Sat Oct 16, 2010 3:41 pm

First topic message reminder :

என் இரவு நண்பன்......

என் இரவு நண்பன்... - Page 2 Images?q=tbn:ANd9GcSRrsDKCjMuZQNDz6gnfY5DQiOMR8pVHLWC2F4_aJdFLvV_014&t=1&usg=__SCdUbNTDXnqfvaQSKa4TmnUIZQ0=

இரவு நண்பன் நீ
இனிமைக் கதைகளுக்கும்
இளமைக் கதைகளுக்கும்
கண்ணீர்க் கதைகளுக்கும்
முதலாம் சாட்சி நீ!

ஈருடல் சேரும்
பரவச வேளையில்
இங்கிதம் தெரியா
மனிதர்கள் இவரென்று
முணுமுணுத் திருப்பாயோ?

அங்கத லீலைகள்
அனுதினம் கண்டு
மகிழ்ச்சி பொங்க
மோன நிலையில்
பூரித்திருப்பாயோ?

மெளன மொழியும்
அறியா உன்னை
மந்திரவாதியாய்
உருவகத்திடும்
அவலம் கண்டு
புழுங்கிச் சாவாயோ?

அழுக்குத் தலையும்
ஈரும் பேனும்
அனுதினம் உன்மேல்
அழுந்துவதனால்
அதிர்ந்து போவாயோ?

அவ்வப்போது மாற்றாவிடினும்
எப்போதாவது சட்டையைமாற்றி
முடை நாற்றத்தின்
மூர்ச்சையில் இருந்து
தெளிய வைப்பார்களா
என்று ஏங்கியிருப்பாயா?

சிவப்பு முக்கோணம்
செய்யும் வேலையைச்
சில நேரங்களில்
செய்வதை எண்ணி
செம்மாந்து இருப்பாயா?

கல்மனக் காரர்கள்
காலுக்குள் போட்டு
மிதிப்பதனாலே
மதிக்கத்தெரியா
மனிதரென்றெண்ணி
மன்னித்திருப்பாயா?

மடியிலுன்னை
சீராட்டுகையிலே
சிந்தனையூற்றாய்
பிரவாகித்து
சீர்கவிதை
பொழிவாயோ?

கட்டில் போரில்
ஆயுதமாகவும்
கேடயமாகவும்
அவதரிப் பதனால்
ஆண்மை கொள்வாயோ?

பஞ்சுப் பொதியே!
எண்ணங்களாகி
பருத்து இருப்பாயோ?
ஓய்வு பெறுமுன்
அனுபவம் கூறி
அமைதி அடைவாயோ?

ஆதிரா..

by **Tamilzhan** Sat Oct 16, 2010 8:11 pm

சூப்பர்க்கா... என் இரவு நண்பன்... - Page 2 677196

இந்த பிட்டையும் சேர்த்துக்கோங்க..

ஜொள்ளர்களின்
சுமை தாங்கி தலை அனை...!

by **Aathira** Sat Oct 16, 2010 8:23 pm

Tamilzhan wrote:சூப்பர்க்கா...

இந்த பிட்டையும் சேர்த்துக்கோங்க..

ஜொள்ளர்களின்
சுமை தாங்கி தலை அனை...!

ஆமால்ல... இதை மறந்துட்டேன்ல.... என் இரவு நண்பன்... - Page 2 755837

அனுபவம் பேசுதா!!!
.. நன்றி தமிழன்.. என் இரவு நண்பன்... - Page 2 154550

by **Aathira** Sat Oct 16, 2010 8:28 pm

ஹாசிம் wrote:அக்காவின் அற்புத வரிகள் அருமையாக உள்ளது அக்கா

தனிமையின் தவிப்பில்
தலைவைப்பதும் உன்மடியில்
தங்கம் நீ என கட்டித்தூங்குவதும் உன்னோடு
தழுவும் உன்னை தாங்க முடிகிறது

இந்த இரவு நண்பனைப்பற்றி எழுத பலநாள் நினைத்ததுண்டு
அதனை அக்காவின் வரிகளில் கண்டு ஆனந்தம்

என்றோ கிறுக்கியதுதான் ஹாசிம் இது. இன்று கையில் கிடைத்தது. பதிந்து விட்டேன். ஆனந்தம் அடைந்த அன்புக்கு நன்றி ஹாசிம்.. என் இரவு நண்பன்... - Page 2 154550

by **Aathira** Sat Oct 16, 2010 8:46 pm

T.N.Balasubramanian wrote:இரவு நண்பன் ,
இக்காலங்களில்
மதிய நேரங்களிலும்
ஓரிரு மணிகள்
நான் மதிக்கும்
மதிய நண்பன்.

தலை அணைக்கு ,
கவிதையால் ஒரு அணை கட்டி,
சிறுக சிறுக வெளிக் கொணர்ந்த,
அருமையான கவித் துளிகள்.

வாழ்த்துக்கள் .
ரமணீயன்.

மதியம் நான் கண் அயர்வது இல்லை ஐயா. அதனால் சொல்ல மறந்து விட்டேனோ? சும்மா சுவைக்காக இட்ட பெயர் இது... தங்கள் பாராட்டு என்ற அன்பான அணையில் இதமாக இருக்கிறோம் ஐயா.. மிக்க நன்றி ஐயா.. என் இரவு நண்பன்... - Page 2 678642

by Jotheshree Sat Oct 16, 2010 9:05 pm

அழகான வரிகள்.. அக்கா... தலையணை பேசினால்... என்னாகும் என சிந்திக்க தூண்டுகிறது அக்கா..

அருமையான கவிதை அக்கா..

தலையணை..தங்கள் கவியால்..
பெருமைப்பட்டு கொள்ளும்...

by **சிவா** Sat Oct 16, 2010 9:21 pm

///அழுக்குத் தலையும்
ஈரும் பேனும்
அனுதினம் உன்மேல்
அழுந்துவதனால்
அதிர்ந்து போவாயோ?///

நீண்ட நாட்களுக்குப் பிறகு உங்களின் அருமையான படைப்பு வெளியானதில் மகிழ்ச்சி அக்கா! சிறப்பான கவிதை! என் இரவு நண்பன்... - Page 2 154550

by **Aathira** Sun Oct 17, 2010 11:21 am

Jotheshree wrote:அழகான வரிகள்.. அக்கா... தலையணை பேசினால்... என்னாகும் என சிந்திக்க தூண்டுகிறது அக்கா..

மிக்க நன்றி ஜோ... என் இரவு நண்பன்... - Page 2 154550

பஞ்சுப் பொதியே!
எண்ணங்களாகி
பருத்து இருப்பாயோ?
ஓய்வு பெறுமுன்
அனுபவம் கூறி
அமைதி அடைவாயோ?

..............மிக மிக நல்ல பதிவு. தலையணை கவிதை தரும் சுகமான சூழல்கள் அருமை ஆதிரா. வாழ்த்துக்கள்.